အိုးအိမ်နှင့် အခြားလိုအပ်ချက်များအတွက် ကူညီဆောင်ရွက်ပေးခြင်း

သမ္မတမှတရားဝင်အသိအမှတ်ပြု ကြေညာထားသည့် သဘာဝဘေးအန္တရာယ်ကြောင့်  သင့်အိမ်၊ ကားနှင့် အခြားကိုယ်ရေးကိုယ်တာပစ္စည်းများ ထိခိုက်ပျက်စီးခြင်းကဲ့သို့  နစ်နာမှုများကနေ ပြန်လည်ထူထောင်ရန် FEMA သည် ငွေကြေးနှင့် အခြားဝန်ဆောင်မှုများကို ကူညီပေးနိုင်ပါလိမ့်မည်။

မှတ်ချက်: FEMA သည် သဘာဝဘေးဒဏ်ခံရသော အသေးစားစီးပွားရေးလုပ်ငန်းများအတွက် အကူအညီမပေးပါ။  စီးပွားရေးလုပ်ငန်း ထိခိုက်ပျက်စီးမှုအတွက် ကျွန်ုပ်တို့၏ မိတ်ဖက်ဖြစ်သော tU.S. Small Business Administration (SBA)    ကအတိုးနည်းနည်းဖြင့်ချေးငွေများကိုထုတ်ပေးနေသည်။ ထို့အပြင် ကျွန်ုပ်တို့သည် သင်၏ အမြဲတမ်းနေထိုင်သည့်အိမ်အတွက်သာ အိမ်ရာအကူအညီကိုပေးပြီးသင်၏တခြားနောက်ထပ်ပိုင်ဆိုင်သောအိမ်များအတွက်အကူအညီမပေးပါ။

သင့်မှာအာမခံရှိပြီးသားဖြစ်သော်လည်း FEMA သဘာဝဘေးအန္တရာယ်အကူအညီအာမခံအတွက် သင်ရရှိကောင်းရရှိနိုင်ပါသည်။ သင့်အာမခံထားသည့်ကုမ္ပဏီသို့ သင်က နစ်နာကြေးတောင်းဆိုချက်တစ်ခုတင်ရမည်ဖြစ်ပြီး သူတို့ဆီက နစ်နာကြေး သို့မဟုတ် နစ်နာကြေးပေးရန်ငြင်းသည့်စာကို အကူအညီအချို့ နှင့်သင်နှင့်ကိုက်ညီမှုရှိမရှိဆုံးဖြတ်ပေးဖို့ FEMA သို့ ပေးပို့ရမည်ဖြစ်သည်။

DisasterAssistance.gov (အင်္ဂလိပ်ဘာသာဖြင့် လင့်ခ်) တွင် FEMA အကူအညီကို လျှောက်ထားပါ။

FEMA အကူအညီသည် အဘယ်နည်း

အိမ်ရာနှင့်ပတ်သက်သော အကူအညီ

• အိမ်ငှားအကူအညီ- သဘာဝဘေးအန္တရာယ်ကြောင့် သင့်နေအိမ်မှ ရွှေ့ပြောင်းနေရပါက  အိမ်ငှားရမ်းဖို့ငွေ။
• တည်းခိုခန်းစရိတ်ပြန်အမ်းငွေ- သဘာဝဘေးအန္တရာယ်ကြောင့် သင့်နေအိမ်မှ ရွှေ့ပြောင်းပြီး ဟိုတယ် သို့မဟုတ် မိုတယ်ကဲ့သို့သော အရေးပေါ်တည်းခိုခန်းများမှာနေရသည့်စရိတ်များအတွက် သင့်ကို ပြန်အမ်းပေးသည့်ငွေ
• အိမ်ပြုပြင်ခြင်း သို့မဟုတ် အိမ်အစားထိုးအသစ်ဆောက်ခြင်း- သဘာဝဘေးအန္တရာယ်ကြောင့် ပျက်စီးသွားသော သင့်အိမ်ကို ပြုပြင်ရန် သို့မဟုတ် အိမ်အစားထိုးအသစ်ဆောက်ရန်ကူညီရန် ကူညီငွေ။
• အိမ်ကိုဝင်ထွက်ရအဆင်ပြေအောင် လိုအပ်ချက်များ-  သဘာဝဘေးလွတ်မြောက်လာသည့် မသန်စွမ်းသူများအတွက် ၎င်းတို့၏နေအိမ်ကို  ဝင်ထွက်ရလွယ်ကူအောင် အထူးပြင်ဆင်မှုများလုပ်ရန်အတွက် ကူညီငွေ
• ပုဂ္ဂလိကပိုင်လမ်းများ၊ တံတားများ၊ သင်္ဘောဆိပ်များ စသည့် သဘာဝဘေးကြောင့် ၎င်းတို့၏နေအိမ်သို့သာ ဝင်ထွက်နိုင်သောအရာများ ပျက်စီးထိခိုက်သွားသည့် သဘာဝဘေးအန္တရာယ်လွတ်မြောက်လာသူများအတွက် ကူညီငွေ။
• ယာယီအိမ်ရာများ-  သင့်မှာငှားရမ်းစရာအိမ်ရာများမရှိသည့်အတွက် အိမ်ငှားအကူအညီကိုအသုံးမချနိုင်သူများအတွက် သဘာဝဘေးအန္တရာယ်အတွက် အသုံးချဖို့အတည်ပြုထားသည့်အိမ်ရာများ။
• ဘေးအန္တရာယ်လျော့ပါးရေး- အိမ်များကိုပြန်လည်ပြုပြင်ရန် သို့မဟုတ် ပိုမိုခိုင်ခံ့သော။ သဘာဝဘေးဒဏ်ခံနိုင်သောအိမ်များ ပြန်လည်တည်ဆောက်ဖို့ သတ်မှတ်အရည်အချင်းနှင့် ကိုက်ညီသောအိမ်ပိုင်ရှင်များအား အထူးဆောင်ရွက်မှုများအတွက် ကူညီငွေ

တခြားလိုအပ်ချက်များအတွက်အကူအညီ

Graphic

အရေးပေါ်လိုအပိချက်များအတွက်အကူအညီ (SNA)

ကလေးနို့မှုန့် ၊ မိခင်နို့တိုက်ကျွေးရေးပစ္စည်း၊ ဆေးဝါးနှင့် အခြားအရေးပေါ်သဘာဝဘေးဆိုင်ရာလိုအပ်သည့်အရာများကဲ့သို့သော မရှိမဖြစ်လိုအပ်သောပစ္စည်းများအတွက် ကြိုပြီးအဆင်ပြေအောင်ပေးသည့် ကူညီငွေ

မှတ်ချက်- SNA အကူအညီသည် လျှပိစစ်ဓာတ်အားဆုံးရှုံးခြင်း သို့မဟုတ် အစားအစာများဆုံးရှုံးခြင်းအတွက် ငွေပြန်အမ်းပေးခြင်းမဟုတ်ပါ။ အရေးပေါ်လိုအပ်ချက်များအတွက်သာ ရည်ရွယ်သည်။

• ဘေးလွတ်ရာ ရွှေ့ပြောင်းခြင်း- သဘာဝဘေးကြောင့် သင့်အိမ်သို့ မပြန်နိုင်ပါက နေထိုင်ရာအိမ်လိုအပ်ချက်များအတွက် ကူညီငွေ
• ကလေးထိန်းခြင်း- ကလေးထိန်းခစရိတ် သို့မဟုတ် သဘာဝဘေးကြောင့် ကလေးထိန်းစရိတ်များ ကြီးမြင့်လာခြင်းအတွက် ကူညီငွေ။
• သန့်ရှင်းရေးနှင့်ပိုးသတ်သန့်ရှင်းခြင်း-  နောက်ထပ်ဆုံးရှုံးမှုများနှင့် ဖြစ်ပေါ်လာနိုင်သည့်ကျန်းမာရေးအခြေအနေသို့မဟုတ် ဘေးကင်းရေးဆိုင်ရာ ပြသာနာများကိုကာကွယ်ဖို့ သဘာဝဘေးအန္တရာယ်ကြောင့်ဖြစ်ရသည့် အနည်းအကျဉ်းပျက်စီးဆုံးရှုံးမှုအတွက် ကူညီငွေ
• နာရေးကူညီမှု- သဘာဝဘေးကြောင့် ဖြစ်ပေါ်လာသော နာရေး သို့မဟုတ် ပြန်လည်မြှုပ်နှံမှုကုန်ကျစရိတ်များအတွက် ကူညီငွေ
• Group Flood Insurance Policy အာမခံ- သင့်နေအိမ်သည် အထူးရေကြီးရေလျှံမှုဘေးသင့်ဒေသတွင်ရှိပြီး သင့်တွင် သဘာဝဘေးအန္တရာယ်ကြောင့် ရေကြီးဒဏ်ခံပျက်စီးမှုရှိပါက သုံးနှစ်အာမခံပါရှိသော ရေလွှမ်းမိုးမှုအာမခံမူဝါဒကို ဝယ်ယူပါ။
• ကျန်းမာရေးဆိုင်ရာ/သွားဘက်ဆိုင်ရာ-: သဘာဝဘေးအန္တရာယ်ကြောင့် ထိခိုက်ဒဏ်ရာရမှုများ သို့မဟုတ် နာမကျန်းမှုများနှင့်ပတ်သက်သည့် ကုန်ကျစရိတ်များအတွက် ကူညီငွေ။
• ကိုယ်ရေးကိုယ်တာပိုင်ဆိုင်မှုများ :  သဘာဝဘေးအန္တရာယ်ကြောင့် ပျက်စီးသွားသော စက်ပစ္စည်းများ၊ အခန်းတွင်း ပရိဘောဂများနှင့်  ကိုယ်ပိုင် သို့မဟုတ် မိသားစုပိုင် ကွန်ပျူတာကို ပြန်လည်ပြုပြင်ရန် သို့မဟုတ် အသစ်အစားထိုးရန်  ကူညီငွေ။
• သယ်ယူပို့ဆောင်ရေး-  ကိုယ့်မှာအသုံးပြုစရာကားမရှိသည့်အခါ သဘာဝဘေးအန္တရာယ်ကြောင့် ပျက်စီးသွားသောကားကို ပြုပြင်ရန် သို့မဟုတ် အသစ်ဝယ်အစားထိုးရာတွင် ကူညီငွေ။