Alügüdahani to Sunwandantu

Gayarabei FEMA luagu Lagüribugagüdi Sensu luagu Gastu le lani Sounburu (Lodging Expense Reimbursement, LER) luagu gastu lani sonburu sensu le bafayeiru lidagiñe bubusiedu, solo anhei madouragula bani seguru.

Lu babuduhouniwa tula LER, mosu basigiruni kriteriu lun babuduhou lu badariru idêmue ani mosu tapúpuduni FEMA luagu siñati la laganouniwa tida buba, ani siñati lebeluruniwa ñeihi o denchaü aba kurote le lani leiti ladiga damichi. Ani mosu barudu dugumêdu lu tapúpuduni, keibina ebegi paküwati, luma ligastu sonburu ñein lubei beredera.

Lau lȗdu, Siñati lâbiama dun tichugu FEMA idêmue le luaguti benefisiu lani seguru. Gibeti polisa lani seguru barugua lumuti gastu tani muna (Additional Living Expenses, ALE) o Lefeidiruni Layusuniwa (Loss of Use, LOU), ha ichugubaña sensu lu sounbu tida aba hoteli danle mawiwanduba tida buba ladiga aba damichi. Anhei uwa lubei aba seguru lida ALE o LOU, o anhei sun lubei sensu le ichugubou madouragu lumuti lebegi bisounburu tida aba hotoli, gayarabei barudunu sun dugumêdu tu FEMA lu tasaminou anhei gayarabei lubei Lagüribugagüdi Sensu luagu Gastu le lani Sounburu.

Idêmue tu Haba Esefurutiña ha Asügübei lidagiñe aba (Transitional Sheltering Assistance, TSA) aba oundaruni tumagiñe FEMA lun gayarabei la hadariru sounburu laugu murusu dan hôun su ha abuduhou wabaña deime le uwata amu muna aranseñu hôun.

¡Anha! Lubaragiñe bagidaruni sun ilagu luagu abuinchuni tidagiñe muna, mosu basígiruni sun üma le:

• Diyabou tau iyawaü luma bigibigiti.
• Registrar bei sun numeu le gániti aba serie.
• Buma tan su ebegi paküwati.
• Waba hôun idêmue le atouhabei.

Uwa. Anhei tídeha lubei Haba Esefurutiña ha Asügübei lidagiñe aba Fúlasu (Transitional Sheltering Assistance, TSA) apupuda lúmuti bani uruwei, fúlasuagei o uruwei tribialesi ahi buingüdabâli aba gárada tuma luagu damichi tuma FEMA, babuduhou waba lun atauhagülei ligia. Tawisarubadibu FEMA luagu abuduhou waba lun atauhagülei ligia.

Sun gastu le abuduhou wabei lun idêmue lun látonigiruniwa irahüñü ñeiñei:

• Ebegi luagu hatonigiruni irahü.
• Ebegi luagu labürüwagüdün (aba weiyasu).
• Ebegi luagu latuadi.

Lun bamúriaha idêmue luagu látonigiruniwa irahü, mosu boudu:

• Apúpuduni luagu dependí la irahü ani bubiñe la laganouwa.  
• Apúpuduni luagu sun sensu le ebelubei bubiñoun luagu írumu lubaragiñe luma larigiñe damichi.
• Ebegi paküwati luagu látonigiruniwa irahü lubaragiñe damichi o aba ariñawaguni lumagiñe aba gumadi.  
• Ebegi paküwati o atiriñeila ebegi luagu látonigiruniwa irahü, ebegi luagu labürüwagüdün o ebegi luagu latuadi larigiñe aba damichi.
• Ñunsu tuagu gárada to lani emeri to hani ha etenirubaña hôun irahüñü.

Larigiñe aba abúluchuni, mosu bawisaruni aba gürigia tidagiñe bani seguru luagu abuinchuni lau lufuése. Houchaba lun balügüdüniña luagu fayei. ¿Megeitibu idêmue lun badariru aba gürigia tidagiñe bani seguru? Waba lidoun NFIP lidoun 877-336-2627.

Sun polisa to lani seguru luagu abúluchuni tidagiñe Oundaruni lidan Nechani luagu Seguru le Kontati luagu Abuínchuni (National Flood Insurance Program, NFIP) madouraguti lau denchaü luagu harüñun.

Gama lumoun, gayarabei hasaminoun anhei hadügübei lubei anhei:

• Ariñagau aba nadagümetu luagu siñati la lebeluruniwa lidoun fúlasu le ñei lubei denchaü (luagu lachouruduniwa atuadini).
• Aniheigiwa duna larigiñe abuínchuni tau muna o lidan fúlasu, adarasei tariyahouniwa muna o leteniruniwa tu.

Gama lumoun, anhei gayarabei lubei bebeluru tidoún buba, adundehoo watibu lun batatirun arumadahou buba ani mosu badügü dugumêdu labu lufuese larigiñe aba abuinchuni lun batonigiruni luwei liñuragu hariñun.

Duna lidagiñe aba welu gayarati gahühali lame ani machoruti lun layusuruniwa o lu latuniwa larigiñe aba damichi.

• Sigibei adundehani le tani Ofisi to lani atuadini lidan bagaira, fúlasuagei o tribialesi laug lida luba la abachagudu o atouhani lani duna lida eudu.
• Matabei duna, marumadahaba isiedu, machibabei ari, machibabei  ani matouraba eigini, machibabei buhabu, madigaba diliti o miligi hôun irahuñu ha figigiña lau duna me uagubei bafiñera o ariñagaña bun luagu machoru la.
• Anhei wiyeti lubei duna le bagairabe, yusuba duna lidati budein, ahura haguda o aranseha bei duna lubaragiñe batuni, babuagu labu o lun bayusuruni lun harumani.

Lun badarirun masi ñunsu, beluba lidoun abuguruni le tani Ofisi to Akonigirubani Igabuini (Environmental Protection Agency) luaguti Desinfección lani Emergensia le lani Duna lun Latuniwa.