Msaada wa FEMA unakusudiwa kuanzisha urejesho wako. Inaweza kujumuisha msaada wa kugharamia makao ukiwa umehamishwa, marekebisho ili uweze kuishi kwa nyumba yako, na mahitaji mengine yanayohusiana na majanga kama vile kubadilisha vitu muhimu vya nyumbani, utunzaji wa watoto, matibabu, matibabu ya meno na gharama za mazishi.
Hatua Zinazofuata
Ikiwa una bima ya wamiliki wa nyumba, wapangaji au ya mafuriko, unapaswa kuwasilisha dai haraka iwezekanavyo. FEMA haiwezi kulipia hasara zinazolipiwa na bima, kwa hivyo wakala anahitaji kuona bima yako inashughulikia nini ili kushughulikia ombi lako.
FEMA inaweza kukutuma kwa Usimamizi wa Biashara Ndogo ya Marekani (SBA) ili utume ombi la mkopo wa muda mrefu wa majanga wenye riba nafuu. Mara tu FEMA inapokutuma, unapaswa kuwasilisha ombi haraka iwezekanavyo. Mikopo ya SBA ndicho chanzo kikubwa zaidi cha fedha za urejesho za serikali kwa manusura - na kutuma maombi ya mkopo ya SBA pia huruhusu FEMA kukuzingatia kwa aina nyingine za msaada. Haulipishwi kutuma maombi, na si lazima ukubali mkopo ikiwa umeidhinishwa.
Ikiwa uliripoti uharibifu kwenye nyumba yako, FEMA itakupigia simu ili kupanga ukaguzi wa nyumba yako. Wafanyikazi wanaweza kupiga simu kutoka kwa nambari isiyojulikana au iliyozuiliwa - ni muhimu kuchukua ili kupanga ukaguzi. Mkaguzi atakuja tu wakati wewe, mwombaji mwenza wako, au mtu mwingine uliyemteua kwa maandishi yupo.
Barua yako ya Uamuzi
Utapokea barua kutoka kwa FEMA kupitia barua au barua pepe, ikitegemea njia uliyochagua ulipotuma ombi. Barua itaeleza ikiwa FEMA imeona unastahili msaada, kiasi gani, na jinsi msaada huo lazima utumike.
Ikiwa barua yako inasema hustahili, haimaanishi kuwa umekataliwa. Barua hiyo itaeleza jinsi ya kukata rufaa dhidi ya uamuzi huo ikiwa hukubaliani nao. Kupata muhtasari wa mchakato wa kukata rufaa, tembelea Ninawezaje Kukata Rufaa Dhidi ya Uamuzi wa Mwisho? | FEMA.gov.
Msaada Unapatikana
Kupata msaada wa ana kwa ana kwa hatua yoyote ya mchakato huu, tembelea Kituo cha Msaada wa Majanga, ambapo wataalamu kutoka FEMA na SBA wanaweza kujibu maswali, kusaidia kuwasilisha hati na kukuongoza katika mchakato wa kukata rufaa. Vituo vimefunguliwa katika maeneo yaliyoathiriwa kote jimboni - ili kupata moja karibu nawe, tembelea fema.gov/drc.
Ikiwa unahisi mfadhaiko wa kihisia, Nambari ya Msaada wa Majanga ya Idara ya Afya na Huduma za Kibinadamu ya Marekani inapatikana kwa 800-985-5990. Huduma hii isiyolipishwa ya msaada katika lugha nyingi iko wazi 24/7, inaendeshwa na Usimamizi wa Matumizi Mabaya ya Dawa na Huduma za Afya ya Akili. Watumiaji wa Lugha ya Ishara ya Marekani wanaweza kupiga simu kwa nambari ya msaada kutumia simu ya video kwa 800-985-5990, au kwa kuchagua chaguo la "ASL Now" kwenye tovuti kwa DisasterDistress.samhsa.gov.
Ili kutuma ombi la msaada, tembelea DisasterAssistance.gov, pakua FEMA App kutoka Apple App Store au Google Play Store, au piga simu kwa laini ya FEMA ya msaada bila malipo kwa 800-621-3362. Tafsiri ya lugha inapatikana; ikiwa unatumia huduma ya usambazaji kama vile huduma ya usambazaji video (VRS), huduma ya simu iliyo na maelezo mafupi au nyinginezo, pea FEMA nambari yako ya huduma hiyo unapotuma ombi.
FEMA imejitolea kuhakikisha msaada wa majanga unatekelezwa kwa usawa, bila ubaguzi kwa misingi ya rangi, dini, utaifa, jinsia, umri, ulemavu, ujuzi wa Kiingereza, au hali ya kiuchumi. Mwathiriwa yeyote wa majanga au mwananchi anaweza kuwasiliana na Ofisi ya Haki za Kiraia ya FEMA ikiwa anahisi kuwa ameathiriwa na ubaguzi. Ofisi ya Haki za Kiraia ya FEMA inaweza kupatikana bila malipo kwa 833-285-7448. Maopareta wanaozungumza lugha nyingi wanapatikana.
Ithibati hii inaweza kupatikana mtandaoni katika Nini cha Kutarajia Baada ya Kutuma Ombi la Msaada wa FEMA | FEMA.gov.
Kwa habari mpya zaidi kuhusu urejesho wa Vermont, tembelea fema.gov/disaster/4720. Fuata akaunti ya FEMA Region 1 katika Twitter twitter.com/FEMARegion1 au ukurasa wa Facebook wa FEMA katika fema.gov/disaster/4720.
Fuata Wakala wa Usimamizi wa Dharura wa Vermont kwenye Twitter katika twitter.com/vemvt na kwenye Facebook katika facebook.com/VermontEmergencyManagement.