Asistensia para Guma yan Otro Nisidåt Siha

I FEMA ha akukudi indibiduåt siha yan familia siha ni man gai yinamak guma-ñiha ni desgråsia ya ginen I presidenti na ma diklåra I desgråsia. Siña man manayuda hami gi otro na nisisidåt siha, tåt kumo ginen-desgrasia na nisisidåt famagu’ on siha, gåstun medikat siha ginen I desgrasia pat sino nesesåriu na kosas muna-gasgas siha.

I FEMA ti ha pribeniniyi asistensia para man dikiki na bisnis siha ni man inifekta ni desgråsia. I ga’ chong mami,I Small Business Administration (SBA), ha ofrefresi tat papa intires na loan para yinamak bisnis siha. Lokkue, ti in ofrefresi asistensian guma para segundo guma siha, solo para prinsipåt residensia.

Håfa I Asistensian FEMA ha Kokobre

Guinahan guma siha

Otro Asistensian Nisisidåt Siha

Kridikåt na Asistensian Nisisidåt Siha

I FEMA siña man pribeniyi asistensia para kosas siha ni ti man kinobre ni siguridat para man gai guma siha yan atkilante siha.

Ti siña man risibi hao asistensia ginen I kompanian siguridat-mu yan I FEMA para parehu ha’ na yinamak. Gigun chumogui sa dinoblen I benefisiu siha yan ti legåt na dinañun siguridat.

Aplika para Asistensian FEMA gi DisasterAssistance.gov

Guinahan guma siha

Esti siha na klåsen asistensia siña man ma pribeniyi ni FEMA na Progråman Indibiduåt Siha yan Guinahan Guma Siha

• Temporårio na Asistensian Guma: Asistensian fanansiåt para man gai guma pat sino atkilante siha para u fan man atkila temporårio na lugat para u fan saga yanggen I guma-mu ti siña ma sagayi sa pot ginen I desgråsia, yan taya hao kinobren siguridat para temporårio na guma. Yanggen taya propiadåt atkilon siha, I mås uttimo na chånsa, I gobetnamenton guma na påtti siña ha pribeniyi gi palu lugat siha.
• Inapåsin tåtti para Gastun Sinaga : Inapåsin tåtti para gåstun hotel siha para I man gai guma pat sino atkilante siha para ti anakko na tiempo sa pot chinat’ faposgui pat sino tumåya utilidåt, yanggen ti kinobre ni siguridat pat sino ni otro na progråma.
• Rinipehan Guma: Asistensian fanansiåt para man gai guma siha para rinipehan yinamak I prinsipåt residensia ginen I desgråsia, yanggen I yinamak ti kinobre ni siguridat, para u mana såfu I guma, gåsgas, yan fitme para uma okupa. Esti na asistensia siña inkluso fundo siha para mididan rinibahan piniligru siha, tåt kumo attuf, fetgon, na’ maipen hånom, pat sino primet rinibahan I kåhon elektrikåt, para u ribåha I kinantidån I yinamak I guma gi futtura na desgråsia, yanggen ayu siha na kosas man yinamak ni desgråsia.
  Atan I Hazard Mitigation Under the Individuals and Households Program Factsheet.

• Tinulaikan Guma: Asistensia fanansiåt para man gai guma para u ayuda tumulaika I guma-ñiha nai yinamak ni desgråsia, yanggen I yinamak ti kinobre ni siguridat.
• Petmanenti na Hinaksan Guma: Direkto pat sino asistensian fanansiåt para I hinaksa pat sino rinipehan I guma. Esti na klåsen ayudu masusesdi solo gi ayu ha’ I man uniku na kaosa siha nai taya otro klåsen asistensian guma pusibli.

Otro Asistensian Nisisidåt Siha

Asistensian fanansiåt guaha para nesesåriu na gåstu siha yan siriosu na nisisidåt siha na direkto ginen I desgråsia, inklukluso direkto ginen I desgråsia, inklukluso:

• Gastun inadahin-påtgon siha
• Medikåt yan gåstun dentåt siha
  • I FEMA siña ha pribeniyi asistensia para supotasion muna’ susu yan tråstes gi papa Medikåt yan Asistensian Dentåt yanggen I aplikånte ha pribeniyi I propiu na supotasion Dokumentasion (Ma tugi yan ma fitma na sinangan ginen I man pribeniniyi medikåt nai bumerififika I nisisidåt para tråstes medikåt antes di I desgråsia. )
• Gastun interu yan inafot siha
• Yinamak I man esensiat na kosa guinahan guma siha (sinuplikan apusentu siha, ramentan kusina siha); magågu; ramenta siha (espisiat pat sino magågu para prinotehi yan tråstes) ma gagagao para I che’ cho’ -mu; nesesåriu na materiåt siha para edukasion (computer siha, lepblon eskuela siha, suplika siha)
• Mecha para prinsipåt na tinituhon minaipi (lånian muna maipi, gasilina)
• Kosas muna gåsgas siha (bakium fotgun/anglo’ , dehumidifier)
• Yinamak esensiat na kareta
• Gastun kinalamtin yan sagan pinelu siha ginen I desgråsia. Esti sa kinalamtin yan sagan pinelun esensiat na kosas guinahan guma siha para u ataha mås yinamak, tåt kumo ma susesdi ha’ na rinipeha siha, yan linalalun propiadåt guatu gi prinsipåt residensian I aplikånte.
• Otro nesesåriu na gåstu siha pat sino siriosu na nisisidåt siha ni ma detetmina ni FEMA

Yanggen I Kridikåt na Asistensian Nisisidåt Siha (CNA) ma rikuesta yan ma aturisa para I ma diklara na desgråsia yan I aplikånte ha fakcha’ i I ginågao inombrayon, siña siha man manrisibi asistensian fanansiåt para usun insigidas yan kridikåt na nisisidåt siha mientras man tai lugat temporårio ginen I prinsipåt residensia.

Sinatban-lina’ la yan kosas sinustenin-lina’ la siha inkluso, lao ti limite gi: