Ko e kau nofo katoa he Nofo’anga Tonu kuo pau ke nau totongi leni fakamahina ki he FEMA, mo toutou lipooti ki he FEMA ‘o kau ki he fakalakalaka ‘a e palani nofo’anga tu’uloa pea fea’utaki mo ha toe ngaahi fiema’u ki he nofo he ‘u ‘iuniti. ‘E lava he FEMA ‘o ta’ofi ‘a e hoko atu ‘o e Nofo’anga Tonu kapau kuo maumau’i he kau nofo ‘a e ngaahi fiema’u ‘o e taau ke nofo ai.
- ‘E ‘oatu he FEMA ha tohi fakatokanga kiate kinautolu he Nofo’anga Tonu kuo nau fakahoko ha to’onga ta’etaau pe maumau’i ngaahi fiema’u ‘o e taau ki he nofo kimu’a pea toki ta’ofi mei he ‘iuniti.
- ‘E ‘oatu ha faingamalie ki he kau nofo ke fakatonutonu ha maumau pea ke nau hoko atu he polokalama.
‘Oku fakamatala atu ‘i lalo ‘a e founga ta’ofi:
- ‘Aho-15 tohi fakatokanga kiate kinautolu kuo nau fakahoko ha to’onga ta’etaau pe maumau’i ngaahi fiema’u ‘a e polokalama: ‘E ‘oatu he FEMA ki he kau nofo ha tohi ‘oku fakamatala ai ‘a e maumau ke nau fakatonutonu kimu’a ha ‘aho 15 ke kei hoko atu he polokalama. ‘E tufaki hangatonu atu e tohi kiate koe pe ‘i he meili.
- Maumau ‘o ha to’onga ta’etaau ‘oku kau ai pea ‘ikai fakangatangata pe ki he:
- Longoa’a lahi
- Maumau’i nofo melino
- ‘Ikai ha’i pe ta’etokanga’i fanga monumanu
- Lahi maumau he maumau fa’a anga maheni ki ai
- ‘Ikai fakama’a ‘a e ‘iuniti ‘i loto mo tu’a
- ’Ikai muimui ki he lao mo e tu’unga ‘o e nofo’anga Kilohana Group Site
- ‘Ikai muimui ki he lao mo e tu’unga ‘o e Liisi Nofo’anga Tonu
- Fakangofua ha taha ‘oku ‘ikai kau he aleapau liisi ke nofo he ‘iuniti
- Maumau’i taau ke nofo he polokalama ‘oku kau ai pea ‘ikai fakangatangata pe ki he:
- ‘Ikai fakahu mai totongi leni ki he FEMA
- ’Ikai faingamalie ke fakataha mo e FEMA
- ‘Ikai fetu’utaku mo e ‘Etivaisa Ma’u Setifikeiti FEMA
- ‘Ikai fetu’utaki ki he PMI ke fakalelei’i ha palopalema
- ‘Ikai ha fakalakalaka he palani nofo’anga tu’uloa mo e taimi lelei na’e tuku atu
- ‘Ikai ‘omai ngaahi tohi ke fakalakalaka ai ki he palani nofo’anga tu’uloa
Ko e kau nofo kuo nau fakahoko ha mamau lahi ‘e lava ke ‘oatu ha tohi fakatokanga kimu’a he ‘aho-15
Fakatata’aki eni pea ‘ikai fakangatangata pe ai:
- ‘Ekitiviti fai hia
- ‘Ekitiviti ‘oku ne fakatupu ha tu’atamaki ki he mo’ui mo e malu e nofo
- Fakamanamana ki he kau ngaue FEMA
Ko ha ‘ekitiviti maumau lao pe ta’efakalao
- Tohi Fakangata: ‘I he ‘osi fakatokanga, ‘e ‘oatu he FEMA ha tohi ke fakangata ho taau ki he Tokoni Nofo’anga Fakataimi Tonu mo kinautolu na’e ‘ikai fakatonutonu. ‘E tufaki atu ‘a e tohi kiate koe pe ko ha meili setifikeiti mo ha fakamatala ki he:
- ‘Aho ke mavahe ai mei he ‘iuniti
- Tautea mo’ua (lava ke ‘ave ki he US Treasury ke nau tanaki)
- ‘Uhinga na’e mole ai ‘a e faingamalie ki he Nofo’anga Tonu
- Founga ‘o e fakatangi
- Tohi ke Tukulolo: Faka’osi’aki, ‘e ma’u he kau nofo ha tohi ke nau mavahe mei he ‘iuniti Nofo’anga Tonu kapau na’a nau kei nofo pe mei he ‘aho na’e tonu ke nau mavahe ai.
Kuo lahi hake he 800 ‘a kinautolu ‘oku kei nofo he Nofo’anga Tonu FEMA. ‘Oku kei tokoni pe FEMA kiate kinautolu ‘oku kei taau ke hoko atu mo e fiema’u ki he ‘iuniti fakataimi lolotonga ia ‘oku nau feinga ke ma’u ha nofo’anga tu’uloa.
Ko e kau nofo he Nofo’anga Tonu pea kuo ‘i ai ha nau fehu’i ‘o kau ki he founga ta’ofi nofo’anga pe ko ha toe me’a ke nau taa ki he ‘etivaisa ma’u setifikeiti FEMA. ‘E lava ke nau taa ki he Telefoni Tokoni Nofo’anga Taautaha he 808-784-1600.