Agtultuloy ti panangibalay ti FEMA kadagiti nakalasat ti nakaro nga uram iti Maui idi Agosto 8, 2023 babaen ti Direkta a Pabalay a Programa. Kasapulan nga agtalinaed ti komunikasion dagiti makinkukua dagiti sanikua iti mangimanmanehar kasta met ti komunikasion dagiti agup-upa iti taga-mamagbaga ti re-sertipikasion iti FEMA.
Dagiti Agup-upa
Saludsod: Ania ti mapasamak kadagiti agup-upa nu saan nga iyalud-od ti FEMA ti kontrata ti agtagikua ti sanikua?
SUNGBAT: Agtalinaed dagiti nakalasat ti nakaro nga uram iti Programa a Direkta a Pabalay ti FEMA aginggana inton Pebrero 10, 2026. Nu saan a naiyalud-od ti agdama a kontrata ti agtagikua ti sanikua ken kasapulanda ti tumalaw, adda ti ipaay nga alternatibo a pabalay a solusion ti FEMA tapnu maakomodarda laketdi aagtalinaedda a kualipikado wenno aginggana agngudo ti Programa a Direkta a Pabalay.
Saludsod: Kasanu a maimpormaran wenno mapakaammoan dagiti pamilia a naawanan balay seknan ti panagakarda nu ti kontrata ti agtagikua ti sanikua ket saan a naiyalud-od?
SUNGBAT: Nasapa a mapakaammoan dagiti agup-upa babaen ti FEMA nu kasapulan nga umakarda iti sabali a lokasion. Mangipaay ti FEMA ti alternatibo a pabalay a solusion para kadagitoy a sangkabalayan.
Saludsod: Kasanu a maipasigurado kadagiti nakalasat ti nakaro nga uram seknan ti seguridadda ti pabalay?
Sungbat: Numan pay adda dagiti panagbaliw ti situasion ti pabalay, maipasigurado kadagiti agup-upa a nu agtultuloy a masurotda dagiti kasapulan iti panagpalisensia, agtalinaedda iti programa ken maibalayda aginggana a makasarakda ti permanente a solusion pabalay wenno aginggana nga agngudo ti programa.
Saludsod: Kaanu a mangrugi nga agbayad ti upa dagiti sangkabalayan ti Direkta a Pag-upa?
Sungbat: Amin a sangkabayalan iti Direkta a Pag-upa ket mangrugi nga agbayad ti upa iti FEMA inton Marso 1, 2025.
Saludsod: Kaanu a mapakaammoan dagiti sangkabalayan seknan dagiti kasapulan iti panangrugi ti panagbayad ti upa?
Sungbat: Makaawat dagiti sangkabalayan ti 60- ken 90- aldaw nga abiso a mangibagbaga kadagiti kasapulan ti panagupa a mangrugi inton Marso 1, 2025 ken ti proseso ti panagapela ti balor ti upa. Personal a makaawat dagitoy ti 30-aldaw nga abiso.
Saludsod: Kasanu a madeterminar ti upa?
SUNGBAT: Maibasar ti bayad wenno presio ti upa iti Department of Housing and Urban Developmemt ( HUD) 2025 Fair Market Rent wenno ti Departamento ti Pabalay ken Pagdur-asan ti ili iti Maui karaman ti abilidad ti agtagibalay nga agbayad.
SALUDSOD: Siasinno ti kasarita dagiti indibidual nu kasta nga adda dagiti saludsodda seknan kadagiti kasapulan ti panagupa ken ti proseso ti panagapela?
SUNGBAT: Maguyugoy dagiti agtagibalay ti direkta a pabalay a makisarita iti taga-bayabayda seknan ti sertipikasion nu adda dagiti saludsodda iti proseso ti panagapela ken nu ania ti kasapulan a dokumentasion ti maibilang para ti pannakaibaba ti upa.
Dagiti Agtagikua ti Sanikua
Saludsod: Kaanu a maammoan dagiti agtagikua ti sanikua nu ti kontratada iti FEMA ken ti kompania ti mangimanmanehar ti sanikuada ket maiyalud-od?
SUNGBAT: Mangipaay ti FEMA ti “ Pakaammo ti Ayat wenno Interes ti Panangiyalud-od” kadagiti mangimanmanehar kadagiti sanikua. Kasapulan nga agtalinaed ti komunikasion dagiti agtagikua ti sanikua kadagiti mangimanmanehar ti sanikua.
Saludsod: Kasanu a maipasigurado a dagiti agtagikua ti sanikua ket agtultuloy ti panagbayadda ti upa?
Sungbat: Dagiti agtagikua ti sanikua nga addaan kontrata iti kompania a mangimanmanehar ti sanikua ket agtultuloy a makaawat ti na-validate wenno napaneknekan a bayad ti upa iti FEMA manipud ti kompania a mangimanmanehar ti sanikua.
Para kadagiti saludsod ti dagiti agtagibalay ti direkta a pabalay, tawagaan laeng ti Individual Assistance Housing Hotline wenno ti Hotline ti Pannakaasistir kadagiti Indibidual iti Pabalay a Programa iti numero 808-784-1600.