Tohnpirokiram en Sawas en Ihmw koaros anahne pwaindahng FEMA pweinen ihmwarail ehu ehu sounpwong, kin kaselehiong FEMA ia iren arail songosong diar ihmw poatoapoat, oh kapaiada anahn teikan pwehn iang pirokiram. FEMA kak kahrehda emen en samwalahsang pirokiram ma re sohte kin kapwaiada anahn pwukat.
- FEMA pahn kihong tohnpirkoram en Sawas en Ihmw pakair ma re sakapwaiada anahn en pirokiram mwohn re kihsang sawas en ihmw.
- Tohnpirokiram pahn ale ansoumwahu en kamwahuiala sapwung kan pwe re en kak mih nan pirokiram.
Ire kan pah kaselehda ia mwomwen kihsang sawas wet:
- Pakair en Rahn 15 pahn kihong tohnpirokiram kan me sapeik anahn en pirokiram kan: FEMA pahn kadaralahngirail pakair me kaselehda soang en sapwung dah re anahne kamwahuiala mwohn rahn 15 pwehn mih nan pirokiram. Emen pahn ale kisin likou de emen pahn pein kihong.
- Soang en sapwung mwahl kak iangahki (ahpw mie teikan me sohte kaselehda pah):
- Katairong
- Tiahksuwed de mwersuwed
- Mahn akan me sohte kehlda
- Ohla en ihmw lapala
- Sohte kamwakelada loalen de likin ihmw
- Sohte kapwaiada kosonned en Kilohana Group Site
- Sohte kapwaiada kosonned en Direct Lease Property
- Mweidang aramas me sohte kaselehda nan inou en ihmw en kin mih loale
- Sapwung en pirokiram kak iangahki (ahpw mie teikan me sohte kaselehda pah):
- Sohte pwaidalahng FEMA isais en rent
- Sohte kin tuhwong tohndoadoahk en FEMA men
- Sohte koasoaiheng tohndoadoahk en Recertification en FEMA men
- Sohte ndaiong PMI ma mie ohla en ihmw
- Sohte wia uwen ah kak en diar ihmw poatoapoat ieu
- Sohte kaselehda mehn kadehde pid ah songosong en diar ihmw poatoapoat
Tohnpirokiram me wiahda sapwung lapala kak ale pakair me kihong malaulausang rahn 15 en kamwahuiala.
Karasaras iangahki, ahpw mie teikan me sohte kaselehda pah:
- Dipw en sapeik kosonned en wehi
- Wiewia me kahrehda keper laud en roson
- Kamasak tohndoadoahk en FEMA kan
Wiewia tiahksuwed de sapeik en kosonned en wehi:
- Pakair en Kasapwala: Mwuring pakair, FEMA kihda pakair me kasapwala en emen ah kak iang pirokiram en Sawas en Ihmw pid aramas koaros me sohte kamwahuiala arail sapwung kan. Emen pahn ale kisin likou de emen pahn pein kihong, oh doaropweo pahn kaselehda:
- Rahn me re anahne samwalahsang ihmw oh kousoan pil ehu wasa
- Pweinen sapwung (US Treasury kak iang ale)
- Dahme kahrehda arail samwalahsang pirokiram
- Ia mwomwen peki repenpwung sapahl
- Pakair en Samwala ni Mwadang: Ni imwi, tohnpirkiram pahn ale pakair me ndaiong en samwalahsang ihmw ni mwadang me re mihmihte mwuring rahn me re anahne kousoan pil ehu wasa.
Laud sang tohnihmw 800 kin iang pirokiram en Sawas en Ihmw en FEMA. FEMA kin sewese aramas en diar ihmw kan ni arail songosong diar ihmw poatoapoat kan.
Tohnpirokiram en Sawas en Ihmw me ahniki kalelepak kan pid mwomwen kihsnag pirokiram de kalelepak teikan anahne kahlih arail tohndoadoahk en recertification en FEMA men. Re pil kak kahlih Individual Assistance Housing Hotline ni 808-784-1600.