Rimè Komen ki gen Rapò avèk Katastwòf

Souvan gen anpil rimè ak fwod apre yon katastwòf. Bay patisipasyon ou pou anpeche rimè yo simaye de pi ou fè kat bagay fasil sa yo: 

  1. Jwenn sous enfòmasyon ou fè konfyans. 
  2. Divilge enfòmasyon ou jwenn nan sous ou fè konfyans yo. 
  3. Dekouraje lòt moun pou yo pa bay enfòmasyon nan sous yo pa verifye. 
A flooded street with a house and a rescue boat rescuing 2 people

Rimè Sou Respons a Siklòn

Rete okouran de rimè ki ap sikile sou siklòn Helene ak Milton pou kenbe kominote ou an sekirite.

Revize Rimè yo

Rimè yo

alert - info

Ale sou sitwèb Disaster Fraud | FEMA.gov.

Itilize meni dewoulan an pou distenge selon kalite kesyon an oswa tape yon mo kle.

Rimè: Mwen pa posede yon biznis, kidonk mwen pa ka aplike pou yon prè nan Administrasyon ti biznis ameriken (SBA, US Small Business Administration).

Ou pa bezwen posede yon biznis pou mande yon prè pou katastwòf nan men Administrasyon ti biznis ameriken (SBA, U.S. Small Business Administration).

SBA bay pwopriyetè kay kalifye, lokatè, ak biznis tout gwosè prè pou katastwòf ak enterè ki ba.

Ou ka itilize prè pou katastwòf SBA pou bagay sa yo:

  • Reparasyon Kay oswa Ranplasman
  • Alejman
  • Pwopriyete pèsonèl
  • Pèt biznis
  • Reparasyon Veyikil oswa Ranplasman
  • Kapital travay pou ti biznis ak pifò òganizasyon prive

Yo dwe ranbouse prè SBA pou asistans pou katastwòf.

Si ou toujou gen bezwen ki pa satisfè, prè yo ka ede ak reparasyon oswa ranplasman kay, pwopriyete pèsonèl, machin, alèjman, pèt biznis, ak kapital travay pou ti biznis ak pifò òganizasyon prive.

Aprann plis sou prè SBA pou katastwòf. Ou ka rele Liy Èd FEMA a nan 800-621-3362 tou si w gen lòt kesyon oswa si w bezwen plis enfòmasyon.

Liy Asistans FEMA

1-800-621-3362

711 oswa Sèvis Relè Videyo disponib

  • Peze 1 pou Angle
  • Peze 2 ou Panyòl
  • Peze 3 pou lòt lang
Rimè: FEMA pral peye pou otèl mwen si mwen rele nimewo 1-800-621-3362.

Ou pa kapab mande asistans pou peman chanm otèl nan FEMA si ou rele nenpòt nimewo.

Men, FEMA ka ranbouse depans pou lojman ba moun ak fanmi yo ki kalifye. Pou wè si asistans sa a ap disponib pou ou, aplike sou sitwèb  DisasterAssistance.gov.

Rimè: Si mwen resevwa yon lèt FEMA ki deklare mwen pa kalifye, sa vle di mwen p ap resevwa okenn asistans.

Sa depann. Lè ou resevwa yon lèt ki deklare aplikasyon ou “pa kalifye" oswa “pa konplè” ou kapab tcheke sitiyasyon ou sou entènèt oswa ou kapab rele Liy Èd FEMA pou jwenn plis enfòmasyon.

Lèt sa a ka vle di plis enfòmasyon nesesè pou bay, oswa reklamasyon asirans moun ki aplike a bezwen rezoud anvan yo kapab bay asistans FEMA akòz katastwòf la.

Rimè: Ou dwe yon sitwayen ameriken pou aplike pou asistans federal.

Se pa vre. FEMA ka bay asistans finansye a sitwayen ameriken, sitwayen ki pa sitwayen ameriken ak etranje ki kalifye yo.

Lè yo disponib, resous soutni lavi tankou abri, manje ak dlo, konsèy pou kriz, jesyon ka dezas, pwogram asistans nitrisyon siplemantè pou katastwòf ak sèvis legal pou katastwòf yo disponib pou sivivan dezas kèlkeswa sitwayènte ak sitiyasyon imigrasyon.

Aprann plis sou, oswa vizite paj Kondisyon Sitwayènte ak Sitiyasyon Imigrasyon pou benefis piblik federal yo.

Rimè: Si mwen resevwa yon sibvansyon nan men FEMA, mwen oblije ranbouse li.

Se pa vre. Nan pifò ka yo, sibvansyon FEMA pa oblije ranbouse. Si ou gen asirans ki kouvri depans lojman tanporè ou yo, men ou mande FEMA pou avanse pou ou kèk lajan pou ede ou peye pou depans sa yo pandan asirans ou an reta, w ap bezwen ranbouse lajan sa a bay FEMA apre ou fin resevwa règleman asirans ou.

FEMA fè patenarya ak lòt ajans pou ede satisfè bezwen sivivan katastwòf yo. U.S. Small Business Administration (Administrasyon Ti Biznis Etazini, SBA) ofri prè pou katastwòf ak enterè ki ba bay pwopriyetè kay ak lokatè ki nan yon zòn ki deklare gwo dezas.

Si ou toujou gen bezwen ki pa satisfè, prè yo ka ede ak reparasyon oswa ranplasman kay, pwopriyete pèsonèl, machin, alèjman, pèt biznis, ak kapital travay pou ti biznis ak pifò òganizasyon prive. Aprann plis sou prè SBA pou katastwòf. Ou ka rele Liy Èd FEMA a nan 800-621-3362 tou si w gen lòt kesyon oswa si w bezwen plis enfòmasyon.

Rimè: Sa koute lajan pou aplike pou asistans lan.

Sa pa vrè. Anplwaye FEMA pa janm egzije moun ki aplike pou yo peye pou asistans akòz katastwòf.

Si ou okouran fwod, gaspiyaj oswa abi, ou kapab rapòte sa yon fason anonim depi ou rele Liy Dirèk FEMA pou Rapòte Fwod nan Katastwòf nan nimewo 866-720-5721. Ou kapab voye yon imèl tou nan StopFEMAfraud@fema.dhs.gov.

Rimè: Lòt moun te gen plis domaj epi yo bezwen plis èd, poutèt sa mwen pa kapab aplike pou asistans.

Sa pa vrè. Finansman FEMA disponib p-ou ede tout sivivan kalifye ki te gen pèt akòz katastwòf yo.

Rimè: Asistans FEMA se sèlman pou pwopriyetè kay.

Se pa vre. Lokatè yo ka aplike pou asistans pou katastwòf ak FEMA.

FEMA gendwa kapab bay moun ki te lokatè anvan katastwòf yo lajan pou ede peye pou depans lojman a kout tèm, depans pou lwe lojman tanporè, ak depans pou ranplase oswa repare yon machin ak lòt byen pèsonèl ki nesesè yo.  FEMA kapab ede tou peye pou depans medikal, dantè, gadri, demenajman ak depo ki pa gen asirans.

Si yo otorize Asistans Lojman Dirèk pou katastwòf la, lokatè anvan katastwòf yo ka elijib pou Asistans Lojman Tanporè Dirèk si yo pa kapab itilize asistans finansye pou jwenn lojman tanporè.

Rimè: Mwen kapab resevwa ranbousman pou depans mwen fè pou manje oswa transpò pandan mwen rete nan yon otèl.

Sa pa vrè. Depans kalifye yo ka gen ladan peman pou chanm ak taks yon otèl oswa lòt founisè lojman resevwa. Sa pa gen ladan depans pou manje, koutfil nan telefòn, depans pou transpò oswa lòt kalite depans.

Rimè: Mwen pral resevwa ranbousman pou depans lojman kalifye yo imedyatman.

Sa pa vrè. Dat limit ou kapab pa menm paske yo revize demann yo alamen. Pa egzanp, nan katastwòf pi gran echèl yo ki gen anpil moun ki aplike ranbousman resi yo ka pran plis tan.

Dènye Mizajou
Retounen anwo