Amin nga aguk-ukopar iti Direkta a Pabalay ket kasapulan nga agbayad ti binulan a renta FEMA, kanayunen a pakaammoan ti FEMA ti progreso seknan ti plano a permanente a pabalay ken agtultuloy a magun-od dagiti kasapulan wenno masurot dagiti pagannurotan tapno agtalinaed iti yunit. Mabalin nga ibabawi ti FEMA ti yunit ti Direkta a Pabalay nu ti aguk-ukopar ket masalungasingnadagiti kasapulan.
- Mangted ti FEMA ti pakaammo wenno abiso iti aguk-ukopar iti Direkta a Pabalay a naglabsing kadagiti sapasap a galad wenno pagannurotan iti programa sakbay ti pannakaibabawi wenno pannakarebokar ti yunit.
- Adda gundaway dagiti aguk-ukopar a mangurnis kadagiti naglabsinganda ken agtalinaed iti programa.
Dagiti sumaganad ket mangiladawad ti proseso ti pannakarebokar wenno panangibabawi:
- 15-aldaw a ballaag a pakaammo para kadagit aguk-ukopar a naglabsing kadagiti pagannurotan wenno regulasion ti programa: Mangted ti FEMA ti pakaammo kadagiti aguk-ukopar a mangiladladawan dagiti naglabsinganda a kasapulan nga inda ikorehir wenno urnosen iti uneg ti 15-aldaw tapnu agtalinaed iti programa. Maipawit dagiti pakaammo babaen ti personal wenno koreo.
- Dagiti sapasap a panaglabsing seknan ti ugali ket dagiti sumagamad:
- Nakaro a kinaringgor
- Pannakadisturbo ti kappia
- Pannakabaybay-an dagiti taraken
- Nakaro a pannakadadael ti maysa a banag
- Saan a panagdaldalus iti uneg ken ruar iti yunit
- Saan a sumursurot kadagiti pagannurotan ken kondision iti Kilohana Group Site
- Saan a sumursurot kadagiti pagannurotan ken kondision iti Direkta a Panagpaupa ti Sanikua
- Panangipalubos kadagiti saan a nakalista iti tulag ti panagupa nga agnaed iti yunit
- Dagiti maibilang a panaglabsing seknan ti kinakwalipikado iti programa:
- Saan a panangisubmitir ti bayad ti upa iti FEMA
- Saan a regular nga adda ti presensia tapnu makita wenno makataripnong iti FEMA
- Saan a konkontaken ti tagamagmabaga ti resertipikasion iti FEMA
- Saan a konkontaken ti PMI para kadagiit isyu ti panagmentenar
- Saan nga agprug-progreso a plano seknan ti permanente a pabalay iti nainkalintegan a panawen
- Saan a mangipapaay ti progreso ti dokumentasion para ti plano a permanente a pabalay.
Makaawat ti kumurang wenno nababbaba ngem 15-aldaw a ballaag dagiti aguk-ukopar a nakaaramid kadagiti kangrunaan a bayolasion.
Dagiti pagarigan ket mairaman ngem saan a limitado iti:
- Kriminal nga aktibidad
- Dagiti aktibidad a mangitunda ti nakaro a risgo iti salun-at ken kinatalged
- Pangta kadagiti tao wenno empleado iti FEMA
Animana a saan a nainkalintegan wenno iligal nga aktibidad
- Pakdaar wenno Pakaammo ti Panangipasardeng: Kalpasan ti ballaag, mangi-isyu ti FEMA ti pakaammo a mangipaspasardeng ti kinakwalipikado para ti Panangasistir para ti Direkta a Temporario a Pabalay para kadagiti aguk-ukopar a saan a nangkorehir ti sinalungasingda. Maipawit dagiti pakaammo babaen ti personal ken nasertipikaran a surat wenno koreo ken addaan ti impormasion maipanggep:
- Petsa a panagtalawda iti yunit
- Multa ( mabalin a mai-refer iti US Treasury para ti koleksion)
- Rason nu apay napukaw wenno naawananda ti kalintegan wenno kinakwalipikado iti Direkta a Pabalay
- Kasanu nga umapela
- Pakdaar wenno Pakaammo iti Panangisuko: Kamaudiananna, makaawat dagiti aguk-ukopar ti pakaammo a tumalawda iti yunit iti Direkta a Pabalay nu nagtalinaedda kalpasan ti aldaw a masapul a tumalawda.
Nasurok 800 a sangkabalayan ti nagtalinaned iti Direkta a Pabalay ti FEMA. Agtultuloy ti panangsuporta ti FEMA kadagiti kwalipikado nga aguk-ukopar iti agtultuloy a panagkasapulanda para ti temporario a yunit bayat nga iyub-ubrada ti permanente a pabalay.
Para kadagiti aguk-ukopar iti Direkta a Pabalay nga addaan saludsod seknan ti proseso ti panagrebokar wenno sabali pay nga isyu, tawagan ti tagamagbaga seknan ti sertipikasion iti FEMA. Mabalin pay a tawaganda ti Hotline wenno telepono iti Indibidual a Panangasistir seknan ti Pabalay iti numero 808-784-1600.