Ma ke iang pirokiram en FEMA en Sawas en Ihmw, mie tohndoadoahk en recertification men me pahn seweseiuhk diar wasa ke pahn kin mihmi ie. Inenen kesempwal me ke kin koasoaiehng tohndoadoahk menet pwehn iang pirokiram en ihmw ansou wet.
K. I kin iang pirokiram en FEMA en Sawas en Ihmw. Pak depe me I anahne tuhweng ahi tohndoadoahk en recertification men?
S. Kumwa anahne tuhpene pak ehu nan ehu ehu sounpwong, oh ni imwin ahmwa tuhpene, kumwa pahn koasoandi iahd me kumwa pahn pwureng tuhpene. Tohndoadoahk pahn tuhkihonguhk ni imwomw awa ehu pwe kumwa kak koasoahikihpene ia mwomwen ahmw kak diar wasa en kin mihmi ie oh mehn pwunod kan me ke ahniki.
Inenen kesempwal me ke tuhwong tohndoadoahk menet. Ma ke sohte pahn mih nan imwomw ni ansou me koasoandiher – ni karasepe, ahmw wasahn doadoahk peki rehmw en mih mwo – menlau kahlih tohndoadoahko oh pwungkihpene pil ehu ansou en tuhpene. Ma ke sohte iang mihting ahpw sohte ndaiong tohndoadoahk, ke mwein pahn sohlahr iang pirokiram oh sohlahr kak mih nan imwomw.
K. Soang en wekid dah I anahne kawehwehong ahi tohndoadoahk en recertification men?
S. Ke anahne leleki wekid en uwen ahmw kapidolong de aramas depe kin mih nan imwomw, ni karasepe me pile men ahmw peneinei kousoanla pil ehu wasa. Ma mie tohnimwomw me pakolong de anahne soang en sawas tohrohr, ke anahne ndaiong ahmw tohndoadoahk en recertification men. FEMA mwein kak diar pil ehu wasa me kumwail kak mih ie de diar soang en sawas teikan.
K. Ah ma mie anahn en kamwahula ihmw de imwei ohla?
S. Ni ah kohla imwomw, tohndoadoahk kan pahn kilang imwomw oh tehk mwahu me ihmw kapwaiada anahn oh kosonned en FEMA koaros. Kosonned en FEMA pwukat koasoandi me aramas kak mih loale ni roson, silepe, oh mwomwen mwahu. Ke pil kak ndaiong tohndoadoahk duwen soang en doadoahk en kawmahula ihmw me mie anahne peh pwe FEMA wehwehki.
Pwehn ale sawas en kamwahula ihmw, ke anahne koasoiheng pwihn me kin kaunih ihmw.
Ma aramas me kin mihmi Kilohana anahne sawas en ahpwalih de kamwahula imwarail, nempe en dengwa en Kilohana iei: 877-959-6183.
K. Ahi tohndoadohk en recertification men kak seweseie wia isais en pwain ihmw?
S. Ehi, ahmw tohndoadoahk en recertification men kak seweseiuhk wehwehki pakair en pweine oh padahkihonguhk ia mwomwen ahmw kak pwain ihmw. Menlau wehwehki me ke sohte kak pwainkihda mwoni (cash).
K. Dahme I anahne tuhkihong ahi tohndoadoahk en recertification men?
S. Tohndoadoahk en recertification kin pwungki me ke kakete iang pirokiram en sawas en ihmw en FEMA. Ni ahmwa tuhpene ehu ehu sounpwong, tohndoadoahk pahn esehla duwen ahmw songosong en diar wasa me ke kak kin mihmi ie kohkola nin duwen ahmw pilahn en kousoan. Ni ansouo, ke pil kak peki reh soang en kalelepak sohte lipilapil oh esehla duwen sawas kan me ke kak iang ale.
K. Dahkot pilahn en kousoan?
S. Met wehwehki ahmw pilahn en diar wasa me ke kak kin mihmi ie mwurin ahmw solahr kin mih nan wasa nin duwen pirokiram en sawas en ihmw en FEMA. Me ke iang rent ihmw ieu mwohn kisiniei en nansahpw, se kamehlele me ke pahn pwurehng wia soang ohte. Ke anahne wiahda pilahn me kak kak kapwaiada.
K. Ia mwomwen ahi kak kaselehiong ahi tohndoadoahk me I songosong en kapwaiada ahi pilahn en kousoan?
S. Ahmw tohndoadoahk pahn peki rehmw en kaselehda mehn kadehde me ke iang peki pwain ihmw teio pwehn wehwehki me ke songosong en kapwaiada ahmw pilahn en kousoan.
K. Ia mwomwen tohndoadoahk en recertification men kak seweseie ma I ahpwahliki diar wasa en kin mih ie, de sehse uwen pweilaud I kak pwain?
S. Tohndoadoahk kak kihonguhk doaropwe kan me kaselehda ekei wasa ke kak tehk nan Maui, wasahn doadoahk me anahne sawas, oh pwihn teiko me kak seweseiuhk. Re pil kak seweseiuhk wehwehki soang en ihmw dah me ke kak pwain nin duwen uwen ahmw kapidolong koaros.
K. Ma mie ahi kalelepak kan pid isais en pwain ihmw de ire teikan pid pilahn en kousoan, I kak koasosiheng ahi tohndoadoahk en recertification men?
S. Ehi, se padahkih me kumwa kin koasoipene oh tuhpene pak ehute ehu ehu sounpwong. Re kak sapeng ahmw kalelepak kan. Tehk mwahu me ke kolokol en tohndoadoahk ah nempe en dengwa.
K. Ia mwomwen ahi kak wehwehki me mie tohndoadoahk en FEMA mehlel men me kahlihie?
S. Ma ke mwahuki pwungki me re mehlel, peki reh en kaselehda ire kan nan ahmw application. Peki reh en kawehwehda ahmw nempe en FEMA.
Ni ahmw kin tuhwong oh koasoaiheng ahmw tohndoadoahk en recertification men, ke pahn ale sawas mwahu oh wehwehki padahk kesempwal en pweida nan pirokiram wet.