HONOLULU – Emõj rõjañ an armij ro ilo Maui im rekkar ioone kijeek ko relab kejbarok aer kõkkāāl joñan claim in injuran eo aer ibben FEMA ñan jibañ ilo aer bõk jibañ ikijen jorrāān.
Ebar aurok in kadeloñ etam ibben FEMA ilo ien am kattare claim in injuran eo am. Raan eo āliktata ñan kadeloñ etam ñan jibañ ikijen jorrāān kauwõtata eo an federal ej Mande, Tijemba 11.
FEMA emaron jibañ kwe elañe jemlok in injuran eo am ediklok jen jāān in jibañ eo elabtata jen FEMA im ekkar jab kolla wonnen aoleben aikuj ko am ekkā jen jorrāān kauwõtata eo. Kwõmaron bar maron tõbrak ñan jibañ eo an FEMA elañe ekkar jab tõbrak claim in injuran eo am ak elañe claim eo am ekkar rumijlok elablok jen 30 raan.
Buñten eo kein kajuon ej ñan kebaak kombani in injuran eo am. Ekkar ñan joñan claim in injuran eo am, kwõj aikuj kajjitõk:
- Juon leta in jab tõbrak: kein kamool ke kombani injuran eo am ejab kollaiki kwe.
- Juon leta kin jemlok: jejjetin ta eo kombani in injuran eo am ej kollaiki.
- Juon leta kin rumijlok: kamool ke kombani in injuran eo am ejañin kõmmane jemlok eo an kin claim in injuran eo am, im emõj an mootlok 30 raan jen ien am kar bael ae claim in injuran eo am.
FEMA ejab maron lewaj jibañ ñan jorrāān eo emõj an injuran eo am kollaiki, im FEMAB ejab kolla wonnen jejjetin wonnen ko kwõj kolla mokta jen an injuran kolla. Bõtab, mweiuk ak em ko rejako im rejab kolla jen injuran eo an mweo imõm remaron tõbrak ñan jāān in jibañ iloan joñan jemlok ko an Burokraam eo an Kajojo Armij im Baamle ko.
Jibañ eo jen FEMA ej lewaj aikuj ko ekkā ñan kõmman an wõr kejbarok ilo mweo kwõj jokwe ae, kõmman am maron kõjerbal im makūtkūt iloan. FEMA ejab lewaj jāān ñan kõkkāāle mweiuk ko rejorrāān ak jibañ kin mweiuk ko rejab mennin aikuj.
Tõbrak ñan jibañ eo an federal ej ekkar ñan jejjetin kajojo ablikajon an FEMA, ekoba peba in kamool eo armij eo ear kanne ablikajon ibben FEMA ear lelok. Ewõr lok ñan 12 am allõñ jen raan eo kwar kadeloñ etam ibben FEMA ñan lelok jemlok in injuran eo am ak leta in jab tõbrak ñan an FEMA etale.
Im bareinwõt, ewõr lok ñan 12 am allõñ jen raan eo kwar kadeloñ etam ibben FEMA ñan jumae jab tõbrak ko kin abnõnõ in injuran ko. Jeje ñan FEMA im kõmelele wūnin an rumij injuran eo im likūt juon leta jen kombani in injuran eo am.
Kwõmaron bar upload peba in injuran ñan akkoun eo am ilo DisasterAssistance.gov. Bar juon wāween ej ñan am fax ae lok peba ko ñan FEMA ilo 800-827-8112 ñe ejab mael kabe ñan: FEMA, P.O. Box 10055, Hyattsville, MD 20782.
Jabdewõt jāān ko kwõmaron loe jen FEMA ilo ien madmõdin renaj watõke jāān eo rej lewaj moktalok, im jāān ko rej aikuj bar roollok ilo ien kwõloe jemlok in injuran eo am.
Ñan melele ko relablok kin an jab tõbrak injuran ak melele kin jemlok ko an injuran, kall ae Lain in Jibañ eo an FEMA ilo 800-621-3362. Rijerbal ro ilo lain in kall eo rebojak in jibañ kwe jen 1 awa jibbon ñan 8 awa jota, jilimjuon raan ilo juon wiik, im rej kenono elõñ kajin ko. Jibed 2 ñan kajin Spanish. Jibed 3 ñan juon riukok eo ejela kajin eo am.
Ñan melele ko rekaaltata kin jerbal ko ñan jibañ kijeek ko relablok rekkar walok ilo Maui, lale mauicounty.gov, mauirecovers.org, fema.gov/disaster/4724 im Hawaii Wildfires - YouTube. Loor FEMA ilo social media: @FEMARegion9 im facebook.com/fema. Kwõmaron bar loe melele kin jibañ jen jorrāān kauwõtata eo ear walok im download ae ablikajon ko ilo sba.gov/hawaii-wildfires.