Ekkewe chon fiti ewe programin Direct Housing meinisin repwe fokkun pungutiw rent ngeni FEMA iteiten maram, repwe pwal sopwelo le ureni FEMA usun met ra fori pwe repwe kunokun eu leeni repwe tongeni wiliposelo lon, repwe pwal sopwelo le fiti ekkewe ekkoch alluk meinisin pwe repwe tufichin sopwelo le nonnom lon ewe imw mi kawor ngeniir seni FEMA. FEMA epwe tongeni atou aramas seni ewe imw mi kawor ngeniir seni Direct Housing ika pwe ekkewe aramas mi nonnom lon ewe imw repwe pwuratiw ekkewe alluk.
- FEMA epwe fokkun esilei ngeni ekkewe aramas mi nonnom lon imwen Direct Housing ika pwe ir ra fori och mettoch mi epwe popu ar resap chuen tongeni nonnom lon ewe imw me mwen ar repwe atoua ir seni ewe imw.
- Eli epwe wor met ekkewe aramas repwe tufichin fori pwe resap chuen katou seni ewe imw o repwe tongeni sopwelo le nonnom lon ewe pogram.
Iei awewen mwokutukutun met epwe fis ika emon epwe katou seni ewe program:
- Ika epwe wor chon nonnom lon eu imw repwe pwuratiw ekkewe alluk are ika resap chuen fich ngeni ar repwe nonnom lon ewe program, iwe, repwe etiwa eu esilesil pwe a wor 15 ran: FEMA epwe esilei ngeni ekkewe chon nonnom lon ewe imw tichikin met ra fen fori esap kettiw, o mi auchea pwe repwe siwili ar foffor me mwen an epwe lulo ekkewe 15 ran pwe repwe tufichin sopwelo le nonnom lon ewe program. Ekkewe esilesil repwe fangelong lepoun ekkewe aramas, are epwe toriir lon mail [posto].
- Ikei ir ekkoch (nge esap meinisin) ekkewe mettoch aramas repwe fori epwe popu ar repwe katou seni imwer:
- Watten akurang
- Atain kinamwen ewe leeni
- Ika pwe nour maan resap fofo are ika resap tumwunu nour maan
- Ika repwe atai ewe imw lap seni met mi soun fiffis ren chok an aramas nonnom lon eu leeni
- Ika resap limeti lon me lukun ewe imw
- Ika resap fori allukun ewe Kilohana Group Site
- Ika resap fiti ekkewe alluk an ewe Direct Lease Property
- Ika repwe mwut ngeni pwal ekkoch aramas resap pacheta won taropwen ewe lease ar repwe nonnom lon ewe imw
- Ikei ir ekkoch (nge esap meinisin) ekkewe mettoch repwe popu an emon esap chuen kettiw an epwe fiti ewe program:
- Ika kosap monatiw liwinin om rent ngeni FEMA
- Ika kosap tongeni awora ekis fansoun pwe kopwe chufengen ren ewe aramas mi titi ngonuk seni FEMA
- Ika kosap kapas ngeni noum we FEMA Recertification Advisor
- Ika kosap kapas ngeni PMI faniten om osukosuk lon peekin maintenance
- Ika kosap sopwelo le achocho ngeni om kopwe kutta eu leeni kopwe tongeni wiliposelo lon
- Ika kosap aiti ngeni FEMA ekkewe taropwen om ka achocho ngeni om kopwe kutta eu leeni kopwe tongeni wiliposelo lon
Ika ekkewe chon nonnom lon eu imw repwe fokkun fofforingaw, iwe, mi tufich pwe resap etiwa ewe 15-ran esilesil.
Ikei ekkoch (nge esap meinisin) ekkewe mettoch emon epwe tongeni fori epwe popu an epwe mwitir katou seni ewe program:
- Tipisin pruwatiw alluk
- Ika repwe fori óch mettoch epwe popu an aramas repwe samaw ika feiengaw
- Ika repwe eniwa ekkewe chon angangen FEMA
Fofforun pwuratiw alluk ika tipis
- Esilesil pwe a wesilo tufichir le fiti ewe program:Mwirin epwe tour ngeniir ewe kapasen fön, FEMA epwe esilei ngeniir pwe resap chuen fich ngeni ar repwe etiwa alilis seni Direct Temporary Housing Assistance, ngeni ir ekkewe ra fofforingaw nge resap forisefali met ewe re fen mwalilo won. Repwe etiwa ekkewe taropwen esilesil me ren emon chon angangen FEMA are repwe etiwa ewe taropwe lon mail [posto] o epwe makketiw lon ewe taropwe:
- Ewe pwinin maram repwe fokkun tou seni ewe imw
- Paking repwe pungutiw (eli repwe osun ar repwe pungutiw liwinin ar paking ngeni ewe US Treasury)
- Popun resap chuen fich ngeni ar repwe fiti ewe programen Direct Housing
- Ifa usun ar repwe tongeni tungor pwe resap katou seni leenier
- Esilesil faniten ar ra katou seni ewe imw. Omwuchulon, ekkewe chon nonnom lon ewe imw repwe le etiwa echo taropwe epwe ureniir pwe repwe tou seni ewe imwen Direct Housing, ika pwe ra chuen nonnom lon ewe imw nge a fen lulo ewe pwinin maram ita repwe fen tou seni ewe imw.
A wor lap seni 800 famili ra chuen nonnom lon FEMA Direct Housing. FEMA a chuen sopwelo le alisi ekkewe aramas mi fich ngeni ar repwe nonnom lon ewe program lon ar osupwang o a ngeniir eu imw repwe tongeni nonnom lon lon fansoun mwochomwoch chok lupwen ra achocho kutta eu leeni repwe tongeni wiliposelo lon.
Ika a wor ekkewe chon fiti programen Direct Housing mi wor ar kapas ais usun met epwe fis ika emon epwe katou seni leenian me ren FEMA, repwe kokkori nour sou ourour FEMA recertification advisor. Repwe pwal tongeni kokkori ewe Individual Assistance Housing Hotline ren 808-784-1600.