ကျွန်ုပ်အား ယူအက်စ် အသေးစားလုပ်ငန်း စီမံအုပ်ချုပ်ရေး ဌာနသို့ လွှဲပေးသည်

ကပ်ဘေးဒဏ်ခံရသူများအတွက် လိုအပ်ချက်ကို ဖြည့်ဆည်းပေးရန်အတွက် FEMA သည် အခြားအေဂျင်စီများနှင့် အတူပူးပေါင်းဆောင်ရွက်ပါသည်။ ကြီးမားသော ကပ်ဘေးသင့်ရာနေရာအဖြစ် ကြေညာထားသော ဒေသများမှ အိမ်ပိုင်ရှင်များ၊ အိမ်ငှားများအတွက် အတိုးနှုန်းနိမ့် ချေးငွေများ ကမ်းလှမ်းနိုင်ရန်အတွက် FEMA သည် ယူအက်စ် အသေးစားလုပ်ငန်းစီမံအုပ်ချုပ်ရေးဌာနနှင့် ပူးတွဲဆောင်ရွက်ပါသည်။ ဤချေးငွေများသည် ကပ်ဘေးကြောင့် ထိခိုက်ပျက်စီးမှုများကို အစားထိုးရန် သို့မဟုတ်အနာဂတ်တွင် ဖြစ်လာနိုင်သည့် မုန်တိုင်းဒဏ်ကြောင့် ပျက်စီးခြင်းကို လျှော့ချနိုင်ရန် ကူညီနိုင်ပါသည်။ ကပ်ဘေးဆိုင်ရာ ချေးငွေများ လျှောက်ထားရန်အတွက် သင်သည် လုပ်ငန်းပိုင်ရှင်ဖြစ်ရန် မလိုပါ။ သင်က FEMA ကပ်ဘေးအကူအညီအတွက် လျှောက်ထားလျှင် သင့်အား လွှဲပြောင်းညွှန်ပြပေးနိုင်ပါသည်။

အကယ်၍ သင့်အား SBA သို့ ရည်ညွှန်းလွှဲပြောင်းပေးပါက SBA ၏ ကပ်ဘေးချေးငွေလျှောက်လွှာကို SBA ဝဘ်ဆိုက် သို့မဟုတ် ကပ်ဘေးပြန်လည်နလံထူရေးဌာန တစ်ခုသို့ ပေးပို့နိုင်သည်။

ချေးငွေခွင့်ပြုပါက သင် မဖြစ်မနေယူရန် တာဝန်မရှိပါ။ သင်ကလျှောက်ထားပြီး ချေးငွေအတွက် သတ်မှတ်ချက် မပြည့်မီပါက FEMA ၏ အခြား အပိုဆောင်း ထောက်ပံ့ကြေးများကို လျှောက်ထားနိုင်သည်။

အကယ်၍ SBA က သင့်အား ချေးငွေကမ်းလှမ်းခြင်း မပြုပါက သို့မဟုတ် ချေးငွေတစ်စိတ်တစ်ပိုင်းသာ ကမ်းလှမ်းပါက ယင်းအကြောင်းကို SBA က FEMA အား အကြောင်းကြားမည်ဖြစ်သည်။ ကျွန်ုပ်တို့က သင်၏ လျှောက်လွှာကို ပြန်ကြည့်ပြီး အခြားထပ်ဆောင်း ထောက်ပံ့ကြေးများကို သင်ရနိုင်ခြင်း ရှိမရှိ ကြည့်ပါမည်- ဥပမာ ကိုယ်ပိုင်ပစ္စည်း အကူအညီ၊ ခရီးသွားလာရေး အကူအညီ နှင့်/သို့မဟုတ် အဖွဲ့လိုက်ရေဘေးအာမခံ မူဝါဒ (GFIP)။

FEMA သည် သင်က SBA ထံမှ ချေးငွေမလျှောက်ထားသည့်တိုင်အောင် အောက်ပါတို့အားဖြင့် ကူညီနိုင်ပါသည်-

  • အိမ်ပြုပြင်ခြင်း သို့မဟုတ် အစားထိုးခြင်း
  • အိမ်ငှားအကူအညီ
  • ဆေးကုသရေး
  • သွားဘက်ဆိုင်ရာ ကျန်းမာရေး
  • အရေးတကြီးလိုအပ်ချက်များ
  • ကလေးထိန်း
  • အသုဘ
  • သန့်ရှင်းခြင်းနှင့် ပိုးသပ်ခြင်း
  • ပြောင်းရွှေ့ခြင်းနှင့် ပစ္စည်းသိုလှောင်ခြင်း
  • အထွေထွေပစ္စည်းများ

FEMA ၏ တစ်ဦးချင်းနှင့် အိမ်ထောင်စုများ အစီအစဉ်သည် အိမ်ရှင်ကိုယ်တိုင် အဓိကနေထိုင်ခြင်း မဟုတ်ပါက လုပ်ငန်းများ၊ ငှားရမ်းအိမ်ရာများဆိုင်ရာ အကူအညီကို မပေးသော်လည်း FEMA သို့ လျှောက်ထားခြင်းဖြင့် သင့်အား ကပ်ဘေးဆိုင်ရာချေးငွေအတွက် ထည့်သွင်းစဉ်းစားပြီး အလိုအလျောက် ရည်ညွှန်းလွှဲပြောင်းပေးနိုင်သည်။

SBA ၏ ကပ်ဘေးဆိုင်ရာ ချေးငွေအစီအစဉ်အကြောင်း မေးမြန်းလိုပါက SBA အား ၈၀၀-၆၅၉-၂၉၅၅ (အကြားအာရုံချို့တဲ့သူများအတွက် ၈၀၀-၈၇၇-၈၃၃၉) ကို ဖုန်းခေါ်ပါ။ SBA အချက်အလက်များကို www.SBA.gov/disaster  တွင်လည်း ရနိုင်ပြီး disastercustomerservice@sba.gov တွင်လည်း အီးမေးပေးပို့တောင်းဆိုနိုင်သည်။

FEMA နှင့် ပတ်သက်၍ မေးမြန်းလိုပါက သို့မဟုတ် အချက်အလက်များ လိုအပ်ပါက www.DisasterAssistance.gov ကို အမြဲဝင်ရောက်ကြည့်နိုင်ပြီး FEMA အကူအညီဖုန်း ၈၀၀-၆၂၁-၃၃၆၂ ကို ခေါ်နိုင်ပါသည်။

နောက်ဆုံးအချက်အလက်