Kōm ej rōjañ an kajojo armej im baamle ko woñmaanlok aer kōmadmõde bebe eo ñan imōn jokwe iomwin ien aitok. An niknik aer jerbale bebe eo enaj jibañ aer woñmaanlok in jokwe ilo mweo FEMA ear lelok mae ien renaj kadedelok kōtōbar eo ñan imōn jokwe iomwin ien aitok.
Ilo an armej ro rekkar jorrāān jen kijeek ko woñmaanlok in bōk jibañ, FEMA ebed ijin ñan an jibañ aikuj ko aer ikijen imōn jokwe ilo kōtaan ien im jibañ aer kabōk imōn jokwe iomwin ien aitok. Aoleb armej ro rekkar ioone jorrāān eo im rej ebōj Jibañ in Imōn Jokwe ilo Kōtaan Ien an FEMA rej aikuj kōmmane juon bebe ñan imōn jokwe iomwin ien aitok. Ilo ien kwelok in bar Kamool peba ko aer emōj kōlaajrak, armej ro rekkar ioon jorrāān rej aikuj kwalok ta woñmaanlok ilo bebe eo ñan imōn jokwe iomwin ien aitok.
Burokraam ko an kōtaan ien an FEMA emōj kōmmane ñan jibañ baamle ko ilo ien eo auroktata aer aikuj bwe en bidodlok aer bukōt wāween aer elo jibañ im kabōk imōn jokwe iomwin ien aitok. “Imōn jokwe iomwin ien aitok” ej kenono kōn imōn jokwe ko armej ro rekkar ioon jorrāān remaron kelet iloien renaj jino diwōjlok jen burokraam in Jibañ in Imōn Jokwe ilo Kōtaan Ien an FEMA.
Aikuj kōmman bebe eo ñan imōn jokwe iomwin ien aitok eo remaron kolla wonnen im jokwe ie ilo jejjetin ien eo rej aikuj im aikuj kalikar imōn jokwe eo mokta jen jorrāān an armej eo ear ioone jorrāān. Juon ien eo emmon ekoba an bwe ien an wõr aer jāān, bukōt ia eo mweo enaj bed ie, im emakūt ñan mweo.
Baamle ko ejellok aer bebe, ñe ejab oktak kōtōbar ko aer, renaj lelok melele im jerbal in jibañ ko ñan jibañ aer kabōk imōn jokwe ko remaron jokwe ie. Rijerbal ro rej lelok jibañ in bar kamool peba remaron lelok laajrakin imōn jokwe ko iomwin ien aitok remaron jokwe ie ilo Maui im remaron jibañe armej ro rekkar ioon jorrāān kōlaajrake bebe ko aer ekkar ñan joñan em ko remaron kolla wonnen.
Einwot juon mennin aikuj an Burokraam eo an Jibañ in Imōn Jokwe ilo Kōtaan Ien an FEMA, armej ro rej jokwe ilo moko rej aikuj lelok kamool kōn bunten ko rej kommani ñan aer elo imōn jokwe iomwin ien aitok.
Wāween kwalok tobrak ko ilo am kabok imōn jokwe iomwin ien aitok ekoba:
- Kallimur im jino kōmmane jorrāān im bar kalōke mweo kar mweir mokta jen jorraan eo, kabok im wia juon em kāāl, ñe ejab bukōt im leiji juon imōn reen eo remaron.
- Lelok kamool kōn woñmaanlok— einwot peba in wonnen kommane jorraan ko, koontoreak in bar ekal ak kwon in leij eo an juon em kāāl—ñe ejab kwalok ke rumij ko rejab maron ella iooer.
- Dedelok kōtōbar ko an bebe eo an imōn jokwe iomwin ien aitok ilo jejjetin juon ien.
- Kotobrak kajjitōk ko ñan aer beddo lelok melele im kenono ibben Rijerbal ro an FEMA rej lelok Jibañ in bar kamoool peba.
FEMA ej katmane an aoleb ro rej ebōk jibañ ñan aer bōke im jokwe ilo mweo iomwin ien aitok ilo ien eo emokajtata. An woñmaanlok jibañ enaj ekkar ñan aikuj im elañe ewōr bar juon imōn jokwe iomwin ien aitok ñan aer kelet ak maron jokwe ie.
Emōj rōjañ an aoleb armej ro rej ebōk jibañ jen burokraam in kejbarok AOLEB rijit, jek ko emōj aer kaanjel im money order ko rej kwalok jejjetin aer kar kōjerbal Jāān in Kōmman Jorrāān an FEMA im Jibañ in Wonnen Reen eo moktalok.
Aurok bwe kwon kejbarok am leto letak melele im karejar ibben FEMA ñan am maron wonmaanlok in ebōk jibañ einwōt aikuj im emaron jolokaban ko ilo am kabõk imōn jokwe iomwin ien aitok. Armej ro rar ioon jorrāān remaron kenono ibben Rijerbal ro rej lelok jibañ in bar kamool peba im kōjerbal einwot juon kein kamool ilo ien aer kabok imōn jokwe iomwin ien aitok. Armej ro rekkar ioon jorrāān remaron bar kall e Lain in Jibañ ikijen Imōn Jokwe ilo 808-784-1600 ñe ejab Lain in jibañ eo an FEMA ilo 800-621-3362.
Etal im kenono ibben riejerbal ro an FEMA ilo:
- Council for Native Hawaiian Advancement, Kākoʻo Maui Relief & Aid Services Center ebed ilo 153 E Kamehameha Ave., Suite 101 in Kahului. Awa ko ej 9 awa jibbon ñan to 5 awa jota Mande ñan Bolaide.
- Maui County’s Office of Recovery ilo Lahaina Gateway ebed ilo 325 Keawe St. ilo Lahaina, iturin Imõn Wia eo an Ace Hardware. Awa ko ej 8 awa jibbon ñan 4 awa jota Mande ñan Bolaide.
Ñan melele ko āliktata kōn jerbal ko rej jibañ Maui jen jorrāān in kijeek eo ear walok, lale mauicounty.gov, mauirecovers.org, fema.gov/disaster/4724 im Hawaii Wildfires - YouTube. Lale peij eo an FEMA ilo social media: @FEMARegion9 im facebook.com/fema. Kwōmaron bar bōk melele kōn jibañ in jorrāān im download ablikajon ko ilo sba.gov/hawaii-wildfires.