Se kin padahkiong aramas oh peneinei kan en doadoahkehng wiahda pilahn en ihmw poatoapoat ieu. Ni arail wia songet re kakete mih nan ihmw en FEMA lel ansou me mie ihmw poatoapoat me re kak kousoan ie.
FEMA kin sewese tohnwehi me mih karanih kisiniei en nansahpw ni arail songosong en dadaur oh diar wasa re kak mihmi ie. Tohnpirokiram en Sawas en Ihmw en FEMA anahne wiahda pilahn en ihmw poatoapoat ieu. Ni arail iang mihting en Recertification kan ehu ehu sounpwong, tohnpirokiram anahne kaselehda uwen arail doadoahkehng kapwaiada pilahn wet.
Pirokiram en FEMA kan sewese tohnihmw ni ansou ahpwahl kan pwe re en kak pweida oh diar wasahn kousoan poatoapoat. “Ihmw poatoapoat” wehwehki soang en ihmw me tohnpirokiram kan pilada en mih ie mwurin arail sohlahr kin iang pirokiram en FEMA en Sawas en Ihmw.
Pilahn en ihmw poatoapoat ahahne wiahkihda pali kan me emen kak kapwaida ni ansou tikitik oh me sewese aramas pwureng mih ni soang en ihmw me re kin kousoan ie mwowe. Ni ansou tikitik wehwehki ansou itar en kolehdi mwoni, diarada wasa ieu, oh kousoanla mwo.
Tohnihmw me sohte ahniki pilahn, de arail pilahn wekila, pahn ale ire oh dipwisou kan en sewese irail diar ihmw. Tohndoadoahk en recertification kan kin kihda ire kan pid ihmw nan Maui me aramas kak pilada oh re kin sewese tohnpirokiram en wiahda pilahn mwahu me uwen arail kapidolong mweidong.
Nin duwen anahn en pirokiram en FEMA en Sawas en Ihmw, tohnihmw kan anahne kaselehda mehn kadehde me re songosong diar ihmw poatoapoat ieu.
Soang en mehn kadehde iangahki:
- Pilada en mihmihte nan imwarail mwowe oh tepida kamwahuiala, diarada ihmw kapw oh pwainda ihmw, de diar wasa me kin pwain rent.
- Kaselehda me re doadoahkeng kapwaida pilahn — iangahki doaropwe pid pweinen kamwahuiala ihmw, inou en wiahda ihmw de pwain rent nan ihmw kapw ieu – dekaselehda me re sohte kahrehda kapwand kan.
- Kapwaiada goal en pilahn en ihmw poatoapoat kan nan ansou tikitik.
- Kapwaiada anahne en koasoaigehng oh tuhwong Tohndoadoahk en Recertification en FEMA kan.
FEMA kasik me aramas koaros me kin ale sawas pahn wia uwen arail kak en diar oh ale ihmw poatoapoat ni ansou mwadang. Pwehn ale sawas, mie anahne pen emen ale sawas oh ma miw wasahn me re kak kousoan ie.
Tohnpirokiram kan anahne kolokol doaropwe en receipt kan koaros, check me nekiehr, oh oaht en mwohni kan me kaselehda pweinen kamwahuiala ihmw en FEMA oh Sawas en Ihmw teikan.
Inenen kesemwpal me tohnpirokiram kin doadoahk rehn FEMA pwehn ale sawas kohkohla oh pwehn ale sawas en diar ihmw poatoapoat. Tohnpirokiram kan anahne kin koasoaiheng arail Tohndoadoahk en Recertification kan pwehn ale sawas en diar ihmw poatoapoat. Tohnpirokiram pil kak kahlih Individual Assistance Housing Hotline ni 808-784-1600 de FEMA Helpline ni 800-621-3362.
Tuhwong tohndoadoahk en FEMA ni:
- Council for Native Hawaiian Advancement, Kākoʻo Maui Relief & Aid Services Center ni 153 E Kamehameha Ave., Suite 101 in Kahului. Ritingida sang 9 ni manseng lel 5 ni mwuring sowas, Niehd lel Nialem.
- Maui County’s Office of Recovery ni Lahaina Gateway ni 325 Keawe St. in Lahaina, limwahn Ace Hardware Store. Ritingida sang 8 ni manseng lel 4 ni mwurin sowas, Niehd lel Nialem.
Pwehn esehla ire kapw pid sawas mwurin kisiniei en nansahpw en Maui, kilang mauicounty.gov, mauirecovers.org, fema.gov/disaster/4724 oh Hawaii Wildfires - YouTube. Idawehn FEMA nan social media: @FEMARegion9 oh facebook.com/fema. Ke pil kak ale ire kan pid sawas en ansou ahpwahl kan oh downloadih doaropwe en pekipek kan ni sba.gov/hawaii-wildfires.