Guyguyugoyenmi dagiti indibidual ken pamilia nga agtultuloy ti panangubra wenno pangitrabahoda ti plano a permanente a pabalay. Makatulong ti regular a progreso iti planoda iti panagtalinaed dagitoy iti pabalay a programa ti FEMA aginggana a magun-odda ti napaut a termino seknan ti pabalay.
Bayat a bumangbangon wenno agrek-rekober dagiti nakalasat iti nakana nga uram, agtultuloy ti suporta ti FEMA kadagiti temporario a kasapulanda kasta met ti panangasistir pay ti panagsapul dagitoy seknan ti permanenente a pabalay.
Amin a nakalasat a makaaw-awat ti Direkta a Temporario a Pabalay a Panangasistir manipud FEMA ket kasapulan a makaestablisar ti permanente a pabalay a plano. Bayat ti regular a binulan a panagtitipon para ti re-sertipikasion, kasapulan a mangipakita dagiti nakalasat ti progreso para ti planoda seknan ti permanente a pabalay.
Nakadisenio dagiti temporario a programa ti FEMA para iti pannakatulong dagiti sangkabalayan bayat dagiti nakaro wenno kritikal a gundaway nga inda mapaspasaran tapnu al-alistoda a masurotan wenno maiturong iti dalan ti pannakarekober wenno panagbangonda kasta payen ti panangipasigurado ti pannakaalada ti permanente a pabalay. ‘Permante a pabalay’ ket mainaig ti pabalay a pagpilian dagiti nakalasat nu kasta a rumuardan ti Direkta a Temporario a Panangasistir a Pabalay a program iti FEMA.
Kasapulan a permanente a pabalay a plano ket agpaypayso ken magun-od iti nasayaat ken maiyannatup a panawen ken ti situasin dagiti nakalasat sakbay ti kalamidad. Pakairamanan ti maiyannatup a panawen ket naanay nga oras para ti pannakaipasigurado ti pondo, panagsapul ken panagakar iti permanente a pagianan.
Maipaayan ti impormasion ken kagamitan dagiti sangkabalayan nga awanan plano wenno dagiti adda iti nagbaliw iti plano wenno gagemda tapnu ti kasta matulunganda met laeng nga agsapul ti pabalay. Mangipaay dagiti tagamamagbaga ti re-sertipikasion dagiti listaan ti mabalin a pagpilian ti permanente a pabalay iti Maui ken tumulong kadagiti nakalasat a mangikeddeng kadagiit gagemda a mailinia wenno maiyannatup iti pinansial a kabaelanda.
Kas kasapulan ti Direkta a Temporario a Panangasistir seknan ti Pabalay a programa iti FEMA, dagiti aguk-ukopar ket kasapulan a mangipaay dagitoy ti ebidensia kadagiti addang nga ar-aramidedna seknan ti panagala ti permanente a pabalay.
Dagiti wagas ti panangipakita ti progreso ti permanente a pabalay:
- Pangikari ken panangrugi ti panangtarimaan wenno panangipatakder manen ti balay sakbay ti didigra, panagsapul ken panaggatang ti baro a residensia, wenno panagsapul ken panag-upa ti yunit rental.
- Panangipaay ti ebidensia ti progreso – kas ti resibo para ti panagpatarimaan, kontrata ti panagpatakder manen wenno tulag iti panag-upa para ti baro a balay – wenno panangipakita a dagiti pannakaitantan ket saandan a kontrol.
- Pananggun-od ti napaut a termino seknan ti plano a pabalay iti husto wenno maiyannatup a panawen.
- Pannakasurot wenno pannakatungpal dagiti kiddaw a regular a komunikasion ken panagkita wenno taripnong kadagiti tagamamagbaga ti re-sertipikasion iti FEMA.
Namnamaen ti FEMA nga amin a makaaw-awat ti tulong ket mangala ken agukopar ti permanente a pabalay iti kasapaan a panawen. Maibasar ti agtultuloy a panagasistir iti kasapulan ken ti permanente a pabalay a pagpilian ket adda wenno kabaelanen a magun-od.
Palagip kadagiti benepisario wenno dagiti agawat nga idulin amin a resibo, nakanselar a tseke ken money order wenno dagiti naipawid a kuarta a mangipakpakita ti husto a panagusar ti FEMA Repair Funds ken napalabas a tulong wenno panagasistir ti upa.
Napateg ti pannangpatalinaed ti silulukat wenno nalawag a komununikasion ken pannakikinnamayet iti FEMA para ti agtultuloy a pannakaawat ti tulong wenno assistir nu kasapulan ken makapalag-an daytoy iti panangala ti permanente a pabalay. Kasapulan nga agtalinaed ti komunikasion dagiti nakalasat kadagiit tagamamagbaga ti re-sertipikasion ken usarenda dagitoy nu kasta nga agsapsapul ti permanente pabalay. Para kadagiti nakasalat, mabalin a tawagan ti Individual Assistance Housing Hotline iti numero 808-784-1600 wenno ti FEMA Helpline iti numero 800-621-3362.
Mabalin met a personal a bisitaen ti miembro wenno empleado ti FEMA iti:
- Konseho para iti Native Hawaiian Advancement, Kākoʻo Maui Relief & Aid Services Center a masarakan iti 153 E Kamehameha Ave., Suite 101 in Kahului. Orasda ket 9 ti bigat aginggana 5 ti malem. Lunes aginggana Biernes.
- Maui County’s Office of Recovery iti Lahaina Gateway a masarakan iti 325 Keawe St. in Lahaina, kaabay wenno kasaruno laeng ti Ace Hardware Store. Orasda ket 8 ti bigat aginggana 4 ti malem. Lunes aginggana Biernes.
Para kadagiti kabbaro wenno kamaudianan nga impormasion seknan kadagiti addang para ti ibabangon kadagiti nakalasat ti nakaro nga uram iti Maui ken aniaman a mainaig kadaytoy, bisitaen ti mauicounty.gov, mauirecovers.org, fema.gov/disaster/4724 ken Hawaii Wildfires - YouTube. Suroten ti FEMA iti social media: @FEMARegion9 ken facebook.com/fema. Mabalin met a makaala kadagiti impormasion seknan ti kalamidad ken ag-download kadagiti applikasion iti sba.gov/hawaii-wildfires.