LANSING, Mich. – Ob Qho Chaw Rov Zoo Ntawm Kev Puas Tsuaj yuav kaw yam tsis qhib lawm thaum Lub Tsib Hlis Ntuj Tim 1 nyob rau ntawm cov chaw Wayne (South East) thiab Wayne (Detroit) County.
Cov chaw rov zoo ntawm kev puas tsuaj pab cov neeg nyob rau hauv cov cheeb tsam Eaton, Ingham, Ionia, Kent, Livingston, Macomb, Monroe, Oakland thiab Wayne counties kom rov zoo ntxiv mus tom qab raug Lub Yim Hli Ntuj Tim 24-26 cov cua daj cua dub, khaub zeeg cua, thiab dej los nyab.
Lub caij tso npe rau tseem fwv kev pab yuav kaw thaum Hnub Wednesday, Lub Tsib Hlis Tim 8, 2024.
Koj tsis tas mus xyuas ib qho chaw rov zoo ntawm kev puas tsuaj kom thiaj tso npe rau FEMA kev pab los yog kom saib seb koj qhov tso npe nyob rau theem twg lawm.
Txoj kev yooj yim tshaj tiv tauj mus rau FEMA yog thaum hu Tus Xov Tooj Pab rau ntawm 800-621-3362. Muaj neeg tshaj lij khoom pab pib thaum 7 moo sawv ntxov txog thaum 11 moo tsaus ntuj kom pab koj tso npe, teb koj cov lus nug thiab xa koj mus rau tej qho chaw pab. Kuj muaj kev pab txhais lus thiab. Yog koj siv cov cuab yeej yees duab thaum tham xov tooj (VRS), kev sau cov lus hais los yog lwm yam cuab yeej, ces muab koj tus naj npawb rau lub cuab yeej ntawd rau FEMA thaum koj tso npe.
Koj kuj mus saib tau DisasterAssistance.gov los yog siv qhov app FEMA App.
Ob qho chaw rov zoo uas tseem qhib tam sim no yuav muab kaw yam tsis qhib lawm thaum 6:30 tsaus ntuj, Hnub Wednesday, Lub Tsib Hlis Ntuj Tim 1. Cov chaw no nyob tom:
Wayne County Community College
Downriver Campus
21000 Northline Road
Taylor, MI 48180
Butzel Family Recreation Center
7737 Kercheval Ave.
Detroit, MI 48214
Cov teev ua hauj lwm yog qhib thaum 9 moo sawv ntxov mus rau 6:30 tsaus ntuj, Hnub Monday txog Hnub Saturday, tsuas yog qhov chaw nyob tom Lub Cheeb Tsam Wayne County (South East) rau hauv lub zos Taylor, uas kaw thaum 5 moo tsaus ntuj Hnub Friday thiab Hnub Saturday. Ob qho chaw rov zoo no yuav kaw Hnub Sunday. Koj mus xyuas qhov chaw twg los tau kom txais kev pab txog thaum Lub Tsib Hlis Tim 1.
Cov neeg tshaj lij FEMA thiab SBA nyob tom cov chaw rov zoo ntawm kev puas tsuaj kom pab koj xa ntawv mus, teb koj cov lus nug thiab qhia ntawv txog cov chaw pab. Cov chaw rov zoo no yog ib qho chaw muaj txhij txhua pab cov neeg dim uas xav tau kev pab tim ntsej tim muag.
Kom thiaj kawm ntxiv txog kev rov zoo ntawm kev puas tsuaj rau hauv lub xeev Michigan, mus saibwww.fema.gov/disaster/4757.
###
FEMA tsis xaiv neeg raws li lawv haiv neeg, nqaij xim, haiv neeg, poj niam los txiv neej, nyiam poj niam los txiv neej, kev ntseeg ntuj, hnub nyoog, qhov xiam oob qhab, txawj hais lus Meskas, los yog vim muaj nyiaj los tsis muaj. FEMA muab kev pab dawb rau tib neeg kom pab lawv sib tiv tauj nrog peb thiab to taub txog FEMA cov khoos kas:
- Muaj ntaub ntawv rau cov dig muag kov, tsiaj ntawv loj, los yog rau neeg mloog.
- Muaj ntaub ntawv fai fab uas yooj yim nkag nyob rau ntawm FEMA qhov vev xaib.
- Cov kws txawj piav tes.
- Cov kws txhais lus ua ntau yam lus.
- Muaj ntaub ntawv uas muab sau ua lwm yam lus.
Yog koj xav tau kev pab kom siv FEMA ib lub khoos kas los yog txoj kev pab cuam, los yog ib lub khoos kas los txoj kev pab cuam uas FEMA pub nyiaj rau los sis xav qhia kev txhawj xeeb los kev tsis txaus siab vim raug ntsej muag xaiv, thov hu mus rau FEMA rau ntawm (833) 285-7448 [Nias 1 rau Lus Meskas, 2 rau Lus Mev, 3 rau Lwm Yam Lus] los sis xa email mus rau FEMA-CivilRightsOffice@fema.dhs.gov.