Ika pwe en ka nom lon an FEMA we Direct Housing program, a wor emon chon alisi aramas le asefosefali nour certificate ika recertification advisor a fen kefilita pwe epwe wisen alisuk fansoun om ka kukkutta eu imw/leeni kopwe tongeni wiliposelo lon. A fokkun auchea pwe kopwe sopwelo le kapas ngeni noum advisor pwe kopwe tongeni sopwelo le nonnom lon temporary housing, ewe imw mi kawor ngonuk faniten ei mwochomwochun fansoun.
Kapas Ais. Ngang ua chóni an FEMA we temporary Direct Housing program mi awora ngeni aramas imwer lon fansoun mwochomwoch chok. Inet fansoun sipwe chufengen me nei recertification advisor?
Poluwen Kapas Ais. Mi auchea pwe ami oupwe chufengen fan eu iteiten maram, iwe, lupwen epwe wes om appointment, oupwe fili ewe pwinin maram faniten ami appointment epwe tapweto. Ewe sou ourour ika advisor epwe churuk lon imwom pwe ami oupwe tongeni kapasfengen lon ukukun ina epwe eu awa, iei minne epwe naf ami fansoun pwe ami oupwe kapasfengen usun met en ka fen fori pwe kopwe kutta eu imwom kopwe tongeni wiliposelo lon, oupwe pwal tongeni kapasfengen usun om kewe osukosuk ren om temporary housing, iei ewe imw mi kawor ngonuk faniten fansoun mwochomwoch chok.
Mi fokkun auchea pwe kopwe fiti om appointment. Ika pwe en kosap tongeni nom lon imwom lon ewe awa mi fen kefilita faniten om appointment—eli a ekkesiwil kulokun om ka angang—iwe, ka tongeni kokkori noum sou ourour/advisor pwe oupwe siwili kulokun ami appointment. Ika kosap fiti om appointment, kese pwal esilei ngeni noum sou ourour/advisor are fili pwal eu fansoun faniten ewe appointment, a tufich pwe en kosap chuen kettiw om kopwe nonnom lon ewe imw mi kawor ngonuk faniten fansoun mwochomwoch chok ika temporary housing.
Kapas Ais. Met upwe esilei ngeni nei recertification advisor?
Poluwen Kapas Ais. Kopwe ripótei ngeni ika pwe a wor óch ekkesiwil lon ukukun noumi móóni tolong fanitemi lon imwemi, pwal are a ekkesiwil iteiten chon lon imwemi, awewe chok ika emon chon ami famili epwe le fitikemi le nonnom lon imwemi, are ika emon mi nonnom reom epwe le mwokut ngeni pwal eu imw. Ika emon lon ewe imw a wor terin ika tufichingawan [disability], are pwal eu osupwang mi auchea ika special need, kopwe fokkun esilei ngeni noum reciterfication advisor. Eli FEMA epwe tongeni awora leenian, are kutta pwal ekkoch sokkun minen alilis fanitom.
Kapas Ais. Met ika a wor ai osukosuk lon peekin maintenance mi sopwosopwolo are óch sokkun damage (kkatta)?
Poluwen Kapas Ais. Lupwen ekkewe recertification advisors repwe churi aramas, repwe cheki imwemi pwe repwe tongeni silei ika pwe ewe imw a chuen mwirino alongolong won met FEMA a fen allukatiw. Ekkewe allukun FEMA ra fis pwe aramas repwe nonnom lon imw mi nukunukoch, limelimoch o akkoteöch. Kopwe pwal tongeni esilei ngeni noum advisor usun ami kewe osukosuken maintenance ka need emon epwe forisefali, pwe FEMA epwe tongeni silei usun ami kewe osukosuk.
Ren om kopwe etiwa alilis lon peekin maintenance, kopwe kapas ngeni ewe property management company.
Ika ekkewe aramas mi manaw seni ewe feiengaw weiweita mi nonnom Kilohana ra osun alilis lon peekin maintenance lon leenier, ewe nampa faniten maintenance me Kilohana a iei: 877-959-6183.
Kapas Ais. Ifa usun, nei recertification advisor epwe tongeni alisiei lupwen ngang ua mochen monatiw liwinin ai rent?
Poluwen Kapas Ais. Ewer, noum recertification advisor a tongeni awewe ngonuk noum we bill faniten rent, o awewe ngonuk ifa usun om kopwe tongnei monatiw liwinin om rent lupwen ami oua chufengen iteiten maram. Kose mochen chemeni pwe kosap tongeni pungutiw liwinin om rent won chön móóni ika cash.
Kapas Ais. Pwata a auchea am aipwe chufengen me nei recertification advisor iteiten maram?
Poluwen Kapas Ais. Ewe recertification advisor a apwungalo pwe en ka chuen fich ngeni om kopwe sopwelo le nonnom lon an FEMA temporary housing. Lupwen ami oupwe chufengen iteiten maram, ewe recertification advisor epwe nengeni met en ka fen fori pwe kopwe kutta imwom kopwe tongeni wiliposelo lon, alongolong won ewe akkot mi fen amollata fanitom pwe kopwe kutta eu imw kopwe tongeni wiliposelo lon. Lon ei fansoun iei, en ka pwal tongeni esilei ngeni noum sou ourour/advisor om kewe kapas ais ika lolilen, o eisiniir ika pwe a wor óch minen alilis fanitom.
Kapas Ais. Meeta ewe “akkot faniten eu imw upwe tongeni wiliposelo lon” ika permanent housing plan?
Poluwen Kapas Ais. Ewe imw kopwe tongeni wiliposelo lon [permanent housing] a kapas usun ewe imw kopwe le nonnom lon mwirin om tou seni an FEMA we temporary housing program mi awora ngeni aramas imwer repwe tongeni nonnom lon lon fansoun mwochomwoch chok. Ika pwe en ka rentini imwom me mwen a fis ewe feiengaw weiweita, iwe, aia chok oumoum pwe kopwe le pwal rentini imwom/leeniom iei. Mi auchea pwe om akkot ngeni manawemi ian ami oupwe tongeni wiliposelo ie epwe weweoch o tufichin pwonueta.
Kapas Ais. Ifa usun ai upwe aiti ngeni nei recertification advisor pwe ngang ua sopwelo le kutta imwei upwe tongeni wiliposelo lon ika ai permanent housing akkot?
Poluwen Kapas Ais. Noum recertification advisor epwe tungorek pwe kopwe awora taropwen alettatan om ka fen sotun apply faniten eu ika lap seni eu imw kopwe le tongeni wiliposelo lon pwe kopwe tongeni pwari pwe en ka achocho ngeni om kopwe kutta pwisin imwom kopwe tongeni wilipos lon ika permanent housing goal.
Kapas Ais. Ifa usun an ewe recertification advisor epwe tongeni alisiei ika ngang ua weires le kutta pwisin imwei are ika ngang ua tipemwaramwar pun usap silei met upwe tufichin monatiw faniten imwei?
Poluwen Kapas Ais. Ewe sou ourour/advisor a tongeni ngonuk ekkoch taropwen awewe pachelong eu list ikewe a makketiw ie iten ekkewe leeni kopwe le tongeni wilipos lon lon Maui, sokkun leenien angang mi suk, pwal mwichen aramas ika community groups, nge eli ekkei repwe tongeni alisuk le kunokun eu leeni kopwe le tongeni wiliposelo lon epwe ukukoch ngeni ami alen mooni tolong.
Kapas Ais. Ika pwe mi wor ai kapas ais faniten ai upwe monatiw liwinin ai rent, are ika faniten ai akkot ngeni ai upwe imweni eu imw upwe tongeni wilipos lon (permanent housing goal), upwe tongeni kapas ngeni nei recertification advisor?
Poluwen Kapas Ais. Ewer, sia pesei ngeni kemi pwe oupwe sopwelo le kapas ngeni noumi recertification advisor o chufengen ren fan eu iteiten maram. Epwe tongeni poluweni om kewe kapas ais. Chemeni pwe kopwe isoni nampan noun phone.
Kapas Ais. Ifa usun upwe tongeni aletatta ika cheki pwe fokkun iei i nei FEMA rertification advisor a kokkoriei nge esap emon chon mwakeneta?
Poluwen Kapas Ais. Ika ka mochen cheki pwe noum we FEMA recertication advisor a kokkoruk, kopwe ureni ewe chon kokko won phone pwe epwe eliwini ekkoch porausom ka fen esilei ngeni FEMA. Eli epwe mwirino ika kopwe ureni pwe epwe ura noum FEMA registration nampa.
Oupwe sopwelo le kapasfengen me noum recertification advisor pwe kopwe sopwelo le kuna alilis pun i epwe tongeni emwenuk lon mwokutukutun ei angang.