North Carolina Tropical Storm Helene

DR-4827-NC

Peryòd Ensidan: Sep 25, 2024 ak kontinite.

Dat Deklarasyon: Sep 28, 2024

Lyen Rapid

Resous retablisman: Eta & Lokal | Nasyonal
Konekte: Rezo Sosyo | App Mobil & SMS
24/7 konsèy: Asistans Telefonik Detrès Dezas

Nan Paj sa a

Èd pou Endividi & Fanmi

Sant Rekiperasyon pou Dezas

Resous Lokal

Kouman pou Ede

Obligasyon Finansman

Plis sou Dezas sa a

Zòn Deziye Asistans Endividyèl | Asistans Piblik | Kijan yo Deklare Dezas

Nouvèl & Laprès Aktyalite | Nòt Laprès & Fèy Ransèyman | PDFs, Grafik & Miltimedya

Rapò & Anons Anons sou Dezas Federal | Evalyasyon Preliminè Domaj yo

Èd pou endividyèl ak fanmi apre yon katastwòf

Si ou gen asirans, ou ta dwe ranpli yon reklamasyon ak konpayi asirans ou imedyatman. Asistans FEMA pa ka ede ak pèt ki deja kouvri pa asirans. Aprann plis sou etap apre w fin aplike pou asistans.

Aplike pou Asistans Dezas

Fason ki pi rapid pou aplike se sou DisasterAssistance.gov. Ou ka aplike tou atravè aplikasyon mobil FEMA oswa lè w rele Liy Èd FEMA a nan 800-621-3362. Si w itilize yon sèvis relè videyo, sèvis telefòn ki gen soutit oswa lòt sèvis kominikasyon, tanpri bay FEMA nimewo espesifik yo bay pou sèvis sa a.

Jwenn Èd Imedya

Jwenn èd pou bezwen FEMA pa otorize pou bay. Tcheke ak ofisyèl jesyon ijans lokal ou yo. Liy Èd FEMA a (800-621-3362) kapab bay lòt referans. Si w itilize yon sèvis relè videyo, sèvis telefòn ki gen soutit oswa lòt sèvis kominikasyon, tanpri bay FEMA nimewo espesifik yo bay pou sèvis sa a.

Mwen te aplike pou asistans. E Annapre?

Apre w fin aplike pou asistans, demann ou an revize pou detèmine si yon enspeksyon nesesè pou verifye domaj lakay ou ak pwopriyete pèsonèl ou ki gen rapò ak katastwòf. Anplwaye ak enspektè FEMA yo ka kontakte w pou diskite sou domaj katastwòf ou te koze.

FEMA ka mande plis enfòmasyon tou pou sipòte kalifikasyon w pou asistans oswa enfòmasyon ki gen rapò ak bezwen espesifik ou ki gen rapò ak katastwòf yo idantifye nan aplikasyon w lan. Si sa nesesè, w ap resevwa yon lèt nan men FEMA ki bay enfòmasyon ki nesesè yo.

Aprann plis sou sa ou dwe atann

Revize Desizyon FEMA a

Yon fwa FEMA fin revize aplikasyon w lan, rezilta enspeksyon an ak/oswa dokiman yo te soumèt, w ap resevwa yon lèt ki eksplike:

si wi ou non ou apwouve pou asistans
konbyen asistans ou pral resevwa
ki jan asistans la dwe itilize
kijan pou fè apèl kont desizyon FEMA si ou pa dakò ak li

Lèt la pral voye ba ou pa imèl oswa pa lapòs dapre sa ou te chwazi lè ou te ranpli aplikasyon w lan.

Ou ka resevwa enfòmasyon sou yon prè pou katastwòf U.S. Small Business Administration (Administrasyon Ti Biznis Etazini, SBA) pou bezwen adisyonèl ki pa satisfè. Pou katastwòf yo deklare anvan 22 mas 2024, ou ka bezwen soumèt yon aplikasyon prè SBA anvan yo konsidere w pou sèten kalite asistans FEMA. Aprann plis sou prè SBA ak fason pwosesis aplikasyon prè SBA a gen rapò ak asistans FEMA pou katastwòf.

Kesyon yo Poze Souvan ak Rimè

Ou ka jwenn repons tou pou kesyon yo poze souvan sou abri ijans, asistans pou katastwòf, asirans pou inondasyon ak plis ankò. Aprann plis sou rimè komen ki gen rapò ak katastwòf ak enfòmasyon ou bezwen pou rekiperasyon w lan. Jwenn enfòmasyon sou idantifye fwod katastwòf ak kijan pou rapòte li.

Jwenn yon Konseye pou Kay

Depatman Lojman ak Devlopman Iben Etazini (Department of Housing and Urban Development, HUD) bay sipò nan yon rezo ajans konsèy lojman (housing counseling agencies, HCA) ak konseye sètifye nan tout peyi a. HCA k ap patisipe ak HUD yo apwouve epi pran fòmasyon pou bay zouti pou pwopriyetè ak lokatè aktyèl oswa k ap vini pou yo ka fè chwa ki responsab konsènan bezwen kay yo genyen selon sitiyasyon finansyè yo.

Resous plizyè lang

Ou ka jwenn grafik medya sosyal ak mesaj sekirite enpòtan nan plizyè lang, tankou Anglè, Chinwa, Panyòl ak Vyetnamyen.

Nou gen videyo tou nan langaj siy Ameriken (American Sign Language, ASL) sou sijè tankou:

Resous Lokal

Local Information

Nouvèl & Laprès Lokal

Vizite paj Nouvèl & Laprès pou jwenn aktyalite, fich ransèyman, nòt laprès, ak lòt resous miltimedya.

Helene: Repons a Rimè

Move enfòmasyon ak rimè ka gaye byen vit apre yon dezas. Rete okoura de rimè komen apwopo de Siklòn Helene yo pou kenbe kominote ou an sekirite.

Pwogram Asistans Lojman Tranzisyon

Sejou nan otèl oswa nan motèl ke FEMA peye yo ka disponib pou moun ki abite nan Kawolin Di Nò ki te deplase akòz Tanpèt Twopikal Helene nan 25 konte yo ak pou Eastern Band of Cherokee Indians atravè Pwogram Asistans Lojman Tranzisyon.

Veye Magouyè ak Vòlè

Risk fwod ak vòl idantite ogmante apre yon dezas. Vizite paj Fwòd Dezas la pou jwenn konsèy sou fason pou pwoteje idantite w epi rete enfòme. Si w panse yap tronpe w, rapòte sa imedyatman bay lapolis lokal ou a oswa kontakte Divizyon Pwoteksyon Konsomatè Biwo Pwokirè Jeneral la.

Asistans ak Preskripsyon

Moun ki abite Kawolin di Nò ki pa gen asirans nan zòn ki afekte nan Tanpèt Twopikal Helene ka ranplase rezèv pou 30 jou kèk medikaman sou preskripsyon, ekipman medikal dirab ak founiti medikal nan nenpòt famasi k ap patisipe nan pwogram nan. Moun ki rete nan 179 Kòd Postal Kawolin di Nò yo elijib pou aplike pou asistans EPAP.

Pou aprann plis sou pwogram nan, tcheke sitwèb Pwogram Asistans pou Preskripsyon Ijans (EPAP). Pou jwenn yon famasi k ap patisipe toupre w, sèvi ak lokalizatè famasi nou an. Pou èd pou w enskri nan pwogram EPAP a, rele liy dirèk enskripsyon an nan 1-855-793-7470 (TDD 1-800-876-1089).

Kouman pou Ede

Benevola ak Donasyon

Rekiperasyon an ka pran plizyè ane apre yon dezas. Gen anpil fason pou ede tankou bay donasyon kach, bay bagay moun bezwen oswa bay tan w. Aprann plis sou fason pou ede moun ki nan bezwen yo.

Pa al deplwaye pwòp tèt ou nan zòn dezas yo. Òganizasyon de konfyans nan zòn ki afekte yo konnen ki kote yo bezwen volontè yo. Travay ak yon òganizasyon ki etabli pou asire w ke ou gen sekirite apwopriye, fòmasyon ak konpetans ki nesesè pou reponn.

Ajans Lyezon Volontè FEMA (Voluntary Agency Liaisons, VALs) bati relasyon ak kowòdone efò ak òganizasyon volontè, ki baze sou lafwa ak òganizasyon kominotè ki aktif lè gen katastwòf.

Fè Biznis ak FEMA

Si w enterese bay sèvis ak machandiz peye pou sekou pou katastwòf, vizite paj Fè Biznis ak FEMA nou an pou kòmanse.

Si ou posede yon biznis ki enplike nan retire debri epi ou swete patisipe nan efò netwayaj nan zòn ki afekte yo, tanpri kontakte gouvènman lokal la nan zòn ki afekte yo pou ofri sèvis ou yo.

Obligasyon Finansman

Asistans Endividyèl	Montan
Total Asistans Lojman (Housing Assistance - HA) - Dola ki Apwouve	$73,021,103.36
Total Asistans Lòt Bezwen (Other Needs Assistance - ONA) - Dola ki Apwouve	$188,216,666.57
Total Pogram Endividyèl & Kay Dola ki Apwouve	$261,237,769.93
Aplikasyon Asistans Endividyèl ki Apwouve	137660

Lis Sant Rekiperasyon pou Dezas (DRC)

Sant Rekiperasyon pou Dezas bay sivivan katastwòf yo enfòmasyon ki soti nan FEMA ak nan Administrasyon Ti Biznis Etazini. Sivivan katastwòf yo ka jwenn èd pou aplike pou asistans federal, aprann sou kalite asistans ki disponib, aprann sou pwosesis apèl la epi jwenn mizajou sou aplikasyon yo.

Lendi:	8:00 AM - 6:00 PM
Madi:	8:00 AM - 6:00 PM
Mèkredi:	8:00 AM - 6:00 PM
Jedi:	8:00 AM - 6:00 PM
Vandredi:	8:00 AM - 6:00 PM
Samdi:	9:00 AM - 2:00 PM
Dimanch:	FÈMEN

Dènye Mizajou Desanm 2, 2024

Retounen anwo