Nouvèl & Laprès: Dezas 4340

ST. THOMAS, Zile Vyèj Ameriken yo – Administratris FEMA Deanne Criswell te evalye pwogrè rekiperasyon an epi li te resevwa mizajou sou preparasyon teritwa a pou reponn ak evènman alavni yo nan Zile Vyèj Ameriken yo. Li te vizite Rezidans ofisyèl Gouvènè a (Government House), Enstiti Kansè Charlotte Kimelman (Charlotte Kimelman Cancer Institute) ak Ajans Jesyon Ijans Teritwa Vyèj Zile yo (Virgin Islands Territorial Emergency Management Agency, VITEMA) pandan yon vizit semèn pase a nan St. Thomas.

ST. CROIX, Zile Vyèj Ameriken yo – A kontinye patenarya li avèk Gouvènman Zile Vyèj yo pou ranfòse enfrastrikti enpòtan ki te andomaje pandan Siklòn Maria nan St. Croix, avèk angajman $989 milyon jodia pou rann sistèm asenisman zile a pi rezistan fas ak evènman katastwofik yo.

Sen Kwa, Zile Vyèj Ameriken yo – Yon angajman $384.8 milyon pou demoli ak ranplase twa lekòl primè nan Sen Kwa, youn nan Sen Toma epi repare yon depo pwovizyon pou kafeterya lekòl nan Sen Toma make etap final yo nan kolaborasyon FEMA ak Teritwa a pou rebati enfrastrikti lekòl atravè Zile Vyèj Ameriken yo ki te andomaje pandan siklòn Irma ak Maria nan mwa Septanm 2017 la.

ST. CROIX, Zile Vyèj Ameriken (U.S. Virgin Islands) - Yon angajman $928.7 milyon dola pou demoli epi ranplase Lopital Roy Lester Schneider a nan St. Thomas make yon etap enpòtan nan kolaborasyon FEMA avèk teritwa a pou rekonstui enfrastrikti swen sante atravè Zile Vyèj Ameriken yo ki te andomaje pandan siklòn Irma ak Maria nan mwa Septanm 2017.

Rekiperasyon an apre siklòn 2017 yo, Irma ak Maria, ap pwogrese epi FEMA toujou la pou ede Teritwa a ak efò yo. Pandan plizyè semèn k ap vini yo, FEMA pral afiche seri "Nou se FEMA USVI" sou paj FEMA U.S. Virgin Islands Facebook. Pòs yo pral mete aksan sou pwogram/gwoup, anplwaye ak pwojè rekiperasyon nan teritwa a.