Ngaahi Polokalama ke Tokoni ki he Ni’ihi na’e Hao Mo’uí

‘Oku ‘i ai ‘a e ngaahi polokalama Tokoni Fakafo’ituitui ‘a e FEMA ‘oku tisaini ke tokonia ‘a e ni’ihi na’e hao mo’ui mei ha fakatamaki. ‘E lava ke ke kole mai he taimi ni ‘i he DisasterAssistance.gov pe to e siofi ‘a e fa’ahinga kehekehe ‘o e tokoni ‘oku hā atu ‘i laló ke fili pe ko fē ‘a e tokoni ‘e fe’unga taha mo ho’o ngaahi fiema’ú.

Polokalama Tokoni ki he Taautahá mo e Ngaahi Fāmilí

‘Oku ngāue’aki ‘e he FEMA ‘a e Polokalama Tokoni ki he Taautahá mo e Ngaahi Fāmilí, ke tokoni ki he kakai taautaha mo e ngaahi fāmili kuo mole honau ngaahi ‘apí ‘i ha ngaahi fakatamaki kuo ‘uluaki fanongonongo’i, pea to e tokoni foki ki he ngaahi fiema’u makehe hangē ko e fiema’u ki he tauhi ‘o e fānaú tupu mei ha fakatamaki, ngaahi totongi fakafaito’o pe naunau fakama’a ‘api.

‘A’ahi ki hemau Peesi Polokalama Tokoni ki he Taautahá mo e ngaahi Fāmilí ke toe ‘ilo lahi ange, pe ‘alu ki he DisasterAssistance.gov ke kole ha tokoni ‘i he fakatamaki.

Tokoni Fakatokolahi mo e Fakatu’upakē

‘Oku ‘oatu ‘a e ngaahi sēvesi Tokoni Fakatokolahi mo e Fakatu’upakē ‘i he taimi pē ko iá kimu’a ha hoko ‘o ha palopalema mo e lolotonga ‘a e ngaahi ngāue Fakavavevave ki he palopalemá. ‘Oku tufaki ‘a e kau ngāué mo e ngaahi naunaú ki he ngaahi senitā fakakolo, ke fakahoko ‘a e ngaahi sēvesi Tokoni Fakatokolahi mo e Fakatu’upakē ‘i he taimi pē ko iá kimu’a ha hoko ‘o ha palopalema mo e lolotonga ‘a e ngaahi ngāue Fakavavevave ki he palopalemá. ‘Oku tufaki ‘a e kau ngāué mo e ngaahi naunaú ki he ngaahi senitā fakakolo ‘i he ngaahi feitu’u uesiá.

‘Oku taau ke ma’u ‘a e ngaahi sēvesi ni ‘e he kotoa ‘o e ni’ihi kuo hao mo’uí. ‘Oku kau heni ‘a e:

  • nofo’anga
  • me’akai
  • tufaki ‘o ha ngaahi naunau fakatu’upakē
  • ngaahi monumanu sēvesi mo tokoni
  • tokoni ki he ni’ihi ‘oku faingata’a’ia fakaesinó mo kinautolu ‘oku ‘i ai ‘enau ngaahi fiema’u makehe ki he mo’uí
  • tokoni ki he fetukutuku fakatokolahi
  • tokoni ke toe fakataha’i ha mātu’a mo ha fānau
  • tokoni ki he fanga ki’i pele monumanu

Toe siofi ‘emau ngaahi fakahinohino mo e ngaahi fakakaukau ki he palaní ki hono tokangaekina ‘o e tokolahí lolotonga ha mahaki faka’auha.

Ke fekumi ki ha ngaahi fale hūfanga ofi atu kiate koe, text ‘a e SHELTER pea mo ho’o ZIP code ki he 43362 (e.g. Shelter 12345). ‘E malava ke ke kumi ha ngaahi fale hūfanga ‘i ha fa’ahinga taimi pē ‘i he mape hūfanga ‘a e Kolosi Kula ‘Amelika pe ko hono download ‘a e FEMA App.

Ko e Katiloka (catalog) ‘o e ngaahi Naunau Ngāue’aki Angamaheni ‘i he Fale Hūfangá (Commonly Used Sheltering Items [CUSI]) ko ha fakatahataha ia ‘o ha ngaahi naunau ‘oku fakataumu’a ki hono fakakakato ‘a e ngaahi fiema’u ‘o e ni’ihi kuo hao mo’uí ‘i ha feitu’u hūfanga pe fakatahataha’anga kakai kehe. ‘Oku tauhi ‘e he FEMA ‘enau ngaahi aleapau mo e ngaahi hoangāue ‘oku felāve’i mo e ngaahi naunau ko ení ke faingofua ange hono ma’u lolotonga ha fakatamaki.

Tokoni Fale’i ki he Fakatamaki mo e Polokalama Ako

‘Oku ‘oatu ‘e he Tokoni Fale’i ki he Fakatamaki mo e Polokalama Akó ha ngaahi tokoni fakapa’anga makehe ke tokonia ‘a e ni’ihi taautaha mo e ngaahi komiunitī ‘oku uesia ‘e he fakatamakí ki he fakaakeake mei he ngaahi fakatamaki lalahi ‘o fakafou ‘i he a’utonu ki he ngaahi komiunitī mo e ngaahi sēvesi ako faka’atamai. Ko e taumu’á ke tokonia ‘a e ni’ihi kuo hao mo’uí ke fakaakeake mei he ngaahi ongo’i uesia koe’uhi koe fakatamakí pea mo kamata ke toe langa hake ‘enau mo’uí. ‘Oku kau ‘i he ngaahi sēvesi ni ‘a e fakapa’anga ‘o ha tokoni fale’i ‘i ha fakatamaki, ako ki he ‘atamaí, fo’u ‘o ha ngaahi taukei ki hono fakafepaki’i, pea mo fakahoko kinautolu ki he ngaahi naunau totonu.

Polokalama ki hono Tokangaekina ‘o e Ngaahi Keisi Fakatamaki

‘Oku kau ‘i he Tokangaekina ‘o e Ngaahi Keisi Fakatamakí ‘a e vā ngāue ‘i he vaha’a ‘o ha ‘ofisa pule mo ha tokotaha hao mo’ui mei ha fakatamaki. Ko e taumu’a ‘o e polokalama ni ke sivisivi’i mo fakakakato ‘a e ngaahi fiema’u ‘a e ni’ihi kuo hao mo’ui ‘oku ‘ikai lava ke feaú, ‘aki ha palani fakaakeake mei he fakatamakí. ‘Oku kau ‘i he palani fakaakeake mei he fakatamaki ko ení ‘a e ngaahi naunau, fakamu’omu’a ‘i he faitu’utu’uní, fakahoko ha fakahiohino, mo e ngaahi me’angāue ke tokoni ki he ni’ihi kuo hao mo’uí.

alert - info

Toe siofi ‘a e ngaahi me’angāué ke ‘ilo ‘a e founga ki he kole ki he Polokalama Tokangaekina ‘o e Ngaahi Keisi Fakatamakí.

‘Oku ‘oatu ‘e he Ngaahi Sēvesi Fakalao ‘i ha Fakatamakí ‘a e tokoni fakalao ki he ni’ihi kuo hao mo’ui ka na’e uesia ‘i ha fakatamaki lahi kuo fakahoko mai mei he palesitení. ‘Oku ‘atā ‘a e ngaahi sēvesi ko ení ki he ni’ihi na’e hao mo’ui ‘oku kau ki he kulupu ma’u’anga pa’anga hū mai ma’ulaló pea fakangatangata pē ki he ngaahi keisi ‘oku ‘ikai ke fa’a fiema’u totongi. Ko e ngaahi tokoni fakalao ‘oku fa’a ngāue’aki ‘oku kau ki ai ‘a e tokoni ki he ngaahi ‘eke totongi malu’i (e.g. faito’o, koloa, pe mo’ui), fakaakeake pe ko hono toe ‘oatu ha tatau ‘o e ngaahi pepa fakalao na’e maumau pe mole ‘i he fakatamakí, tokoni ki he fakalelei ‘api mo e ngaahi feta’efiemālie’aki mo e kau ngāue langa moe/pe kau ma’u ‘api pe kelekele, teuteu ‘o ha ngaahi naunau ki he fakafofonga lao pe tauhi, mo e ngaahi tohi tangi ‘a e FEMA.

alert - info

Toe ‘ilo lahiange fekau’aki mo e Ngaahi Sēvesi Fakalao ‘i ha Fakatamakí ‘i he peesi ‘o e ngaahi sēvesi fakalao ‘a e DisasterAssistance.gov

Ngaahi Ngāue’anga ‘oku Pole ke Fengāue’aki

‘Oku kau ‘a e Ngaahi Ngāue’anga ‘oku pole ke ngāue ‘i he mu’omu’a ke fakahoko ha ngaahi sēvesi tokoni ki he ni’ihi kuo hao mo’ui hili ha fakatamaki, pea mo hokohoko atu hono tokonia ‘a e ngaahi feitu’u kuo uesiá ‘i he taimi fakaakeaké. ‘Oku fengāue’aki ‘a e ngaahi ngāue ‘a e ngaahi kulupu ni mo e tokoni ‘a e pule’angá pea na fetokoni’aki ke fakakakato kotoa ‘a e ngaahi ‘ēliá. ‘Oku Tokoni ‘a e Ngaahi Ngāue’anga ‘oku Pole ke Fengāue’aki ‘a e FEMA ki he ngaahi komiunitī ‘i hono fakahoko ha ngaahi savea fekau’aki mo ‘enau ngaahi fiema’u ‘oku ‘ikai ma’ú pea fokotu’utu’u ha ngaahi fengāue’aki vave ke tokoni, pea fa’u foki mo tataki ‘a e ngaahi kulupu fakaakeake fakakolo kuo fa’u ke tokoni ki he kakai taautaha mo e ngaahi fāmilí ‘i he taimi fakaakeaké.

alert - info

‘A’ahi ki he Peesi ki he Pole mo Tokoni Fakapa’anga ke ‘ilo lahiange, pe ’īmeili mai kapau ‘oku ‘i ai ha’o ngaahi fehu’i makehe.

Ngaahi Lisi Fetu’utaki

‘E malava ke ma’u mo ha ngaahi naunau mo e koloa ki he ni’ihi kuo hao mo’uí mei he ngaahi ma’u’anga tokoni makehe mei he FEMA. ‘A’ahi ki hemau Ngaahi Lisi Fetu’utaki fakasiteiti, vāhenga, fakakolo mo fakafonuá ki ha ngaahi naunau mo e koloa tanaki mai.

Ngaahi Naunau Tānaki mai ma’ae Ni’ihi kuo hao mai

‘Oku lahi ‘a e ngaahi me’angāue mo e naunau ‘i he Ready.gov ke tokoni ki he mateuteu kimu’a ha fakatamaki pe ko e ma’u ha tokoni ‘i he hili ‘a e fakatamakí, kau ki ai ‘a e:

Kātaki fakatokanga’i ange

‘Oku fakataumu’a ‘a e ngaahi polokalama Tokoni Taautaha ‘a e FEMA ke ne fakakakato ‘a e ngaahi fiema’u vivilí pē pea ‘oku ‘ikai fakataumu’a ke ne fua kotoa ‘a e ngaahi me’a kuo mole. ‘Oku ‘i ai ‘a e ni’ihi ‘e lava ke nau kau ki he polokalama tokoni ‘e ua pe lahi ange; ‘e malava ke ke ma’u tokoni mei he ngaahi tokoni makehe mei he pule’angá mo e ngaahi ngāue’anga Polé.

Last updated