KIHEI, Hawaii – Ñe kwōj juon eo ear lomor jen kijeek ko rellap im ewōr am injuran eo ej bōk eddoin jikin jokwe eo am ilo an jidik wōt iien, ej menin aorōk ñan lukun etale kwon ko ikkijen ta ko rej bōk eddoin, joñan jããn, im ewi to in kitien ñan jemlok. Ñe injuran eo am ej bojak in jemlok kitien, kepaake FEMA ñan lale ewi wãween kwōmaroñ kōiie ñan maroñ bōk jipañ ko jet.
Jekdoon ñe injuran eo am ej kabre jerbal, jej rōjañ eok ñan am bōk melele ko relaplok kōn būrookraam ko rej bellok an FEMA.
Jipañ ko an FEMA ekoba:
- Būrookraam in Jipañ kōllã Reen, eo ej lelok jipañ ñan kōllã reen eo am ãlikin an maat joñan jipañ ko jen injuran eo am eo ej kōllã wōnããn ko jet ñan mour ak jako am kōjerbale.
- Būrookraam in Jipañ kōn Jikin Jokwe ilo an Jidik Wōt Iien ej lelok jikin jokwe ko an jidik wōt iien ilo pelaakin Maui jen būrookraam eo an Direct Lease.
Būrookraam kein – mōttan Būrookraam eo an FEMA ñan kajojo Armej im Kabijuknen ko - emōj lemaanlok ñan Pepwōde 10, 2026, bwe en maroñ lelok iien ñan armej ro rar lomor jen kikeej ko rellap ñan kajeoñ kajeplaak jekjekin mour ko aer. Būrookraam kein emōj kar karōki bwe ren jemlok kitier Pepwōde 10, 2025.
Ilo iien in emōj lemaanlok, ro rej jokwe ilo jikin jokwe ko an jidik wōt iien iumwin Direct Lease naaj kōtmene bwe renaaj jinoe kōllã reen ko aer pãdpãd ion maroñ ko ñan kōllã. Joñan eo naaj kalikar e ekkar ñan keij-ñan-keij bōtaab eban laplok jen 100 bōkjããn in Joñan Reen ko ekkar ñan Ra eo an U.S. eo ej Bōk Eddoin Jikin Jokwe im Pelaak ko (Housing and Urban Development).
Ro ewōr moko iumwin etaer im elōñ injuran eo ej bōk eddoin wōnããn mour ilo an jidik wōt iien maroñ wōt deloñe būrookraam in Jipañ Kōllã Reen eo FEMA im būrookraam in Jipañ kōn Jikin Jokwe ilo an Jidik Wōt Iien. Jet ilo tōrein rej jikin jokwe ko an Direct Lease.
Ñan jinoe jerbal kein ñan Būrookraam in Jipañ Kōllã Reen, ro rej kanne aikuj mokta lelok menin aikuj ko ñan FEMA. Menin aikuj ko rej aikuj koba peij eo ej kōmelele kōn injuran eo im laajrak wōnããn ko jet ñan mour rej bōk eddoin/jako kōjerbal injuran eo, kamool kōn an maat kōllã ko jen injuran, lease eo ilo tōre eo ak kwon eo an jikin reen eo, im rijiit ko an jikin reen eo.
Ñe kōiie ñan bōk jipañ, jinointata in Jipañ Kōllã Reen naaj kōllã tarin ruo allōñ ilo 100 bōkjããn ekkar ñan Joñan Reen ko ekkar ñan Fair Market ilo County eo an Maui.
Ãlikin bōk Jipañ Kōllã Reen ilo allōñ ko ruo jinointata, armej eo ear kanne maroñ kanne ñan Wōnmaanlok Wōt im Bōk Jipañ kōn Jikin Jokwe ilo An Jidik Wōt Iien. Ñe kōiie ñan bōk jipañ, Jipañ Kōllã Reen naaj lemaanlok lok in bar jilu allōñ ñe aikuj. Joñan kōllã eo naaj lōñ lok ñan 175 bōkjãã in Joñan Reen ko ekkar ñan HUD Fair Market.
Ñan lale ñe kwōj kōiie ñan maroñ bōk jipañ, kall e Lain in Bōk Jipañ eo an FEMA ilo 800-621-3362. Ak kwōmaroñ kall e Lain in Jikin Jokwe eo an FEMA ilo 808-784-1600.
Ñan jipañ ko ilo am jade lok, etal ñan FEMA ilo:
- Kaunjel in Doulul eo an Lukun Bōtōktōkin Ri Hawaii, Kākoʻo Jikin Jipañ & Kein Jipañ ko ion Maui epãd 153 E Kamehameha Ave Ste 101 ilo Kahului. Awa ko rej 9 jibboñ ñan 5 jota HST Mande ñan Bōlaide.
- Wōpij eo an Maui County eo ej Bōk Eddoin Kajeplaak Jekjek ko ilo Lahaina Gateway epãd ilo 325 Keawe St. in Lahaina, turin Mōn Wia eo an Ace Hardware. Awa ko rej 8 jibboñ ñan 4:30 jota HST Mande ñan Bōlaide.
Ñan melele ko relaplok kōn kajekdon-injuran ak kwon ko an injuran, kall e lok Lain in Bōk Melele eo an FEMA ilo 800-621-3362. Rijerbal ro rej bellok jen 7 jibboñ ñan 10 jota HST, jiljilimjuon raan ilo juon wiik, im rej kōnono elōñ kain kajin ko. Jibed 2 ñan kajin Jipānij. Jibed 3 ñan juon rukook eo ej kōnono kajin eo am.
Ñan melele ko rekããl tata kōn jerbal ko ñan kajeoñ kajeplaak jekjek ko ãlikin kijeek ko rellap ion Maui, etal ñan mauicounty.gov, mauirecovers.org, fema.gov/disaster/4724 im Hawaii Wildfires - YouTube. Loore FEMA ilo social media ko onlain: @FEMARegion9 im facebook.com/fema.