Ronluial ko ekkar aer walok ikkijeen menin joreen ko

Ebwe an kijoor lon naan in ronluial ko im boreinwot riab alikin juon joreen. Kommane ijo konaan nan kabojrak ronluial kein ilo am komman men kein jilu repidodo:

  1. Bukot melele ko remool im jetomaki.
  2. Jeere melele ko remool im jetomaki.
  3. Jab kotlok an ro jet jeere melele ko jen naan ko im ejjab alikar won ro rej litok.

Ronluial ko

Ronluial: Remaron kollaiki io $3000 ilo juon wiik nan jipan kin karreo alikin taibuun eo.

Riab menin. FEMA ejjab kolla wonen armej aolep wiik nan jipan karreo.

Ijokwe, ilo jen ien kauwatata ko FEMA emaron lewaj juon wot ien kolla nan kajojo armej nan jipan er karreoiki mweo mweer. Nan lale ne kwoj marone, abbulae ilo DisasterAssistance.gov.

Ronluial: Ejjelok ao pejnej im iban maron abbulae nan U.S. Small Business Administration (SBA) loon.

Kojjab aikuij wor juon am pejnej nan komman kajjitok nan jipan kin loon jen U.S. Small Business Administration jen wor joreen.

SBA ej lewaj interest ko redik nan loon in menin joreen ko nan ro ewor mweer im remaron boke, rireen ro, im aolep kain pejnej ko.

Komaron kojerbal SBA loon ko jen joreen ko ilo men kein:

  • Kokmanman ak Bar boke juon men nan mweo
  • Kadiklok joreen eo
  • Men ko mweiom make
  • Men ko kwoj luuji ilo pejnej eo
  • Kokmanman ak jenij wa eo
  • Jonan eo emaron jerbal nan jipan pejnej jidik ko im elaptata pejnej ko an armej make

SBA loon in jipan ko jen joreen rej aikuij bar karooli lok jeen ko.

Nan kakobaba, FEMA ej jerbal ippen SBA nan lale elane kwoj aikuij boke jeen eo nan men ko mweiom make ak jipan kijeen ial jen FEMA ak SBA. FEMA ejjab kotlok nan lewaj jeen nan men ko rej jako ippen ro im remaron bok loon ko an SBA.

FEMA enaaj kaju lelok eok nan SBA nan aer lomnak ne remaron lewaj loon jen menin joreen elane jonan woneem enej ekkar bwe ren boke nan komman am loon jen SBA. FEMA enaaj kojerbal jonan woneen eo kwoj jolok ilo juon iio im jonan oran armej ro rej loor eok nan lukkin lale elane FEMA enaaj lelok eok nan SBA.

Kojjab aikuij uaake juon opiija in loon an SBA; ijoke, elane rej kotlok im kojjab konaan, reban bar lore eo kilo FEMA nan wonen ko am make ak wonen ial. KOmaron kurlok FEMA Helpline ilo 800-621-3362 elane ewor am kajjitok ak aikuij nan melele ko rellaplok.

Ronluial: Elane abolkeijen eo ao rejjab boke, ejjelok men en imaron kommane.

Ejjab mool menin. Aolep rikanne abolkeijen remaron komman aer appeal. Leta in komman oktak in jemlok eo ej juon am ien kwalok nan FEMA etke kwar jab erra ilo jemlok eo rekar lewaj. Komaron jilkinlok melele ko rekaal ak kakobaba in melele im kajjitok FEMA nan ukot jemlok in uaak eo aer. Kwoj aikuij meili ak lelok leta eo am emoj jaini ilowaan 60 raan jen ien eo ekar iwoj leta eo nan ippam.

Ronluial: Ro joreen eo ekar jalet er rejjab maron abbulae bwe ewor aer injuron.

Ejjab mool menin. Elane ewor am injuron, komaron abbulae nan jipan jen FEMA ak kwoj aikuij baele bar injuron kuleim eo am. FEMA eban maron jipan kin wonen ko injuron eo am ej kobari mae ien eo konaaj jilkintok kwon eo kin injuron eo ak kabojrak eo, ak FEMA emaron jipan kin men ko jet im injuron ejjab kobari. Elane injuron eo ejjab kobare aolepen wonen joreen ko rekar walok jen menin joreen eo, komaron bok jipan jen FEMA.

Etal nan FAQ page nan elaplok melele.

Ronluial: Elane enej woj jeen jen FEMA enaaj diklok jeen eo am jen Social Security.

Ejjab mool menin. Jipan ko jen FEMA rejjab tax im reban jalete maron eo am ilo Social Security, Medicaid ak bar menin bok leen ko jen kien.

Ronluial: Inej kaju rejijtor nan jipan jen FEMA elane inaaj ripoot joreen ko nan ro rej bok eddoin jerbal ko reutiej ilo ijo ij pad ie, ak juon ra eo ej bok eddoin lorlorjake aenemman jen joreen ko.

Ejjab mool menin. Nan maron pad ilo jipan jen joreen ko, kwoj aikuij apply directly with FEMA.

Ronluial: Injuron in mweo mo ekoba injuron in ibwijleplep.

Ejjab mool menin. Kakien ko kin injuron an moko rejjab ekka aer kobare joreen jen ibwijleplep. Injuron in ibwijleplep ej kijoor itok ilo kakien eo emake iaan.

Etal nan peij eo an National Flood Insurance Program nan wia injuron in ibwijleplep ak jela elaplok.

Ronluial: Ijjab aikuij injuron in ibwijleplep elane imaron bok jipan jen joreen jen FEMA.

Ejjab mool menin. Kakien eo kin injuron in ibwijleplep ekobar eo kilo jabdewot kain ien ibwijleplep. Jipan ko jen FEMA rej komman wot elane burojton eo ej kojjella kin joreen ko rej bok jikier. Nan kakobaba, jeen ko FEMA ej liwa rejjab kijoor kobare aolep men ko kwoj luuji.

Etal nan peij eo an National Flood Insurance Program nan elaplok melele.

Ronluial: FEMA enaaj lewaj jipan nan juon armej nan juon em.

Lukkin ilo mool, FEMA ej lelok jipan nan aolep ro rej maron ilo juon abolkeijen nan jipan aolep armej ro ilowaan mweo ekar joreen. Ijoke, FEMA enaaj etal aikuij ko roktak kajojo an rein joreen kein rejalet er im remaron bok jipan im komman bwe ren jepel jen doon kin wot joreen eo, moko im ewor rej jokwe ippen doon lowaan, ak moko im rej jeer wonen ko ien ikotaan oner ro im rireen ro

Ronluial: FEMA enaaj karool tok jeen eo ao ilo ao kar wia injin in jarom.

Ej padpad wot ioon kalet ko. FEMA emaron karool waj jeen ko am ilo an kar jako jarom eo am im injin in jarom ekar aikuij bwe kwon wia nan am jarome e juon kein jerbal in takto, ekoba aiijbook eo nan uno ko, einwot uno in tonal ko. Nan maron pad ilo menin, kowj aikuij lelok am pepa jen jikin takto eo am im ej kwalok kein jerbal eo im kwoj aikuiji nan takto.

Ilo jet ien jeja, men ko kwoj aikuiji nan takto im emenin aikuij bwe en wor injin emaron tobrak, kotlok bwen rolwaj jeen eo am nan ro im kobban mweo mweer rekar luuji jarom eo aer ilo ien kauwatata eo.

Lukkin lale bwe kwon jeek nan disaster-specific guidance, ekoba:

  1. Elane jeen eo rej aikuij bar karool waj nan injin in jarom eo ej iwoj jen wot joreen eo.
  2. Elane kwoj maron bok jipan in.
  3. Raan ta eo komaron wiaiki juon injin in jarom im bar rolwaj jeen eo.
Kojjela eo eliktata
Rool ńan loń