FEMA kin sewese aramas me iang mih karanih kisiniei en nansahpw nan Maui me wiawi nan Oakohs 8, 2023 nan ah pirokiram en Sawas en Ihmw. Kaun en ihmw kan anahne kin koasoaiheng arail tohndoadoahk kan oh en FEMA ah tohndoadoahk en recertification men.
Tohnihmw Kan
K. Dahme pahn wiawi ma kaun en ihmw sohlahr kin iang pirokiram en FEMA?
S. Tohnpirokiram en pirokiram en FEMA en Sawas en Ihmw kak mihmite nan imwarail lel Pepweri 10, 2026 ma re kin kapwaiada anahn oh kosonned en pirokiram. Ma kaun en imwrarail sohte iang pirokiram mwurin ansouo, oh re anahne kousoan pil ehu wasa, FEMA pahn seweseirail diar pil ehu wasa, ma re kin kapwaiada kosonned en pirokiram de lel pirokiram en Sawas en Ihmw nekila.
K. Ia mwomwen tohnpirokiram pahn esehla ma kaun en imwarail sohlahr iang piorkiram oh re anahne kousoan pil ehu wasa?
S. FEMA pahn lelekin tohnpirokiram kan ma re anahne kousoan pil ehu wasa. FEMA pil pahn kaselehda ihmw teikan me re kak pilada.
K. Tohnpirokiram kan kak likih me re pahn ale sawas en ihmw?
S. Ehi, mehnda ma wekid wiawi, tohnpirokiram en Sawas en Ihmw kak likih me re pahn ale sawas en ihmw ma re kapwaiada kosonned en pirokiram lel ansou me re diar pil ehu wasa en kousoan ie de pirokiram nekila.
K. Iahd me tohnpirokiram en Sawas en Lease anahne tepida pwain ihmw?
S. Tohnpirokiram en Sawas en Lease koaros anahne pwaindahng FEMA pweinen ihmwarail ehu ehu sounpwong tepkihda Mahs 1, 2025.
K. Iahd me tohnpirokiram pahn esehla duwen anahne en tepida pwain ihmw?
S. Tohnpirokiram koaros alehdahr pakair rahn 90, 60, oh 30 mwohn arail anahne pwain ihmw tepkihda Mahs 1, 2025, oh ia mwomwen peki iang repenpwung sapahl. Re pil pahn ale pil ehu doaropwe rahn 30 mwuri.
K. Ia mwomwen pweinen rent pilada?
S. Uwen pweinen rent wiakihdahsang keseu en U.S. Department of Housing and Urban Development (HUD) 2025 Fair Market Rent on Maui, kapateng en ehu ehu peneinei uwen arail kak pwain.
K. Ma mie en tohnpirokiram ah kalelepak pid anahn en pwain ihmw oh ia mwomwen ah kak peki iang repenpwung sapahl, ihs me e kak koasoaiheng?
S. Tohnpirokiram en pirokiram en Sawas en Ihmw kan kak koasoaiheng arail tohndoadoahk en recertification men ma mie arail kalelepak pid mwomwen peki iang repenpwung sapahl oh soang en mehn kadehde dah re pahn anahne ma re mwahuki pweitikitikla uwen pweinen ihmw.
Kaun en Ihmw Kan
K. Iahd me kaun en ihmw pahn esehla me irail oh arail tohndoadhk en ahpwalih ihmw pahn pwurehng iang pirokiram en FEMA?
S. FEMA pahn kihong tohndoadoahk en ahpwalih ihmw kan pakair adahniki "Pakair pid Puwrehng Iang Pirokiram.” Kaun en ihmw anahne kin koasoaiheng arail tohndoadoahk en ahpwalih ihmw kan.
K. Ia mwomwen kaun en ihmw kak likih me re pahn ale isais en rent kan?
S. Kaun en ihmw me iang inou rehn tohndoadoahk en ahpwalih ihmw pahn ale isais en FEMA sang tohndoadoahk en ahpwalih ihmw.
Peneinei kan me iang pirokiram en Sawas en Lease pil kak kahlih Individual Assistance Housing Hotline ni 808-784-1600.