FEMA kin sewese tohnwehi en kisiniei en nansahpw ale roson mwahu ni ah seweseirail diar sawas en madamadau likin pwihno.
K. FEMA kin kihond tohnwehi en kisiniei en nansahpw kan sawas en roson en madamadau?
S. FEMA sohte pein kihong tohnwehi karanih kisiniei en nansahpw sawas en madamadau. Ahpw, FEMA kin kaselehda ia wasa tohnwehi kak diar soang en sawas pwukat, oh ni ekei ansou, sewese tohnwehi en pwainda. Ni karasepe, mwuring kisiniei en nansahpw en Maui FEMA kihong Hawai’i State Department of Health uwen $4.5 million pwehn utung ah pirokiram en Crisis Counseling (Peneu en Ansou Ahpwahl).
K. Ia mwomwen tohnwehi dair sawas en madamadau kan?
S. Pwehn kilang ire laud pid soang en sawas en madamadau me emen kak ale, tohnwehi anahne kilang MauiRecovers.org de kahlih 988 pwehn ale sawas nan dengwa. Tohnwehi pil kak koasoaiheng arail tohndoadoahk en Recertification men oh arail tohndoadoahk en Diaster Case Manager men pwehn alehda ire pid sawas nan arail wehi.
K. Dahme pahn wiawi ma tohnwehi sohte ahniki sawas en insurance en pwain sawas en madamadau?
S. Mie soang en sawas tohto ni sohte pweipwei me emen kak ale mehnda sohte ah insurance. Aramas sohte lipilapil kak kohla wasa en Maui Certified Behavioral Health Clinic. Ni wasao, tohnwehi kak iang diar soang en sawas en madamadau tohto, iangahki peneu en pwihn de pein emenemen, sawas en kehs, oh soang en sawas teikan.
Pwehn diar soang en sawas ni sohte pweipwei teikan, tohnwehi anahne koasoahieng arail tohndoadoahk en Recertification men.
K. Dahme tohnwehi anahne wia ma re masapwengki arail roson de silasil?
S. Ma mie keper laud, re anahne kahlih de textih 911 pwehn ale sawas ni mwadang. Ma mie wiewia suwed en pei, wiakawe, de tiahksuwed, pwihn en polis kin ahpwalih, kaidehn FEMA.
K. Ihs me tohnwehi anahne kahlih pwehn ale sawas en madamadau ni koasoai?
S. Ni arail kahlih 988, aramas me anahne sawas en madamadau ni mwadang kak koasoaiheng tohndoadoahk en peneu nan arail wehi. Ma en tohnwehi ah nempe en dengwa tepkihda 808, 988 pahn kadariraillang Hawai‘i Cares. Ma soh, oh re mwahuki koasoaiheng emen nan arail wehi, re kak kahlih 808-832-3100 de kahlih ni sohte pweipwei 800-753-6879. Pwehn text, re kak textih ALOHA ni 741-741.
FEMA kamehlele me sawas en madamadau inenen kesemwpahl nan ansou ahpwahl kan oh kin padahkih me aramas ale soang en sawas me re kin anahne. Mie sawas me tohnwehi karanih kisiniei en nansahpw kan kak ale pwehki pwihn en wehi, county, oh state kan. Tohnpirokiram en Sawas en Ihmw kan kak koasoaiheng arail tohndoadoahk en Recertification men.
###
Katepen FEMA arail doadoahk en sewese aramas mwohn, nin duwen, oh mwurin ansou ahpwahl kan.