Dagiti Uram ti Atap ti Hawaiʻi: Panangikkat kadagiti Rugit ti Pribado a Sanikua

Ti panagdalus iti panangikkat kadagiti rugit ti uram ket maysa kadagiti kangrunaan a karit a sangsanguen dagiti umili, makinkukua iti negosio ken ahensia ti gobierno bayat ti panagimbag manipud kadagiti historiko nga uram iti kabakiran a nagsaknap iti intero a Maui County idi Agosto 8. Mapaspasamak ti panangikkat kadagiti rugit iti paset tapno masigurado ti kinatalged ken kultural a sensibilidad ti... apektado a komunidad. Para iti ad-adu pay nga impormasion maipapan iti proseso, bisitaen mauirecovers.org/recovery/debrisremoval, Maui County’s komprehensibo a gubuayan ti impormasion ken rekurso para kadagiti nakalasat kadagiti uram iti kabakiran ti Hawaiʻi.

Dagiti Napeggad a Materiales

• Iti umuna a paset, ikkaten ti U.S. Environmental Protection Agency dagiti napeggad a materiales a kas kadagiti pintura, solvent, lana, bateria ken pestisidio manipud iti amin a sanikua a naapektaran iti uram.
• Apaman a maipakaammo kadagiti lokal nga opisial a natalged ti lugar, ipakaammoda kadagiti umili no kaano a mabalinda ti agsubli iti sanikuada tapno alaenda ti aniaman a sanikua a mabalin a maisalakan. 

Akem ti U.S. Army Corps of Engineers

• Para iti maikadua a paset, inwaragawag ti Estado ti Hawaiʻi a ti FEMA ken ti U.S. Army Corps of Engineers ti mangidaulo iti pannakaikkat dagiti rugit a nadadael gapu iti uram manipud kadagiti pribado a sanikua.
• Saan a kasapulan nga usaren dagiti makinkukua iti sanikua daytoy a serbisio. Nupay kasta, para iti kinatalged ti komunidad, dagiti makinkukua iti sanikua a mangpili nga agaramid iti bukodda a panagdalus ket masapul latta a surotenda dagiti lokal, estado ken pederal a kasapulan.
• Nakumikom ti Corps of Engineers a mangsalaknib saan laeng a ti salun-at ken kinatalged dagiti naapektaran iti uram no di pay ket ti panangraem iti kultura ti komunidad.

Dagiti Salaknib ti Kultura

• Ti Estado ti Hawaiʻi ken ti Corps of Engineers ket nangirugi kadagiti salaknib tapno masalakniban dagiti lugar ken matrato dagitoy a maitutop ken siraraem.
• Dagiti kultural (arkeolohikal) a monitor nga addaan iti kinalaing ken pannakaammo ket agtartrabaho iti uneg dagiti naapektaran a komunidad ken nasanay nga agbalin a sensitibo iti kultural a kaipapanan ti trabahoda.
• Adda dagiti dagiti monitor ti kulturabayat ti proseso ti pannakaikkat. Dagitoy a monitor ket lokal, eksperto a nakabase idiay Maui ken addaan iti nalawa a kapadasan iti kultura ti komunidadda.
• Uray iti napinget a panagregget a mangpaimbag amin dagidiay natay iti lugar ti uram, ti kalawa ken pudot ti uram ket mabalin a nangibati kadagiti rebba ti tao a di mailasin manipud kadagiti rugit ti uram para iti nadayaw a pannakaikkat, pannakailasin ken pannakaisubli kadagiti kameng ti pamilia. Dagiti panagregget a mangikkat kadagiti rugit ti uram ket iramanna dagiti kanayonan a rekurso a mangtaming kadagitoy a kasasaad.

Dagiti Panangikagumaan a Mangikkat kadagiti Rugit

• Dagiti makinkukua iti sanikua a mangpili iti programa a panangikkat kadagiti rugit ket kasapulan a mangpirma iti porma ti kalintegan a sumrek ken isubmite dayta kadagiti opisial ti Maui County sakbay a mangrugi ti panangikkat. 
• Ipaay dagiti opisial ti Maui dagitoy a nakumpleto a porma iti Corps of Engineers tapno makastrekda iti pribado a sanikua a nadadael gapu iti uram.
• Masapul nga agkolekta ti Maui County kadagiti pormas ti right-of-entry manipud kadagiti makinkukua iti sanikua a makipaspaset iti programa a panangikkat kadagiti rugit.
• Kasapulan ti pammalubosmo tapno makastrek dagiti kontraktor nga autorisado ti gobierno iti sanikua ken ikkatenda dagiti rugit a nadadael gapu iti uram.
• Ti panagpirma iti porma ti right-of-entry dina iyakar ti panagtagikua iti sanikua. Palubosanna laeng ti gobierno ken/wenno dagiti autorisado a kontraktorna a mapan iti pribado a sanikua tapno maikkat dagiti rugit.
• Kalpasan nga inikkat ti Environmental Protection Agency dagiti napeggad a materiales, karbengam kas makinkukua iti sanikua ti saan a makipaset iti pribado a programa a panangikkat kadagiti rugit. No piliem nga ikkaten amin wenno sumagmamano kadagiti rugit babaen ti pribado a kontraktor, (kitaen ti Private Fire Debris Removal opt-out option itiMauiRecovers.org),masapul a maragpat wenno lumab-awka kadagiti pagalagadan nga inkeddeng dagiti lokal, estado ken pederal nga ahensia. Ad-adu pay nga impormasion ti ipaay ti Maui County.
• MauiRecovers.org ket ti komprehensibo a gubuayan ti impormasion ken rekurso ti Maui County para kadagiti nakalasat iti uram iti kabakiran ti Hawai’i.