FEMA a sopwelo le alisi aramas pwe repwe nonnomwöch sefal mwirin ar churi feiengaw lon ewe ekkei a fis ren ar ngeniir referral ngeni ekkewe leeni mi mwirino faniter ar repwe kuna ar alilis me ie ren ar kewe osukosuk minne ekkewe chon FEMA resap tongeni alisiir ren.
KAPAS AIS. Ifa usun, FEMA mi awora alilis lon peekin mental health ngeni ekkewe aramas mi manaw seni ekkewe ekkei ra fis?
POLUWEN KAPAS AIS. FEMA esap pwisin awora alilisin mental health ngeni ekkewe aramas mi manaw seni feiengaw weiweita. FEMA a awora porausen ekkewe leeni mi awora alilis ngeni aramas lon peekin mental health, o, fan ekkoch, ra pwal tongeni alisi ekkewe aramas lon peekin móóni pwe repwe tongeni kutta alilis lon ekkei sokkun leeni. Awewe chok, lupwen FEMA a poputa le alisi ekkewe aramas mi manaw seni ewe ekkei a fis lon Maui, ra fang $4.5 million chana ngeni ewe Hawai‘i State Department of Health faniten ar we Crisis Counseling program.
KAPAS AIS. Ifa usun aramas repwe tongeni silei usun ekkewe leenien awora alilisin mental health?
POLUWEN KAPAS AIS. Faniten om kopwe nengeni eu list ikkewe a makketiw ie ekkewe leenien alilis faniten sokkopaten sokkun osupwang, aramas ra tongeni feilo ngeni ewe websait MauiRecovers.org are kokkori 988 pwe repwe rongorong won phone usun ekkewe leeni FEMA a ouroura ngeni aramas pwe repwe feilo ngeni. Ekkewe aramas ra pwal tongeni kapas ngeni nour Recertification Advisor me nour Disaster Case Manager pwe repwe kaeo usun ewe list ikkewe a makketiw ie iten ekkewe leenien awora alilis mi nom lon leenier.
KAPAS AIS. Met ika emon aramas esap wor an insurance nge a chuen osupwangen alilis lon peekin mental health?
POLUWEN KAPAS AIS. A wor chommong leenien alilis ese kamo faniten ekkewe aramas mi manaw seni ekkewe ekkei ra fis. Ewe Maui Certified Behavioral Health Clinic a suk ngeni aramas ese lifilifil, ese pwal lifilifil ika a wor ar insurance ika esap wor ar insurance. Me ikei, ekkewe aramas mi tou seni ewe feiengaw weiweita ra tongeni chufengen me ekkewe chon awora alilis, won pwisin ar [individual] pwal lon mwich [group therapy], case management, alilis seni chiechier ika peer support services me alilis ngeni aramas mi watte ar osukosuk lon ekiekier ika crisis services.
Faniten ar repwe kaeo usun pwal ekkoch leenien alilis ese kamo, aramas ra tongeni kapas ngeni nour Recertification Advisor.
KAPAS AIS. Meeta aramas repwe fori ika pwe ir ra nuokusiti met epwe fis ngeniir are ngeni pwal ekkoch?
POLUWEN KAPAS AIS. Ika emon aramas mi manaw seni ewe ekkei a fis a nom lon watten tufichin feiengaw lon ei fansoun iei, epwe kokkori ika text ngeni 911 faniten an epwe mwitir kuna alilis. Police ika chon angang won peekin alluk, esap FEMA, repwe wisen alisi ekkewe aramas mi kuna kawatangaw are ika emon a fofforingaw ngeniir, ika emon a sotun erianiir pwe repwe fori óch mettoch minne resap mochen fori, are ika emon a fori ngeniir óch sokkun fofforun pwuratiw alluk.
KAPAS AIS. Ion aramas repwe kokkori pwe repwe mwitir kuna alilis lon peekin mental health ren ar kapas ngeni emon chon awora alilis?
POLUWEN KAPAS AIS. Ika repwe kokkori 988, ekkewe aramas mi nom lon watten osukosuk lon letiper ika ekiekir repwe tongeni mwitir kapas ngeni emon sou ourour mi nom arap ngeniir. Ika ewe aramas a aani eu phone nampa a poputa ren 808, 988 epwe mwitir achufengeniir me ewe leenien awora alilis itan Hawai‘i Cares. Ika ra aani eu phone nampa minen ekis ika fonuen won nge ra mochen kapas ngeni emon chon alilis mi arapoto, repwe kokkori ewe leenien alilis ren ei nampa 808-832-3100 are kokkori ewe nampa ese kamo 800-753-6879. Ika ra mochen text faniten alilis, repwe text ewe kapas ALOHA ngeni 741-741.
FEMA a luku pwe alilis lon peekin mental health a fis pwe óch kinikinin an aramas repwe chikarsefal mwirin feiengaw weiweita, o ra pesei ngeni aramas pwe repwe kutta alilis. Faniten alilis seni emon chon mwuun lon peekin state, county me local community, a wor leenien alilis faniten ekkewe aramas mi manaw seni ekkewe ekkei ra fis. Ekkewe aramas mi nonnom lon an FEMA kewe programen temporary housing repwe kapas ngeni nour Rertification Advisor faniten tichikin porausen ekkei leenien alilis lon peekin mental health.
###
An FEMA angang pwe repwe alisi aramas me mwen, lon fansoun, pwal me mwirin feiengaw weiweita.