Kesyon Moun Abitye Poze Sou Katastwòf

Paj sa bay repons ak kesyon moun abitye poze sou Asistans Pèsonèl pou moun ki viktim katastwòf.

Repons Kesyon moun abitye poze

Dewoule lis la pou filtre kesyon yo pa kategori, oswa tape yon mo kle

Eske m bezwen dokimante ki bagay ki andomaje akoz inondasyon?

Wi! Avan ou retire bagay ki andomaje akoz inondasyon yo nan kay ou, men sa pou w fè:

  • Fè foto ak videyo yo.
  • Ekri nimewo seri yo yon konte.
  • Kenbe resi depans ou.
  • Kontakte sèvis reparasyon yo.
Ki depans ki elijib pou asistans demenajman ak estokaj?

Yo kapab bay asistans pou emenajman ak estokaj pou:

  • Depans pou travay deplasman endistriyèl
  • Frè lwaye pou kamyon demenajman
  • Gaz pou machin ou lwe a
  • Depans pou tep ak bwat
  • Frè pou estokaj endistriyèl, tankou estokaj pèsonèl
  • Taks sou lavant ki asosye ak sa
Kisa ki kalifye kòm depans medikal ak dantè elijib?

Yon depans medikal oswa dantè elijib dwe rive akoz katastwòf la. Depans elijib yo ka gen rapò ak:

  • Blesi oswa maladi katastwòf la lakoz
  • Yon blesi, yon domajman oswa yon kondisyon medikal ki te egziste deja ki vin pi mal akoz katastwòf la.
  • Ranplasman pou medikaman doktè preskri w.
  • Pèt oswa domajman aparèy medikal/dantè oswa machin modifye pou egzijans medikal.
  • Pèt oswa blesi yon bèt fòme espesyalman pou sèvis.
Eske m bezwen bay dokimantasyon lè m ap aplike pou asistans depans medikal ak/oswa dantè ki gen rapò ak katastwòf?

Wi. Ou ap bezwen bay sa yo:

  • Yon ranbousman asirans oswa lèt refi oswa yon atestasyon ekri epi siyen ki eksplike ou pa genyen asirans medikal oubyen dantè.
  • Prèv depans lan te fèt akoz katastwòf la (tankou atestasyon medikal, elatrye).
  • Bil ki gen lis, resi, oswa estimasyon ki montre depans medikal oswa dantè.
Eske ou peye pou asistans medical pou bèt domestik?

Non. Men, yo ka peye pou kalite depans pou bèt domestik ki fòme pou sèvis sa yo:

  • Depans veterinè pou blesi katastwòf la lakoz.
  • Pri ranplasman ak/oswa antrennman yon lòt bèt domestik ki drese pou sèvis
  • Aparèy ki pèdi oubyen andomaje (tankou kòd nan kou espesyal, selaj, oswa jile).

*Yo ap mande dokimantasyon adisyonèl tankou deklarasyon ekri nan men kandida a oswa dezyèm candida a ak nan men doktè pou yo ka verifye pèt oswa blesi bèt domestik drese pou sèvis la.

Ki moun ki kalifye pou asistans ak swen timoun?

FEMA ka bay asistans finansyè pou ede moun ak depans swen timoun ki nouvo oswa ki ogmante akoz yon katastwòf pou fwaye ki elijib yo ak:

  • Timoun laj 13 an ak pi jèn; epi/oswa
  • Timoun jiska laj 21 lane ki andikape, selon jan lalwa Federal defini sa.
Ki depans elijib ki kalifye pou asistans swen timoun?

Asistans swen timoun ka gen landan l:

  • Frè abityèl pou sèvis swen timoun.
  • Frè enskripsyon (yon sèl fwa).
  • Frè envantè lasante.
Ki kalite dokimantasyon m bezwen bay pou m aplike pou asistans swen timoun?

Pou aplike pou asistans swen timoun nan, ou ap bezwen bay:

  • Prèv pou w montre timoun nan se yon depandan epi ki abite lakay ou.
  • Prèv pou w montre revni anyèl angwo fwaye a avan ak apre katastwòf la.
  • Resi avan katastwòf oswa atestasyon pou depans swen timoun.
  • Resi apre katastwòf oswa estimasyon pou frè pou swen timoun, frè enskripsyon ak/oswa envantè lasante.
  • Enfòmasyon sou lisans moun ki ap bay timoun nan swen.
Kijan pou m fè pou m kòmanse reklamasyon asirans pou inondasyon?

Apre yon ensidan inondasyon, ou dwe rapòte pèt ou fè a imedyatman bay ajan asirans oswa konpani a. Fè sèten ou poze yo kesyon sou pèman alavans. Èske ou bezwen èd pou w jwen yon ajan oswa konpani asirans? Rele NFIP nan 877-336-2627.

Dlo nan pui lakay mwen kontamine ak dlo inondasyon; eske FEMA ka ede m?

FEMA ka bay asistans pou dekontamisyon pui dlo. Ou ka kontakte ministè lasante lokal ou oswa resevwa prèv kontaminsayon an epi soumèt li bay FEMA pou konsiderasyon pou asistans finansyè.

Dènye Mizajou
Retounen anwo