FEMA mob siab muab kev pab cuam rov zoo ntawm kev puas tsuaj rau txhua tus. Qhia FEMA paub yog koj muaj kev toob kas rau ntawm fab kev ua tsis taus.
Kev tswj hwm tej qho xwm txheej ceev yog rau lub zej zog tag nrho rau ntawm txhua qhov npaj rau kev puas tsuaj thiab kev rov zoo tom qab. FEMA yeej meem siv zog rhuav tej yam thaiv uas cuam tshuam cov tib neeg dim kev puas tsuaj txoj kev rov zoo ntawm kev puas tsuaj.
Ib qho kev puas tsuaj tshem tau tej yam tseem ceeb heev rau cov uas muaj kev ua tsis taus thiab cov tib neeg uas muaj tej kev toob kas rau ntawm fab kev mus ub no kom lawv thiaj nyob tsis tau lawv tus kheej los yog tiv tauj tsis tau nrog luag. Tej qho piv txwv txog tej yam no muaj xws li lub laub neeg, lub maus taus me me, khoom pab taug kev, lub tshuab pab ua pa thaum pw CPAP, cov pob ntseg pab mloog lus, cov tsom iav, los yog lub tshuab pab nyeem ntawv hauv koos pis tawj.
Tej tus tib neeg uas tsis muaj ib qho xiam oob qhab hlo li tej zaum lawv kuj raug ib yam uas lawv toob kas kev pab me ntsis ntxiv, tiam sis lawv tsis pom qab ua li cas thiaj thov kev pab. Yog koj muaj ib qho ua tsis taus los yog toob kas kev pab tshwj xeeb no, thov nyeem cov lus nug nram qab no xyuam xim thaum tso npe kom thiaj qhia meej tej yam uas koj toob kas mus rau FEMA.
Yuav Ua Li Cas Qhia FEMA Paub Txog Koj Tej Kev Toob Kas
Yog koj los yog ib tug hauv koj tsev neeg muaj ib qho ua tsis taus los yog hais lwm yam lus—thiab yuav tsum tiv tauj nrog FEMA los yog theej ib co khoom siv pab vim muaj ib qho ua tsis taus—ces yeej tseem ceeb teb hais tias “aws” (yes) rau cov lus nug tsim nyog thaum tso npe rau FEMA kev pab rov zoo ntawm kev puas tsuaj. Koj yuav tsum qhia meej seb koj toob kas dab tsi kom thiaj rov zoo. Cov lus nug no kuj yuav pab nrhiav tej kev pab cuam uas koj tsim nyog txais kom thiaj txais nyiaj rov qab ntxiv.
Tej qho piv txwv txog cov lus nug uas koj yuav tsum teb:
- Koj puas muaj ib qho ua tsis taus los yog hais lwm yam lus uas yuav tsum txais kev pab thiaj tiv tauj nrog FEMA cov neeg ua hauj lwm thiab/los sis txuas mus rau FEMA cov khoos kas?
- Koj los ib tug hauv koj tsev neeg puas muaj ib qho ua tsis taus uas raug koj lub peev xwm ua neej nyob txhua hnub los yog yuav tsum siv ib lub tshuab pab?
- Koj puas tau muaj ib co tshuab pab los yog khoom siv kho mob/khoom ua/khoom txhawb nqa uas raug, xiam, ploj, los yog raug cuam tshuam vim raug qhov puas tsuaj no?
Kom saib ib zaj nam uas Lus Piav Tes Amelikas txog kev txuas mus rau FEMA Kev Pab Tib Neeg, mus saib zaj nam FEMA Accessible: Kev Pab Tseem Ceeb Rau Cov Neeg Uas Muaj Qhov Ua Tsis Taus Kom Thiaj Tso Npe
Kev Pab Thaum Muaj Kev Ua Tsis Taus Los Yog Hais Lwm Yam Lus
Yog koj toob kas ib qho kev pab vim muaj ib qho ua tsis taus los yog hais lwm yam lus, ces thaum koj tso npe thov FEMA rau kev pab ntawd. Ntawm no yog txoj kev thov kev pab ntawd:
- Hu mus rau FEMA Tus Xov Tooj rau ntawm 800-621-3362. Yog koj siv lub cuab yeej yees duab thaum tham (VRS), lub cuab yeej sau ntawv thaum hais lus los yog lwm yam kev pab cuam, ces muab koj tus lej rau kev pab cuam ntawd pub rau FEMA.
- FEMA muaj neeg txhais lus, kev sau ntawv thaum tham lus, thiab ntaub ntawv ua lwm hom xws li cov tsiaj ntawv uas neeg dig muag kov tau, cov tsiaj ntawv loj, cov suab kaw, thiab cov ntawv fai fab.
- Lub koom haum kuj muab kev pab cuam pub dawb kom pab cov neeg dim tiv tauj nrog FEMA cov neeg ua hauj lwm thiab kom thiaj to taub cov khoos kas. Muaj kev pab xws li:
- Ntaub ntawv ua hom fai fab uas yooj yim nyeem nyob ntawm FEMA qhov vev xaib thiab xaus saum
- Cov kws txhais Lus Piav Tes Amelikas
- Cov kws txhais ntau yam lus
- Ntaub ntawv ua ntau yam lus
Yuav Tso Npe Li Cas
Txoj kev yooj yim thiab sai tshaj kom thiaj tso npe yog thaum mus saib DisasterAssistance.gov los yog dhau koj lub xov tooj ntawm tes thaum txuas FEMA qhov app. Yog hais tias tsis muaj peev xwm tso npe saum huab cua, ces hu mus rau FEMA Tus Xov Tooj Pab rau ntawm 800-621-3362. Yog koj siv lub cuab yeej yees duab thaum tham (VRS), lub cuab yeej sau ntawv thaum hais lus los yog lwm yam kev pab cuam, ces muab koj tus lej rau kev pab cuam ntawd pub rau FEMA.
Thaum koj tso npe rau kev pab, npaj cov ntaub ntawv nram qab no ua ntej tso:
- Qhov chaw nyob (nrog tus lej Zip) rau koj lub tsev uas raug puas tsuaj
- Piav txog tej yam uas koj plam ntawm kev puas tsuaj, tej zaum yuav tau piav txog koj lub tsev uas raug thiab
- Cov ntaub ntawv txog lub koom haum tuav pov hwm, yog muaj
- Tus lej Xaus Saum
- Tus xov tooj uas peb hu tau
- Qhov chaw nyob uas koj txais tau tsab ntawv los yog qhov email uas peb xa tau moo fai fab tuaj.