Idehani luma Edéwehani

Larigiñe lasügürin aban damichi, aban hôundarun sun gürigia lun hídeha. Lun gayarabei lan laweirigudun hani idêmue, le lihuduhu aba katei mosu hasígiruni ligaburi agei lafárenrun edewesei ani kei aba ideháti lau tuni. Le lubuidun adügaü lunbei hasígiruni lichuguba saminaü buidutibun haliagebala bagumesera.

Gayarati giñe hounaha aban abürühani lidoun ounagilei agei Oundaruni tani Edéwehani tani FEMA (FEMA Donations Unit) lun haderirun aban ounabagilei tu sun alügüdahani o lun hichugu aban ideweisei hôun amu.

Sensu le lauti gárada ligia tima Buidutimabei

Sun idêmue lauti sensu tun subudiwati luagu tídeha lidan damichi (uwarani lau meringei) ligia tima emeri furese bei, gilagilati luma buiti lun edéwehani. Sun oudaruni lidan fúlasu subudi hamuti sun lȗdu luma libe akuparun aba katei, gama lumoun agañeiha tiña lau libe, anhei gayara lubei hadarirun lidan aluguragile lidan éüdü lidan fúlasu le ñein lubei damichi., lun lideha lun liñuragu hasensu lau furesemi. 

Edéwehani mama lau sensu: Ariñagaba Katei, Halia luma Idame

Meigewati sun ilagu le edebwehoun bei. Gama lumoun, anhei matouru houniwa lau lubuidun, sun lubuidun ideweisei len gayarabein lichugun lihirinigan lun aban uboun le asufuribei. Anhei subudi niwa katei la amegei rubei, halia la lameigeruwa luma lanügün lidoun fúlasu ligia lihududubei. Sun megei guoü fureseti lasansirun. Lubaragiñe babudaha, arihaba kala meigeiwabei.

  • Mama sun katei meigeiwala. Mamegeirutu ilagu to yusuwau.
  • Edewehani lau luweirin ligiatima buidutimabei. Sayu tau aba tuyeri ilagu, anuradahouti luma ouburuwatu.
  • Le tima meigeiwabei dan. Anhei furese lubei o tari lan uwabei agañeiruti.
  • Laninati latouruhou niwa ugunei. ¿Ida luba hachirirun lidan fúlasu ñei lubei meigeigou?

Beluba lun Gayarabeila bideha

alert - warning

Moudi ba babugura lidoun fúlasu agei le asufurirubei ladiga damichi.

Sun oundaruni to uagubou wafiñera to nadagime bou lindan fúlasu le agadeiru bei ñei lubei hemegeira idehatiña. Segun luwirin damichi luma ida liña la fúlasu, subudi hamuti halia ñeila meigei guou le weiriti mabei lun gayara bei lan hidereguniña girigia ha asalbarubaña lun hagiribun lidoun iseri habagari. Dan le wawadügü meidun tuma aban oundaruni to hüchatu ani magubua hatu, samina wati luagu buidu le hadügübei.

Liti dan lun gayarabei lan hareidagun sigi lau dan le ichugubei hôun lumagiñe lurudu. Ñeibei megei guou hôun idehátiña laganagua saragu hati, anihein dan laganagua saragu írumu, arigiñe aba damichi. Meige wabei bani idêmue larigiñe aba damichi.

Ida luba Bideha

Graphic
An email icon.

Anhei aniha lubei katei buma lun bideha, dan lun bichuguni kei idehati tidan aba oundaruni to magubuahatu ni aba fiyadiri o badeweha sensu lauti garada, anhei aniha lubei aligidahani, ounahaba aba garada garabaliguti tun Oundaruni tani Edéwehani tani FEMA (FEMA Donations Unit). Gundaraba diwa lun widera gunibu lun hídeha amu.

Lun hadarirun aban listau to tani oundaruni to chorutu, amu ñunsu luaguti ida luba la bedeweha luma amu katei, beluba Oundaru Idehatiña lidan Dencahi (lau meringei).

Last updated