Lè w ap fè yon Demann Èd pou Katastwòf, bay FEMA dokiman ki gen rapò ak asirans ou a.

Si ou te depoze yon reklamasyon nan men founisè asirans ou a, li enpòtan pou w pataje enfòmasyon sa yo avèk FEMA pandan pwosesis aplikasyon ou a pou etabli estati kalifikasyon ou a. Men kèk rezon ki fè li kapab itil lè w pataje enfòmasyon sa yo avèk FEMA: 

FEMA kapab detèmine si pèt asirans ou a pa kouvri kalifye pou yon ranbousman.

• Daprè lalwa, FEMA pa kapab ranbouse pèt yon asirans kouvri, men moun ki kontine ap viv yo epi ki pa asire oswa ki pa gen ase asirans kapab kalifye pou èd pou lè gen katastwòf. Lè w bay FEMA dokiman ki gen rapò ak asirans ou a li kapab fè demann ou a avanse pou detèmine kalifikasyon w.
  • Dokiman sa yo ka gen ladan l:
    • Lèt refi pou reklamasyon ou a: Prèv ou pa gen pwoteksyon nan men konpayi asirans ou a ak kontra a.
    • Lèt pou règleman: Montre egzakteman domaj ak byen konpayi asirans ou a pwoteje.
    • Lèt reta: Prèv ki montre konpayi asirans ou a pa pran desizyon ofisyèl konsènan reklamasyon ou a, epi gen plis pase 30 jou ki pase depi lè ou te fè depo pou reklamasyon asirans ou a.
• Depi ou fè demann pou èd FEMA:
  • Ou dwe depoze yon reklamasyon nan men konpayi asirans ou a tou.
  • Ou gen 12 mwa apati dat ou te aplike a pou soumèt dosye règleman asirans ou yo bay FEMA pou li egzamine.
  • Anplis, ou gen jiska 12 mwa apati dat ou te fè demann nan FEMA a pou fè apèl pou yon refi akoz pwoblèm asirans.
• Si kontra asirans ou a pa kouvri kategori domaj la oswa kalite katastwòf oswa pwoblèm ki te lakòz domaj yo, FEMA p ap mande w pou depoze yon reklamasyon.
  • Nan kèk ka, lè w soumèt yon kopi paj deklarasyon asirans ou a, ki se premye paj dokiman kontra asirans ou a, li ka ase pou FEMA detèmine pou ki èd ou ka kalifye (pa egzanp, Si paj deklarasyon asirans ou a montre ou pa gen pwoteksyon pou pèt itilizasyon oswa frè pou siviv anplis, dokiman sa a sifi pou jistifye bezwen pou èd pou lwaye oswa ranbousman pou frè lojman.)  

Lè w bay enfòmasyon anplis li kapab chanje estati kalifikasyon w.

• Moun ki kontinye ap viv yo ka resevwa yon lèt “Okenn desizyon” oswa yon avi FEMA ki endike estati aplikasyon yo a. Se PA yon refi. Li vle di ou dwe bay enfòmasyon anplis pou kontinye pwosesis reklamasyon ou a, ki se souvan yon kopi règleman airans ou a oswa yon refi.

FEMA ka ede w si kouvèti asirans ou a pa reponn ak bezwen w.

• Menm lè asirans lan bay plis sekirite finansye pase sibvansyon pou lè gen katastwòf, pafwa asirans pou kay oswa pou lwaye pa ase pou kouvri tout reparasyon ak domaj ki asosye avèk katastwòf la.
• FEMA pa kapab bay èd pou pèt asirans ou a kouvri. Sepandan, si pa gen yon asirans pou kay oswa pou lojman ki kouvri domaj yo, FEMA ka ede w.

Pou jwenn dènye enfòmasyon konsènan Siklòn Ida a, ale sou fema.gov/disaster/4611. Suiv nou sou Twitter nan twitter.com/FEMARegion6 epi ba nou yon like sou Facebook nan facebook.com/FEMARegion6/.