Dhau lub hlis no, FEMA thiab cov tib neeg thoob lub teb chaws no tau tuaj sib sau ua ke los txhawb pab cov zej zog uas raug cua daj cua dub Helene. Cov koom haum pab dawb, cov tsev teev ntuj, cov nom tswv ntawm tseem fwv, cov tib neeg thiab cov tuam txhab, lawv puav leej tau tuaj ua ke ua siab dawb pab.
Peb lub hom phiaj yog kom pab tib neeg rov nyob zoo li qub thiab pab lawv vam meej mus ntxiv. Peb yuav nrog nraim lawv mus tom ntej txawm ntev npaum li cas los xij.
Ntawm no yuav piav seb peb sawv daws twb pab ntau npaum li cas lawm.
Raws Li Cov Lej

Txij thaum peb pib pab lawd, peb twb xa ntau tshaj 5,000 tus tib neeg mus txhawb pab cov chaw uas raug puas tsuaj. Tej tus tib neeg no lawv nyob ntawm tej Qho Chaw Rov Zoo Ntawm Kev Puas Tsuaj, uas nyob ze cov chaw raug puas tsuaj. Cov chaw no yuav pub kev pab rau cov neeg dim tim ntsej tim muag los mus pab lawv tso npe rau kev pab. FEMA cov neeg ua hauj lwm kuj mus ncig khob qhov rooj pab teb cov lus nug thiab pab tib neeg paub ua li cas thov FEMA kev pab.
FEMA cov koom haum hauv zej zog, hauv Xub Qhab, thiab cov lag luam tau tuaj sib pab kom 99% feem pua muaj fai fab. Peb tau xyuas seb kom paub tseeb tias cov neeg uas xiam lawv lub tsev lawv muaj ib qho chaw nyob. Peb tau pab ntau pua txhiab neeg tso npe rau kev pab rov zoo ntawm kev puas tsuaj.
Pab Cov Neeg Dim
Qhov pab tib neeg twb yog FEMA lub zeem muag thiab yog qhov uas peb tsom ntsoov rau txij thaum peb tau pib ua hauj lwm. Hauv lub hlis tas los no, FEMA twb pom zoo pub ntau dua $1.4 lab txhiab daus las, uas suav nrog $883 lab nyiaj pab tib neeg thiab tsev neeg uas raug thiab ntau dua $524 lab nyiaj siv los mus tshem khoom khib nyiab kom cawm tib neeg txoj sia, tiv thaiv neeg zej tsoom kev nyab xeeb thiab kom tiv thaiv neeg teej tug kom txhob raug ntxiv. Cov nyiaj no yuav pab cov neeg dim no kho lawv vaj lawv tsev, theej lawv cov teej tug, xauj tsev nyob, kho tsev kom yooj yim mus cuag, thiab lwm yam tseem ceeb.
Peb kuj tau mus xyuas cov zej zog uas raug puas tsuaj kom pab cov neeg dim daws lawv cov teeb meem tshwj xeeb. Muaj ib zaug hauv lub xeev Georgia uas FEMA cov neeg ua hauj lwm tau koom tes nrog ib tsev neeg uas toob kas kev pab kom ceev cia lawv tus tub cov khoom siv kho mob thiaj ntshiab huv. FEMA cov neeg ua hauj lwm tau pab lawv ua li no. Tsev neeg no lawv tau nrhiav ib qho chaw nyob tau rau lub hli thiab cov nyiaj uas lawv txais ntawm FEMA yuav duav tus nqi xauj tsev no.
Koom tes ua hauj lwm nrog lwm lub koom haum
Sawv daws yuav rov zoo tsis tau yog tsis muaj kev pab ntawm cov koom haum uas koom tes nrog peb. Cov koom haum pab dawb, cov tsev teev ntuj thiab cov pawg hauv zej zog lawv tau sib sau ua ke los pab cov zej zog uas raug. Lawv tau pub pluas mov sov, tshaj qhia seb yuav nrhiav kev pab hauv nruab siab qhov twg thiab kuj tau pab tshem khoom khib nyiab ntawm tej kev.
Koom tes ua hauj lwm nrog cov koom haum tseem fwv


Tseem fwv lub hwj chim tau tuaj pab cov neeg uas raug Cua Daj Cua Dub Helene thiab kom pub kev pab tseem ceeb. Cov thawj coj tau mus ncig thaj av kuaj xyuas seb muaj kev puas tsuaj ntau npaum li cas thiab mloog ntsoov cov neeg dim. Peb cov koom haum tseem fwv tau muab kev pab xws li kho tej kev thiab pab theej daim npav pub cai tsav tsheb. Peb cov koom haum tseem fwv no mas yeej tseem ceeb kom thiaj rov zoo ntawm kev puas tsuaj no.
Kawm ntxiv
Mus saib Hurricane Helene los sis raws peb qab nyob ntawm xaus saus kom thiaj kawm cov ntaub ntawv tshiab tshaj txog kev rov zoo ntawm Cua Daj Cua Dub Helene.
Puas xav pab cov tib neeg no? Mus saib qhov FEMA Blog kom thiaj kawm ntxiv txog seb yuav pab cov neeg dim kev puas tsuaj no li cas.