FEMA a sopwelo le awora imw ngeni ekkewe aramas mi manaw seni ewe ekkei a fis lon Maui lon Aug. 8, 2023, ren an we programen Direct Housing. Lon ei fansoun iei ekkewe famili meinisin mi sopwelo le fich ngeni ar repwe chóni ewe Direct Housing Program mi wor nour license pwe repwe nonnom lon ekkewe leeni/imw mi kawor fan direct housing. Ekkewe chon fiti ei program repwe tongeni sopwelo le nonnom lon imwer/leenier ika repwe sopwelo le fich ngeni ar repwe fiti ei program, o a fokkun auchea pwe repwe sopwelo le kapas ngeni nour sou ourour seni FEMA mi alisi ir le asefosefali nour certificate ika FEMA recertification advisor.
Kapas Ais me Poluwen Kapas Ais seni ekkewe Chon Fiti Direct Housing
Kapas Ais. Pwata ra tungor ngeni ekkewe chon fiti ei program pwe repwe mwokut seni leenier ngeni pwal eu leeni?
Poluwen Kapas Ais. Mi wor chommong popun ekkewe aramas mi manaw seni ewe feiengaw weiweita mi nonnom lon Direct Lease units ra need ar repwe mwokut seni leenier ngeni pwal eu leeni, nge fen koon lapelon pokiten FEMA a mochen tumwunur seni feiengaw. FEMA a mochen tumwunu meinisin seni feiengaw, pwe repwe nonnom lon leeni mi nukunukoch, o limelimoch; pwe repwe nonnom lon ekkewe leeni mi fich ngeni an aramas ar repwe nonnom lon. Lon ei fansoun iei, FEMA a achocho ngeni le eliwinato ekkewe aramas mi manaw seni ewe feiengaw weiweita ngeni West Maui, arapakan ngeni imwer kewe me lom, nge pwal fori pwe esap koon watte eselipaen ar nonnom won ewe fonu. Ra aucheani ar repwe aleenia ekkewe aramas lon ekkewe imw mi koon arap ngeni Lahaina.
Kapas Ais. Met epwe fis ika ra tungor ngeni emon chon fiti ewe program pwe epwe liwinsefal ngeni West Maui, nge ewe aramas ese mochen feilo?
Poluwen Kapas Ais. Lon ei fansoun iei, FEMA a poputa le kapas ngeni ekkewe aramas mi manaw seni ewe ekkei mi fis, ir ekkewe mi chóni an FEMA we Direct Housing Program, o apasa pwe ir ra mochen liwinsefal ngeni West Maui. Ika repwe filata pwe resap mochen nonnom lon ewe leeni lon West Maui, ir ra tongeni sopwelo le nonnom lon ewe imw/leeni ra nonnom lon iei. Nge ika repwe popponi ewe imw lon ei fansoun iei, FEMA esap tungorer fan oruwan ika pwe ir ra mochen mwokut ngeni eu imw/leeni lon West Maui.
Kapas Ais. Met epwe fis ngeni chon fiti ewe program ika pwe nour landlord ika soufonu esap mochen alangatamalo nour contract pwe repwe tufichin sopwelo le nonnom ikewe?
Poluwen Kapas Ais. Ekkewe aramas mi manaw seni ewe ekkei a fis ra fen chóni an FEMA we Direct Housing Program ra tongeni sopwelo le fiti ewe program tori Feb. 10, 2026, ika repwe sopwelo le fich ngeni ar repwe fiti ewe program. Ika nour contract faniten imwer esap sefosefal o ir ra osun ar repwe mwokut seni leenier, iwe, epwe kawor ngeniir pwal eu leeni seni FEMA repwe tongeni nonnom, ika repwe sopwelo le fich ngeni ar repwe fiti ewe program, ika tori lesopwolon ewe Direct Housing Program.
Kapas Ais. Ifa usun ekkewe famili repwe tongeni silei pwe ra osun ar repwe mwokut seni leenier pokiten nour soufonu esap asefosefali ewe contract?
Poluwen Kapas Ais. Ekkewe aramas mi nonnom lon ekkewe imw repwe rongorong seni FEMA me mwen epwe tori ewe fansoun pwe ir repwe fokkun mwokut seni leenier ngeni pwal eu imw. FEMA epwe awora ngeni ekkewe aramas mi katou seni imwer pwal eu imw mi sokkofesen.
Kapas Ais. Ifa usun an ekkewe aramas mi manaw seni ewe ekkei ra tongeni kinamwe lon letiper pun ra silei pwe epwe chok wor leenier/imwer?
Poluwen Kapas Ais. Ikamwo epwe wor ekkesiwilin imwen aramas, nge ekkewe chon fiti ewe Direct Housing Program ra tongeni asoso kinamwe le silei pwe ika repwe sopwelo le fich ngeni ar repwe fiti ewe program, iwe, epwe chok wor imwer ika leenier epwe kawor ngeniir tori repwe tongeni kuna eu leeni repwe tongeni wiliposelo lon, are tori ewe program epwe wesilo.
Kapas Ais. Inet ekkewe chon fiti ewe programen Direct Housing repwe osun ar repwe monatiw rent?
Poluwen Kapas Ais. Meinisin famili mi fiti Direct Housing repwe osun ar repwe pungutiw rent ngeni FEMA poputa lon March 1, 2025.
Kapas Ais. Inet epwe esilesil ngeni ekkewe famili pwe repwe osun ar repwe poputa le pungutiw rent?
Poluwen Kapas Ais. Ekkewe famili repwe etiwa 30- 60- me 90-ran esilesil mi esilei ngeniir usun ar ra osun ar repwe poputa le monatiw ar rent poputa lon March 1, 2025, me usun ar repwe tongeni tungor pwe epwe kisitiw liwinin ar rent.
Kapas Ais. Ifa usun ar ra filata ukukun liwinin an emon rent?
Poluwen Kapas Ais. Ukukun liwinin an emon rent a alongolong won ewe U.S. Department of Housing me Urban Development (HUD) 2025 Fair Market Rent lon Maui pwal won tufichin ewe famili le monatiw ar rent.
Kapas Ais. Ika pwe a wor an emon kapas ais faniten an rent me ifa usun an epwe tongeni tungor pwe epwe kisikitw liwinin an rent, ion epwe tongeni kapas ngeni?
Poluwen Kapas Ais. Sia pesei ngeni ekkewe famili mi fiti Direct Housing pwe repwe kapas ngeni nour recertification advisor ika pwe a wor ar kapas ais faniten met repwe tongeni fori pwe repwe tungor pwe epwe kisitiw liwinin ar rent pwal meni ekkewe taropwe ra need ar repwe uwato pwe FEMA epwe ekieki usun ar repwe amokunatiw liwinin ar rent.
Ika pwe a wor pwal ekkoch famili mi fiti Direct Housing ra pwal aani ekkoch kapas ais ra tongeni kokkori ewe Individual Assistance Housing Hotline ren 808-784-1600.