Ngaahi Fehuʻi ʻOku Lahi Hono ʻEké Fekauʻaki mo e Ngaahi Fakatamakí

ʻOku faʻa ʻi ai ha ngaahi tuʻutuʻuni ʻa e ngaahi fale hufanga fekauʻaki mo e fanga manu. ʻI he taimi ʻe lava ai, ʻe fai ʻe he kau ngaue ‘a e falehufanga Kolosi Kula ʻa honau lelei taha ke hao fiemalie ‘a e fanga kiʻi manu pusiaki. Neongo ia, fakatatau mo e meʻa ʻoku hoko, ʻe ala fiemaú ke nofo ʻa e fanga manu ʻi ha feituʻu kehe mo ha tokoni mei he ngaahi kulupu tokoni mo’ui ki he fanga monumanu.  

ʻE lava pe ke hoko ʻa e ngaahi fale ʻo e fanga monumanu: nofo fakataha - e fanga monumanu mo honau tauhi ʻi he feituʻu tatau; pe nofo mavahevahe vaofi ‘i he feitu’u tatau - tuku e fanga monumanu ʻi loto ʻi he feitu’u tatau mo ʻenau kau tauhi kae mavahevahe pe pe ‘i ha feitu’u kiate kinautolu pe.

 'Oku talitali lelei ma’u pe ’e he tokoni ki he fanga monumanu ’i he ngaahi fale hufanga ki he me’a fakavavevave

ʻE lava ke kau ʻi he ngaahi fakamole ki hono tokangaʻi ʻo e fanau ʻa e:

• Totongi angamaheni ʻo e ngaue tokoni ki he fanau.
• Totongi lesisita (tuʻo taha).
• Ngaahi totongi tanaki ki he mo’ui lelei.

Ke fakaʻaongaʻi ki he tokoni ki hono tokangaʻi ʻo e fanau, ʻe fiemaú ke ke ʻoatu:

• Fakamoʻoniʻi ko e kiʻi leka ʻoku fakafalala mo nofo ʻi ho ʻapi.
• Tohi fakamoʻoni ʻo e paʻanga hu mai fakataʻu ki he famili kimuʻa mo e hili ‘a e fakatamaki.
• Ngaahi talitotongi kimuʻa pe ko ha fuakava ki he ngaahi fakamole ki hono tokangaʻi ʻo e fanau.
• Ngaahi talitotongi pe fakafuofua ki he totongi ʻo e fanau, lesisita mo e/pe totongi ʻo e tuku’anga me’a ki he moʻui lelei, hili ’a e fakatamaki.
• Laiseni ’o e kautaha tokanga’i ʻo e fanau.

Hili ha meʻa ne hoko ʻi he tafea, ʻoku totonu ke ke lipooti hoʻo mole he taimi pe ko ia ki hoʻo fakafofonga pe kautaha maluʻi. Fakapapauʻi ʻoku ke fehuʻi ange fekauʻaki mo e ngaahi totongi ‘e lava ‘o ma’u kimu’a. Fiemaú tokoni ki hono kumi hoʻo fakafofonga pe tokotaha maluʻi? Telefoni ki he NFIP ʻi he 877-336-2627.

ʻIo! Kimuʻa pea toʻo e ngaahi meʻa ne maumau mei ho ʻapi, mui ’i he ngahi sitepu ko ʻeni:

• Faitaa’i ha ʻu ta mo ha ngaahi vitio.
• Lekooti ’a e ngaahi fika makehe.
• Tauhi ʻa e ngaahi talitotongi.
• Fetuʻutaki ki he ngaahi tokoni ki hono fakaleleiʻi.

ʻIo. Hili hono faitaa’i mo lekooti ‘a e maumau, ʻoku totonu ke ke laku he taimi pe ko ia ha ngaahi meʻa ʻoku tuʻu fakatuʻutamaki ki he moʻui lelei, hange ko e ngaahi meʻakai ‘oku kovi, vala, fakamoluu, mo e pilo.

Ko e ngaahi tu’utu’uni ngaue ki he tafea ’a e Polokalama Malu’i Fakafonua ki he Tafea, ’e ’ikai tenau totongi ’a e ngaahi maumau mei ha tafea kuo tu’unga ‘ume’umea.

ʻE lava ke fai ha ngaahi fakakaukau ʻo kapau:

• Kuo ta’ofi ’e tokotaha na’e fakamafai’i, ke tapu ’a e ’alu ki he feitu’u ko ia (ki he ngaahi ʻuhinga malu).
• ʻOku nofo takai ʻa e vai ʻi he ʻapi pe ʻi he feituʻu ʻoku ne taʻofi koe mei hono sivi pe tauhi ʻo e ’api.

Neongo ia, kapau te ke lava ʻo hu ki ho ’api, ʻoku fakalotolahi malohi koe ke ke kamata hono fakamaʻa mo lekooti ’a e ngaahi me’a fakapepa ʻi he hili pe ha tafea ke taʻofi ʻa e tupulaki mo e mafola ʻa e ’ume’umea.

Kapau ʻoku ke taʻefiemalie ki he lahi ‘o pa’anga ma’u mei he malu’i pe maʻu ha tohi fakaʻikaiʻi ki ha niʻihi pe kotoa hoʻo tohi kole ki he malu’i, te ke lava ʻo:

• Ngaue mo hoʻo kautaha maluʻi ke maʻu ha solova’anga.
• Faile ha tohi tangi ki he FEMA.
• Fekumi ki ha taha ke ne vakai’i ho’o kole malu’i.
• Faka’ilo.

ʻE lava ke uesia ʻa e vai paipa pea ʻikai malu ke fakaʻaongaʻi pe inu hili ha fakatamaki.

• Muimui ki he ngaahi fokotu’utu’u pau mei he Potungaue ki he moʻui lelei ’a e siteiti, fakalotofonua, pe fakamatakali  fekauʻaki mo e haka pe faito’o ʻo e vai ʻi homou feituʻu.
• ʻOua naʻa ke inu, fufulu e ʻu peleti, polosi ho nifo, fufulu mo teuteu ha meʻakai, fanofano ho nima, ngaohi e ʻaisipoloka, pe fio e hu’akau ʻo e pepee ʻaki e vai ’oku ke fakakaukau--pe kuo kuo talaatu – ’oku ʻikai ke malu.
• Kapau ʻoku ʻuli ʻa e vai ʻi homou feituʻu, fakaʻaongaʻi ʻa e ngaahi hina vai, haka, pe vai kuo faito’o ki he inu, feimeʻatokoni, mo e fakama’a fakatautaha.

Ke ʻilo lahi ange, ʻaʻahi ki he fakahinohino ’a e Fakafofonga Malu’i ’o e ’Atakai ’i he Fakama’a Fakavavevae ’o e Vai Inu

ʻIkai. ʻE toe vakaiʻi ʻe he FEMA hoʻo tohi kole pea fakapapauʻi pe ’oku totonu ke ke ma’u ‘a Tokoni Nofoʻanga Fakataimi. Kapau ʻoku ʻi ai haʻo ngaahi fehuʻi fekauʻaki mo ha faʻahinga tokoni pau, te ke lava ʻo fetuʻutaki ki he Laine Telefoni tokoni ʻa e FEMA ʻi he 800-621-3362.