FEMA a sopwelo le awora imw faniten ekkewe aramas mi manaw seni ewe ekkei a fis lon Maui lon Aug. 8, 2023, ren ar ewe Direct Housing Program. Ekkewe soufonu mi fiti ei program repwe sopwelo le kapasfengen me nour property manager, nge ekkewe tenants (chon nonnom lon ewe imw/leeni) repwe sopwelo le kapasfengen me nour FEMA sou ourour mi alisiir le asefosefali nour certificate ika recertification advisor.
Ekkewe Chon Nonnom Lon Ewe Imw ika Tenants
Kapas Ais. Met epwe fis ngeni ekkewe aramas mi nonnom lon ewe imw (tenants) ika pwe FEMA esap alangatamalo nour contract ika pwoonen etipeeu fengen me ewe soufonu?
Poluwen Kapas Ais. Ekkewe aramas mi manaw seni ewe ekkei, mi fiti an FEMA we Direct Housing Program repwe tongeni sopwelo le fiti ewe program tori Feb. 10, 2026. Ika pwe nour soufonu esap alangatama ewe kinikinin fansoun faniten ewe contract, iwe, repwe fokkun mwokut seni ewe imw, nge FEMA epwe aleenia ekkewe aramas mi katou lon pwal eu imw/leeni, pwe repwe nonnom lon, ika repwe sopwelo le fich ngeni ar repwe fiti ewe program are tori ewe Direct Housing Program epwe wesilo.
Kapas Ais. Ifa usun ekkewe famili mi osun ar repwe mwokut repwe tongeni silei usun auchean ar repwe mwokut seni imwer ika pwe nour soufonu minne an ewe imw ra nonnom lon iei esap asefosefali noun contract?
Poluwen Kapas Ais. Ekkewe tenants ika aramas mi nonnom lon ewe imw repwe rongorong seni FEMA me mwen ewe fansoun ra osun ar repwe tou seni ewe imw o mwokut ngeni pwal eu leeni. Lon ena fansoun, FEMA epwe awora ngeniir pwal eu imw/leeni ekkei famili repwe tongeni nonnom lon.
Kapas Ais. Ifa usun ekkewe aramas mi manaw seni ewe ekkei repwe tongeni kinamwe lon letiper le silei pwe epwe chok fokkun wor leenier/imwer?
Poluwen Kapas Ais. Pwungun pwe a tufich pwe ekkewe aramas repwe osun ar repwe mwokut seni leenier o tolong lon pwal eu leeni, nge ekkewe aramas ra tongeni kinamwe lon letiper, pun ika repwe chuen kettiw alongolong won nour we taropwen etipeeu ika license agreement, iwe, repwe tongeni sopwelo le fiti ewe program o epwe chok wor imwer seni FEMA tori ar repwe tongeni kuna eu leeni/imw repwe tongeni wiliposelo lon are tori fansoun ewe program epwe wesilo.
Kapas Ais. Inet ekkewe aramas mi nonnom lon ewe imw pokiten Direct Lease repwe osun ar repwe poputa le monatiw rent?
Poluwen Kapas Ais. Meinisin famili mi fiti Direct Lease repwe osun ar repwe poputa le monatiw rent ngeni FEMA poputa lon March 1, 2025.
Kapas Ais. Inet epwe esilesil ngeni ekkewe famili pwe ra osun ar repwe monatiw rent?
Poluwen Kapas Ais. Ekkewe famili ra fen etiwa nour 60- me 90-ran esilesil mi esilei ngeniir pwe ir ra osun ar repwe poputa le monatiw ar rent lon March 1, 2025, repwe pwal poputa le le appeal ika tungor pwe epwe kisitiw liwinin ar rent. Repwe pwal etiwa echo taropwe emon epwe wisen uwalong lepour mi awewe ngeniir usun ar repwe fokkun monatiw ar rent mwirin ilik ran ika 30-ran esilesil.
Kapas Ais. Ifa usun ra filata ukukun liwinin an emon rent?
Poluwen Kapas Ais. Ukukun liwinin an emon rent a alongolong won ewe U.S. Departmentin Housing me Urban Development (HUD) 2025 Fair Market Rent lon Maui fiti tufichin ewe aramas le monatiw rent.
Kapas Ais. Ika pwe a wor an emon kapas ais usun ukukun liwinin an rent me ifa usun an epwe tongeni tungor pwe epwe kisitiw ukukun liwinin an ren, iwe, ion epwe kapas ngeni?
Poluwen Kapas Ais. Sia pesei ngeni ekkewe famili mi fiti Direct Housing pwe repwe kapas ngeni nour sou ourour mi alisiir le asefosefali nour certificate ika recertification advisor ika pwe a wor ar kapas ais usun ar repwe tongeni tungor pwe epwe kisitiw ukukun liwinin ar rent me met sokkun taropwe ra osupwangan ar repwe uwato pwe FEMA epwe ekieki usun ar case ika epwe tongeni kisitiw ukukun liwinin ar rent.
Soufonu/Landlords
Kapas Ais. Inet ekkewe soufonu repwe tongeni silei ika epwe langatattamelo nour contract lefilen FEMA me nour property management company?
Poluwen Kapas Ais. FEMA epwe atou eu esilesil itan "Notice of Intent to Extend" ika “Esilesil Pwe Epwe Tamelo Fansoun Ewe Contract” repwe ngeni ekkewe property management companies. Ekkewe soufonu repwe sopwelo le kapasfengen me nour property manager.
Kapas Ais. Ifa usun ekkewe soufonu repwe tongeni silei pwe repwe sopwelo le etiwa móónien rent me ren ekkewe chon nonnom lon leenier/imwer?
Poluwen Kapas Ais. Ika pwe epwe chuen chok wor eu contract (pwoonen etipeeu) lefilen ewe soufonu me ewe property management company, iwe, ekkewe soufonu repwe sopwelo le etiwa ewe rent mi moon ngeniir seni FEMA, seni ewe property management company.
Faniten ekkewe famili mi fiti ewe Direct Lease program, ika pwe a chuen wor ar kapas ais, iwe, repwe kokkori ewe Individual Assistance Housing Hotline ren 808-784-1600.