Rimè Komen ki gen Rapò avèk Katastwòf

Souvan gen anpil rimè ak fwod apre yon katastwòf. Bay patisipasyon ou pou anpeche rimè yo simaye de pi ou fè kat bagay fasil sa yo: 

  1. Jwenn sous enfòmasyon ou fè konfyans. 
  2. Divilge enfòmasyon ou jwenn nan sous ou fè konfyans yo. 
  3. Dekouraje lòt moun pou yo pa bay enfòmasyon nan sous yo pa verifye. 
A flooded street with a house and a rescue boat rescuing 2 people

Rimè Sou Respons a Siklòn

Rete okouran de rimè ki ap sikile sou siklòn Helene ak Milton pou kenbe kominote ou an sekirite.

Revize Rimè yo

Rimè yo

alert - info

Ale sou sitwèb Disaster Fraud | FEMA.gov.

Itilize meni dewoulan an pou distenge selon kalite kesyon an oswa tape yon mo kle.

Rimè: Yon ti dlo pa ta lakòz anpil domaj.

Sa pa vrè. Sèlman senk pous dlo kapab lakòz domaj ki vo $25,000.

Ale nan paj sitwèb National Flood Insurance Program pou achte asirans pou inondasyon oswa pou jwenn plis enfòmasyon.

Rimè: Mwen pa posede yon biznis, kidonk mwen pa ka aplike pou yon prè nan Administrasyon ti biznis ameriken (SBA, US Small Business Administration).

Ou pa bezwen posede yon biznis pou mande yon prè pou katastwòf nan men Administrasyon ti biznis ameriken (SBA, U.S. Small Business Administration).

SBA bay pwopriyetè kay kalifye, lokatè, ak biznis tout gwosè prè pou katastwòf ak enterè ki ba.

Ou ka itilize prè pou katastwòf SBA pou bagay sa yo:

  • Reparasyon Kay oswa Ranplasman
  • Alejman
  • Pwopriyete pèsonèl
  • Pèt biznis
  • Reparasyon Veyikil oswa Ranplasman
  • Kapital travay pou ti biznis ak pifò òganizasyon prive

Yo dwe ranbouse prè SBA pou asistans pou katastwòf.

Si ou toujou gen bezwen ki pa satisfè, prè yo ka ede ak reparasyon oswa ranplasman kay, pwopriyete pèsonèl, machin, alèjman, pèt biznis, ak kapital travay pou ti biznis ak pifò òganizasyon prive.

Aprann plis sou prè SBA pou katastwòf. Ou ka rele Liy Èd FEMA a nan 800-621-3362 tou si w gen lòt kesyon oswa si w bezwen plis enfòmasyon.

Liy Asistans FEMA

1-800-621-3362

711 oswa Sèvis Relè Videyo disponib

  • Peze 1 pou Angle
  • Peze 2 ou Panyòl
  • Peze 3 pou lòt lang
Rimè: Sivivan yo pa kapab enskri si yo gen asirans.

Sa pa vrè. Si ou gen asirans, ou kapab aplike pou asistans FEMA, men ou dwe prezante yon reklamasyon nan asirans ou anvan. Si asirans lan pa kouvri tout depans ou fè ki gen rapò avèk katastwòf lam, ou ka toujou kalifye.

Ale nan pat sitwèb FAQ page pou jwenn plis enfòmasyon.

Rimè: Si ou resevwa yon sibvansyon nan FEMA, w ap resevwa mwens lajan nan Sekirite Sosyal.

Sa pa vrè. Asistans FEMA pa taksab epi li p ap afekte kalifikasyon ou pou avantaj Sekirite Sosyal, avantaj Medicaid ak lòt avantaj federal.

Rimè: Mwen enskri otomatikman pou asistans FEMA si mwen te rapòte domaj yo ba pawas lokal mwen, ofisyèl lokal yo, oswa yon òganizasyon sekou pou katastwòf.

Sa pa vrè. Pou yo konsidere ou pou asistans federal akòz katastwòf, ou dwe aplike dirèkteman avèk FEMA.

Rimè: Asirans pwopriyetè kay mwen gen asirans pou inondasyon ladan.

Sa pa vrè. Kontra asirans pwopriyetè kay yo pa nòmalman kouvri domaj inondasyon. Anjeneral asirans pou inondasyon se yon kontra apa.

Ale nan paj sitwèb National Flood Insurance Program pou achte asirans pou inondasyon oswa pou jwenn plis enfòmasyon.

Rimè: Mwen pa bezwen asirans pou inondasyon si mwen kapab resevwa asistans akòz katastwòf nan FEMA.

Sa pa vrè. Yon kontra asirans pou inondasyon ap kouvri ou pandan diferan evènman inondasyon. Asistans FEMA akòz katastwòf disponib sèlman lè prezidan an deklare yon katastwòf federal. Answit, sibvansyon FEMA bay yo pa toujou ase pou kouvri tout pèt yo.

Ale nan paj sitwèb  National Flood Insurance Program pou achte asirans pou inondasyon oswa pou jwenn plis enfòmasyon.

Rimè: FEMA pral sèlman bay yon sèl asistans pou chak kay.

Anjeneral, FEMA bay tout asistans elijib nan yon aplikasyon pou ede tout manm fanmi ki te fèt avan katastwòf la. Sepandan, FEMA pral evalye bezwen inik sivivan ki elijib yo genyen ladan yo kay ki ka separe akòz katastwòf la, kay ki fòme ak kolokasyon, oswa lè gen yon relasyon finansye ant yon pwopriyetè k ap viv nan yon kay ki gen pension oswa lokatè.

Rimè: FEMA ap ranbouse m pou yon dèlko mwen achte.

Sa depan. FEMA ka ranbouse acha a si ou te pèdi kouran epi dèlko a te nesesè pou kouran yon pyès ekipman medikalman mande, tankou yon frijidè pou medikaman ki nesesè yo, tankou ensilin. Pou w kalifye, ou dwe soumèt dokiman ki soti nan yon founisè sèvis medikal ki fè konnen ekipman an nesesè medikalman.  

Nan ka ki ra, yo ka anile egzijans pou yon bezwen medikal pou dèlko a, sa ki pèmèt ranbousman pou moun ak kay ki elijib ki te pèdi kouran akòz katastwòf la.

Asire w ou tcheke pou gid espesifik pou katastwòf, tankou:

  1. Si yo ofri ranbousman pou yon dèlko pou katastwòf la.
  2. Si w kalifye pou asistans sa a.
  3. Dat kote ou ka achte yon dèlko epi resevwa ranbousman.

Rimè: Si aplikasyon mwen an pa apwouve, pa gen anyen mwen ka fè sou li.

Se pa vre. Chak aplikan gen dwa pou li konteste. Yon kontestasyon se chans ou genyen pou w di FEMA poukisa ou pa dakò ak desizyon ajans lan te pran an. Ou ka voye nouvo enfòmasyon oswa plis enfòmasyon epi mande FEMA pou chanje desizyon li pran. Ou dwe voye lèt apèl ou siyen pa lapòs oswa soumèt nan 60 jou apre ou resevwa lèt desizyon w la.

Dènye Mizajou
Retounen anwo