Tulong Para iti Balay ken Dadduma Pay a Kasapulan

Tultulongan ti FEMA dagiti indibidual ken pamilia nga addaan iti didigra a nadadael kadagiti pagtaenganda kas resulta ti didigra nga indeklara ti presidente. Makatulong kami iti dadduma pay a kasapulan iti tulong, kas kadagiti kasapulan iti panangaywan iti ubing gapu iti didigra, gastos iti medisina iti didigra wenno kasapulan a banag a pagdalus.

Saan nga ipaay ti FEMA ti tulong para kadagiti babassit a negosio a naapektaran iti didigra. Ti kasosyo mi, ti Small Business Administration (SBA), ket mangitukon kadagiti nababa nga interes a pautang para iti pannakadadael ti negosio.Kasta met, saanmi nga itukon ti tulong iti balay para kadagiti segundario a pagtaengan, para laeng iti kangrunaan a pagnanaedanyo.

No Ania ti Saklawen ti Tulong ti FEMA

Dagiti Sangakabbalayan

Tulong ti Dadduma a Kasapulan

Mabalin nga ipaay ti FEMA ti tulong para kadagiti banag a saan a sakupen ti insurance para kadagiti agtagikua iti pagtaengan ken agpapaabang. 

Dika makaawat iti tulong agpadpada manipud iti kompania ti segurom ken ti FEMA para iti agpapada a pannakadadael. Ti panangaramid iti dayta ket panangdoble kadagiti benepisio ken ilegal a panangallilaw iti seguro. 

Agaplikar para iti Tulong ti FEMA iti DisasterAssistance.gov

Dagiti Sangakabbalayan

Dagiti sumaganad a kita ti tulong ket mabalin nga ipaay ti FEMA’s Individuals and Households Program.

• Temporario a Tulong iti Balay: Pinansyal a tulong kadagiti agtagikua iti pagtaengan wenno agpapaabang tapno abangan ti temporario a lugar a pagnaedan no saan a mabalin a pagnaedan ti pagtaenganyo gapu iti didigra, ken awan ti insurance coverage-yo para iti temporario a balay. No awan dagiti magun-odan a sanikua a maabangan, kas maudi a pamuspusan, mabalin a maipaay ti balay ti gobierno iti dadduma a lugar.
• Gastos iti Pagdagusan Reimbursement: Panangisubli kadagiti gastos iti hotel para kadagiti agtagikua iti pagtaengan wenno agpapaabang iti ababa a panawen gapu iti di pannakagun-od wenno pannakapukaw ti utility, no saan a masakupan ti insurance wenno aniaman a sabali a programa.
• Panagtarimaan iti Balay: Pinansyal a tulong kadagiti agtagikua iti pagtaengan tapno matarimaan ti pannakadadael ti kangrunaan a pagnanaedanda gapu iti didigra, no ti pannakadadael ket saan a masakupan ti insurance, tapno agbalin a natalged, nadalus, ken maibagay a pagnaedan ti pagtaengan. Mabalin a karaman iti daytoy a tulong dagiti pondo para kadagiti addang a mangpabassit iti peggad, kas iti atep, urno, water heater, wenno main electrical panel mitigation, tapno makatulong a mangkissay iti kaadu ti pannakadadael ti pagtaengan kadagiti masanguanan a didigra, no dagita a banag ket nadadael gapu iti didigra.
  
  Kitaen ti Hazard Mitigation iti Sidong ti Individuals and Households Program Factsheet.
• Panangsukat iti Balay: Pinansyal a tulong kadagiti agtagikua iti pagtaengan tapno makatulong a mangsukat iti pagtaenganda a nadadael iti didigra,  no ti nadadael ket  saan a masakupan ti insurance.
• Permanente a Panagbangon iti Balay: Direkta  wenno pinansial  a tulong para iti pannakaibangon wenno pannakatarimaan  ti pagtaengan. Mapasamak laeng daytoy a kita ti tulong iti sumagmamano a naisangsangayan a kaso nga awan ti sabali a kita ti tulong iti balay a posible.

Tulong ti Dadduma a Kasapulan

Magun-od ti pinansial a tulong para kadagiti kasapulan a gastos ken nakaro a kasapulan a direkta a gapuanan ti didigra, agraman:

• Gastos iti panangaywan iti ubing
• Gastos iti medisina ken dental
  • Mabalin nga ipaay ti FEMA ti tulong para iti suporta ken alikamen iti panagpasuso iti sidong ti Medical and Dental Assistance no mangipaay ti aplikante iti umno a mangsuporta a dokumentasion (Naisurat ken napirmaan a statement manipud iti medical provider a mangpaneknek iti panagkasapulan iti medikal nga alikamen sakbay ti didigra.)
• Gastos iti pumpon ken pannakaitabon
• Pannakadadael dagiti nasken  a banag iti pagtaengan (dagiti muebles iti kuarto, alikamen); kawes; dagiti ramit (espesialisado wenno mangsalaknib a kawes ken alikamen) a kasapulan para iti trabahom; kasapulan a materiales ti edukasion (kompiuter, libro ti pagadalan, suplay)
• Gasolina para iti kangrunaan a gubuayan ti pudot (lana a pagpapudot, gas)
• Dagiti banag a pagdalus (nabasa/namaga a vacuum, dehumidifier)
• Pannakadadael ti nasken  a lugan
• Gastos iti panagakar ken panagidulin gapu iti didigra Daytoy ket panangyakar ken panangidulin kadagiti nasken a tagilako iti pagtaengan tapno malapdan ti kanayonan a pannakadadael, kas iti agtultuloy a pannakatarimaan, ken panangisubli iti sanikua iti kangrunaan a pagtaengan ti aplikante.
• Dadduma pay a kasapulan a gastos wenno serioso a kasapulan kas inkeddeng ti FEMA

No ti Critical Needs Assistance (CNA) ket kiddaw ken autorisado para iti naideklara a didigra ken ti aplikante ket makasangpet kadagiti kasapulan iti pannakakualipika, mabalinda ti umawat iti pinansial a tulong para kadagiti madagdagus ken kritikal a kasapulanda bayat a temporario a naidestiero manipud iti kangrunaan a pagnanaedanda.

Dagiti makaispal-biag ken mangsustiner-biag a banag a pakairamanan, ngem saan laeng a: