ATLANTA – Ekip Sansibilizasyon FEMA yo ap chache kominote Hurricane Irma yo afekte nan Florida.
Ekip yo ap travay nan konte federal deziyen yo pou ede rezidan yo enskri pou asistans dezas ak pou idantifye ak adrese bezwen imedya yo genyen yo. Ekip yo kapab bay mizajou tou sou aplikasyon ak referans pou lòt resous kominotè pou lòt bezwen yo genyen.
Yo kapab idantifye manm ekip anbilan sa yo byen fasil avèk rad ak foto idantifikasyon federal FEMA. Yo fè rezidan Florida sonje pou yo mande foto idantifikasyon yo avan yo bay enfòmasyon pèsonèl yo.
Enspektè lojman FEMA kontakte yo pral travay tou nan konte yo deziyen ki gen dezas yo, pou yo enspekte domaj sivivan ki deja enskri nan FEMA. Lè enspektè FEMA kontakte yo rive nan yon kay, yap montre foto idantifikasyon ofisyèl yo. Si yo pa montre foto a, li enpòtan pou yo mande wè l. Sa ede anpeche fwod fèt.
Tanpri sonje ke anplwaye FEMA pa mande oswa aksepte lajan nan men moun ki sibi dezas yo. Anpil bon anplwaye asistans dezas ka vizite propriyete w tankou ajan asirans, enspektè domaj, ak FEMA ak anplwaye U.S. Small Business Administration.
Men kèk konsèy pou w sonje pou ede w kont moun kap fè fwod:
- Mande pou w wè badj. Tout reprezantan FEMA yo gen yon badj federal ki gen yon foto Idantifikasyon ladann. Yon chemiz oswa manto FEMA se pa yon prèv idantite. Si w pa si oswa si ou pa alèz avèk nenpòt moun ou rankontre, tanpri rele ajans otorite lokal yo.
- Fè atansyon avèk moun kap mache pòt an pòt yo. Moun kap frape nan pòt moun ki gen kay ki domaje yo oswa kap rele pwopriyetè yo nan telefòn kap fè konnen yo se kontraktè yo kapab se moun kap fè fwod, espesyalman si yo mande pou enfòmasyon pèsonèl oswa lajan. Sonje pou w verifye badj Idantifikasyon federal pou anplwaye kap bay asistans pou dezas ki kapab vini lakay ou.
- Ekip asistans sivivan dezas FEMA yo nan zòn ki afekte yo pou yo bay enfòmasyon ak ede moun yo aplike pou èd FEMA. Yo mete chemiz FEMA e yo gen fo Idantifikasyon federal. Ekip asistans sivivan dezas yo pa janm mande oswa aksepte lajan pou sèvis yo.
- FEMA pa gen kontratè ki “apwouve” . Pran prekosyon avèk kontraktè ki di yo afilye avèk FEMA. Pa siyen anyen ou pa konprann oswa kontra ki gen paj blanch.
Ankò sonje ke travayè federal pa mande oswa aksepte lajan. Anplwaye FEMA pa janm chaje aplikan yo pou asistans dezas, enspeksyon oswa ede yo avèk ensikripsyon.
Si ou konnen yon fwod, gaspiyaj, abi oswa akizasyon move jesyon ki gen rapò ak operasyon sekou dezas, rele FEMA Disaster Fraud Hotline la nan 866-720-5721.
Toujou itilize kontraktè ki otorize e ki gen lisans epi toujou mande pou kalifikasyon. Itilize kontraktè nan entènèt nan Department of Business and Professional Regulation. Pa janm peye anyen avan travay la fin fèt. Si w gen yon plent sou nenpòt moun kap mande biznis, kontakte Department of Business and Professional Regulation.
Konte Florida yo deziyen pou resevwa Asistans Endividyèl nan FEMA yo se: Brevard, Broward, Charlotte, Citrus, Clay, Collier, DeSoto, Duval, Flagler, Glades, Hardee, Hendry, Hernando, Highlands, Hillsborough, Indian River, Lake, Lee, Manatee, Marion, Martin, Miami-Dade, Monroe, Okeechobee, Orange, Osceola, Palm Beach, Pasco, Pinellas, Polk, Putnam, Sarasota, Seminole, St. Johns, St. Lucie, Sumter, ak Volusia.
Moun ki sibi domaj oswa pèt nan Hurricane Irma nan konte sa yo ka kòmanse aplike pou asistans nan entènèt nan www.DisasterAssistance.gov oswa lè yo rele liy dirèk FEMA nan 800-621-3362 pou vwa, 711 ak sèvis relè videyo (VRS). Moun ki gen pwoblèm ki soud, oswa ki tande di yo oswa ki gen pwoblèm pale e ki itilize yon TTY, dwe rele 800-462-7585. Liy yo ouvè a 7 a.m. jiska 11 p.m. ET jiskaske yo bay yon lòt avi. Moun ki sibi domaj yo kapab enskri tou lè yo telechaje FEMA mobile app.
Nan dat 10 Septanm, Florida te resevwa yon go deklarasyon federal pou dezas pou Asistans Endividyèl nan pou konte Charlotte, Collier, Hillsborough, Lee, Manatee, Miami-Dade, Monroe, Pinellas, ak Sarasota yo. Yo te deziyen pou tout 67 konte Florida yo resevwa Pwogram Asistans Piblik (Kategori A-G), ki gen ladann asistans federal dirèk.
Nan dat 11 Septanm, yo te ajoute konte Broward, Clay, Duval, Flagler, Palm Beach, Putnam, ak St. Johns pou Asistans Endividyèl.
Nan dat 13 Septanm, yo te ajoute konte Brevard, Citrus, DeSoto, Glades, Hardee, Hendry, Hernando, Highlands, Indian River, Lake, Marion, Martin, Okeechobee, Orange, Osceola, Pasco, Polk, St. Lucie, Seminole, Sumter, ak Volusia pou Asistans Endividyèl.
Misyon FEMA se pou sipòte sitwayen ak sekouris nou yo pou asire ke nou travay ansanm kòm yon nasyon pou nou bati, kenbe ak amelyore kapasite pou nou prepare, pwoteje kont, reponn nan, rekipere ak minimize tout danje yo.
Asistans rekiperasyon dezas disponib sans konsiderasyon pou ras, koulè, relijyon, nasyonalite, sèks, laj, andikap, pèfòmans nan lang Anglè oswa kondisyon ekonomik. Si ou menm oswa yon moun ou konnen sibi diskriminasyon, rele nimewo gratis FEMA a nan 800-621-3362 oswa TTY nan 800-462-7585.
Asistans pou lojman tanporè FEMA ak sibvansyon pou depans transpò piblik, medikal ak dantè, ak depans antèman ak antèman pa mande pou moun yo aplike pou yon prè SBA. Sepandan, aplikan ki resevwa yon aplikasyon prè SBA dwe soumèt yo bay yon ofisye SBA pou yo ka kalifye pou asistans ki kouvri pwopriyete pèsonèl, reparasyon machin oswa ranplasman, ak demenajman ak depans pou depo.