Ļañ kwoj kein ilo Disaster

FEMA emaron lewaj Lodging Expense Reimbursement (LER) nan jonan jeen ko inabojin pojo ko am, ak en wot nan wonen ko im rejjab kobar ilo bar jet wawein ialan jipan, einwot injuron:

Nan komman bwe kwon pad ilo LER, kwoj aikuij topar aikuij dikdik kein an eligibility criteria for assistance im FEMA ej aikuij kamoole ke mweo imom ejjab emman nan jokwe, epen etal nane, ak ejoreen jen menin joreen ko einwot kun jarom im kakure men ko mweiom. Kwoj aikuij lelok pepa in kamool ko, einwot rijiit ko, kin jonan wonen jikin jokwe eo kwoj pad ie.

Ekkar jen kakien, FEMA ejjab maron ruo alen an lewaj jipan ko einwot aer woj ilo injuron eo. Elon kakien an injuron ko ekoba Additional Living Expenses (ALE) ak Loss of Use (LOU) joortoklik ko, ko im rej lewaj jeen nan kobare wonen jikin jokwe eo elane kojjab maron jokwe imweo mom itok jen wot joreen ko rej walok nane. Elane injuron eo am ejjab koba ALE ak LOU, ak elane jeen eo rej lewaj jen injuron eo am ejjab kobare aolepen jeen ko kwoj jolok nan wonen am jikin jokwe, komaron lelok am pepa in injuron nan FEMA nan aer maron lore ilo Lodging Expense Reimbursement.

Transitional Sheltering Assistance (TSA) ej juon FEMA burokiraam eo ej kotlok nan jidik wot ien, jokwe ilo jidik wot ien nan rikanne abolkeijen ro rej maron bok leen jeramman kein elane jet kain wawein kilen jikin jokwe rejjab komman nan er.

Aeet! Mokta jen am komakit mweiuk ko am rejoreen jen ibwijleplep jen mweo mom, bok bunton kein:

• Pija im pitio.
• Rekoot e nomba in serial ko.
• Kejbarok rijiit ko.
• Kurlok ijoko remaron kokmanman mweiuk ko.

FEMA emaron lewaj jeen in jipan nan atreej e wonen ko rekaal ak laplok in takto an ajri kin wot joreen ko nan moko im rekkar bwe ren boke jipan:

• Ajri ro 13 aer iio lallok; im/ak
• Ajri ro lonlok im 21 aer iio im ewor aer joreen ilo enbwinnier, einwot an komalet ilo kakien ko an Federal.

Jikin jokwe ko ekka an wor aer kakien nae menin mour ko. Elane ekkar, Red Cross shelter rijerbal ro renaaj komaat aer maron nan lale menin mour ko renaninmej bwen emman aer pad. Ijoke, enej ekkar wot nan jonan keij eo epad ie, menin mour ko renej aikuij aer makelok iaer ilo bar juon jikin oktak jen jipan an kurub in jipan ko rej lale menin mour.  

Imon jokwe an menin mour ko remaron : Jokwe ippen doon - jikin jokwe ko rej lore menin mour ko im oner ko aer ilo juon wot jikin; ak kajenolok jikin jokwe - lore menin mour ko ilo ijoko retolok jen oner ko aer ak komakeik er.

 Jerbal ko nan menin mour ko rej ruwainene nan jikin jokwe in idun ko jabdewot ien.

Wonen ko nan jipan kollaiki takto in ajri remaron koba:

• Wonen takto nan ajri im ekka an ajri takto kaki
• Wonen rejijtor (juon wot ien).
• Wonen laajrak in ajmour eo an

Nan abbulae nan jipan eo nan takto in ajri, konaaj aikuij in letok men kein:

• Kamool ke ajri eo ej mour wot ippam im ej jokwe mweo mom.
• Kamool kin wonen eo woneem ilo juon iio mokta im alikin joreen eo.
• Rijiit ko im kwar kollaiki wonen an ajri eo takto moktaj jen joreen eo.
• Rijiit ko ak kajidede in wonen takto ko nan ajri eo, wonen rejijtor im/ak wonen laajrak in wonen ajmour an ajri eo.
• Melele kin laijen eo an takto ro an ajri eo.

Alikin juon joreen in ibwijleplep, kwoj aikuij ripoot e men ko kwoj luuji ien eo emokajtata nan rijerbal eo ilo jikin injuron eo am ak eo ej eddoin. Lukkin kalikar ipper bwe ren lewaj kolla imaanlok. Kwoj ke aikuij jipan bukot rijerbal in injuron eo am? Kurlok NFIP ilo 877-336-2627.

National Flood Insurance Program kakien in injuron kin ibwijleplep eban kobare joreen ko jen moul.

Remaron lomnak kake in jipan elane:

• Juon rijerbal ro emoj komalimi emoj aer kabojrak an delone ijo ewor joreen ie (kin wot un ko nan kejbarok).
• Denin ibwijleplep ko rej pad wot ilo mweo ak ilo ijo ej kapan eok jen am etale ak kejbarok men ko mweiom.

Ijoke, elane komaron delone ijo jikum, kemij konaan bwe kwon jino am karreo im likit ilo pepa ien eo emokajtata alikin ibwijleplep eo nan am kejbarok jen an laplok im ajedeed moul eo.