‘Oku mau fakalotolahi ki he kau taautaha mo e ‘u famili ke hoko atu ‘enau ngaue ki he palani nofo’anga tu’uloa. Fakalakalaka ma’u pe ‘enau palani ke tokoni ‘o hoko atu ‘i he nofo’anga FEMA ka e ‘oua kuo nau maa’usia e taumu’a nofo’anga taimi-loloa.
‘E kei hoko atu ‘a e kau fakaakeake mei he vela, pea ‘oku ‘i heni ‘a e FEMA ke poupou ki he ‘enau fiema’u nofo’anga fakataimi pea tokoni ke kumi ha nofo’anga tu’uloa. ‘Oku nau ma’u katoa ‘a e Tokoni Nofo’anga Fakataimi Tonu mei he FEMA pea kuo pau ke nau fokotu’u ha palani nofo’anga tu’uloa. ‘I he ‘enau fakataha fakamahina ki he ma’u Setifikeiti, kuo pau ke nau fakaha ‘a e fakalakalaka ki he ‘enau palani nofo’anga tu’uloa.
Kuo fa’ufa’u e polokalama fakataimi ‘a e FEMA ke tokoni ki he kau nofo he lolotonga ‘o e taimi faingata’a ke nau malava ‘o ma’u faingofua ‘a e founga fakaakeake mo ma’u pau ha nofo’anga. ‘Oku ‘uhinga ‘a e ”Nofo’anga tu’uloa” ke nau filifili ‘a e ‘u nofo’anga ke nau hoko atu ki ai he nau ‘osi mei he polokalama Tokoni Nofo’anga Fakataimi Tonu e FEMA.
Kuo pau ke mo’oni ‘a e palani nofo’anga tu’uloa pea ke maa’usia he taimi lelei mo fakatatau ki he tu’unga nofo’anga kimu’a he fakatamaki. ‘Oku kau he taimi lelei ‘a e taimi fe’unga ke ma’u ha pa’anga, feitu’u nofo’anga tu’uloa, mo ha taimi ke hiki ai ki he nofo’anga ko ia.
Ko e kau nofo ta’epalani, pe ko ha taumu’a kuo liliu, e ‘oange ha fakamatala mo ha ‘u me’angaue ke tokoni’i kinautolu ke nau kumi faingamalie ki ha nofo’anga. ‘E ‘oatu he kau ‘Etivaisa Ma’u Setifikeiti ha lisi ‘e malava ke filifili ai ki ha nofo’anga tu’uloa ‘i Maui pea mo tokoni kiate kinautolu ke fokotu’u ha taumu’a mo’oni ‘oku fenapasi mo ‘enau tu’unga fakapa’anga.
Ko e fiema’u ‘a e Polokalama Tokoni Nofo’anga Fakataimi Tonu e FEMA, ko e kau nofo ke nau ‘omai ha fakamo’oni ki he ‘u sitepu ‘oku nau fakahoko ke ma’u ai ha nofo’anga tu’uloa.
‘E lava ke kau hono fakaha e fakalakalaka ki he nofo’anga tu’uloa ‘a e:
- Loto’aki pea kamata ngaue fakalelei’i pe toe langa ki he tu’unga kimu’a he fakatamaki, kumi pea fakatau ha ‘api fo’ou, pe ma’u mo liisi ha ‘iuniti leni ‘oku faingamalie.
- ‘Omai ha fakamo’oni ‘o e fakalakalaka – hange ko e tohi ‘o e fakamole ngaue, konituleki ‘o e toe langa pe aleapau liisi ki ha ‘api fo’ou – pe ko ha tohi ‘oku ‘asi ai ha toloi ‘oku ‘ikai ke nau lava ‘o mapule’i.
- Maa’usia ‘a e taumu’a ‘o e palani nofo’anga taimi-loloa ‘i ha taimi lelei.
- Fakahoko ‘a e ‘u kole ke fetu’utaki mo fakataha mo e kau ‘Etivaisa Ma’u Setifikeiti FEMA ma’u pe.
Ko e faka’amu ‘a e FEMA kiate kinautolu katoa ‘oku nau ma’u tokoni ke a’usia mo nofo ‘i ha nofo’anga tu’uloa he faingamalie vave taha. ‘Oku hoko atu ‘a e tokoni makatu’unga he fiema’u pea pehe ki ha faingamalie ke filifili mei ai ha nofo’anga tu’uloa pea ke maa’usia.
‘Oku kole atu ke tauhi KATOA ‘a e ‘u tohi fakamole, sieke na’e kaniseli mo ha mani ‘ota (money orders) ‘oku ‘asi ai ‘a e founga faka’aonga’i lelei ‘a e Pa’anga Ngaue FEMA mo ha toe tokoni Leni kimu’a.
Tauhi ke lelei ma’u pe ‘a e fetu’utaki mo fengaue’aki mo e FEMA ko ha konga mahu’inga ia ‘ete hoko atu ke ma’u ha tokoni ki he ‘u fiema’u pea mo fakasi’isi’i ha faingata’a ‘i hono ma’u ha nofo’anga tu’uloa. Kuo pau ke fetu’utaki ma’u pe mo e Kau ‘Etivaisa Ma’u Setifikeiti pe faka’aonga’i kinautolu he taimi ‘oku fekumi ai ha nofo’anga tu’uloa. Te mou toe lava ‘o telefoni ki ha Tokoni Nofo’anga Taautaha he Hotline 808-784-1600 pe ko e Laine Tokoni FEMA he 800-621-3362.
‘A’ahi mai mo e kau ngaue FEMA he:
- Council for Native Hawaiian Advancement, Kākoʻo Maui Relief & Aid Services Center ‘i he 153 E Kamehameha Ave., Suite 101 in Kahului. Houa mei he 9 a.m. ki he 5 p.m. Monite ki he Falaite.
- Maui County’s Office of Recovery he Lahaina Gateway ‘i he 325 Keawe St. in Lahaina, ofi ki he Ace Hardware Store. Houa mi he 8 a.m. ki he 4 p.m. Monite ki he Falaite.
Ke ma’u ha fakamatala fakamuimui ki he feinga fakaakeake vela ‘i Maui, ‘a’ahi mauicounty.gov, mauirecovers.org, fema.gov/disaster/4724 mo e Hawaii Wildfires - YouTube. Muimui’i FEMA he sosolo mitia he: @FEMARegion9 mo e facebook.com/fema. Te ke lava ‘o ma’u ha fakamatala tokoni fakatamaki pea taunilouti ‘a e tohi kole he sba.gov/hawaii-wildfires.