Kajjitõk im Uwaak Kin Imõn Jokwe eo rej Kaju Lewaj ilo Maui

Release Date:
January 30, 2024

Stafford Act (Kakien eo an Stafford) ej kõmelim an FEMA kaju lelok imõn jokwe an kõtaan ien lok ñan 18 allõñ ilo ien armij ro rej kanne aer ablikajon remaron tõbrak rejab maron ebõk imõn jokwe ilo kõtaan ien kin an jabwe mennin jibañ ikijen imõn jokwe. Ijin lal ej uwaak ko ñan kajjitõk ko rekut kin imõn jokwe ilo kõtaan ien.

 

K: Ewi wāween an FEMA lale woñ eo ej mokta ebõk imõn jokwe an kõtaan ien?

U: Armij ro rekkar ioon jorrāān im rej kadedelok ablikajon eo an FEMA im lelok peba in kamool ko aikuj rej kwalok an kar jorrāān imõn jokwe eo elab aer jokwe ae enaj bed ettaer ilo laajrakin āt ko rej kattar em. Jet wāween ko einwõt armij ro rekkar ioon jorrāān im rej jokwe ilo jelter ko an kien, teen ko ak ilo imõn jokwe ko jet rekauwõtata ekkā aer watõke rej keij ko rej kaurok aer ebõk imõn jokwe jen FEMA. 

 

K: FEMA ej lelok imõn jokwe ñan kajojo armij im baamle ro ekkar ejellok jikin aer jokwe jen kijeek ko relab lok ñan 18 allõñ. Ta eo enaj walok elañe ijab maron elo imõn aõ jokwe ilo 18 allõñ?

U: Ñe FEMA, opij ko an state im rijerbal ro jet ilo jukjukinbed eo renaj loe ewõr wūnin aer woñmaanlok in lewaj jibañ elablok jen ien eo jinoin ej 18 allõñ, kwar kõtõbrak aoleb mennin aikuj ko ñan maron tõbrak ñan ien eo, im kwõmaron tõbrak ñan aer kaitoklok allõñ ñan allõñ.

  • Ñan am maron tõbrak, kwõj aikuj loor aoleb kakien ko ilo laijen in kwõn eo, einwõt kejbarok imõn jokwe eo, ikūt ien am kenono ibben rijerbal in keij eo am, im elabtata, wõr tõbrak ilo am woñmaanlok kin bebe in kabõk imõn am jokwe. 

 

K: Imõn jokwe eo an kõtaan ien ej ke kõmman ad jab maron ebõk jibañ ko jet an FEMA?

U: Jab. Ñe kwe juon eo emõj an wia mõn, kwõmaron bar tõbrak in ebõk jibañ jen FEMA ñan kõmmane jorrāān ko ilo mweo imõm ilo am bed ilo imõn jokwe eo an kõtaan ien. Armij ro rar wia ak reen em remaron bar tõbrak ñan Jibañ ikijen Aikuj ko Jet jen FEMA einwõt wonnen taktõ im taktõ in ñi jen kijeek ko relab, lale ajiri, jorrāān wa, kõmakūt im kakwõn mweiuk, wonnen mij im kõmmane jorrāān ak kõkkāāl em im mweiuk ko raurok. 

 

K: Imaron ke kakiki armij ilo imõn jokwe eo aõ, kõtlok an ro jet jokwe ak reene juon ruum iloan mweo ij jokwe ae?

U: Kwõmaron bokwaj armij ñan mweo, bõtab kwõjab maron reen kin jidikin mweo ñan am kõmman jāān. Ñe juon armij uwaan baamle eo am enaj iwõj im jokwe ibbam, kwõj aikuj kebaak rijerbal eo an keij eo am ñan jañiji kakien ko ilo koontoreak eo am. Ñe juon armij eo ej jokwe ilo mweo imõm enaj kõlõtak, FEMA enaj watõke niñniñ eo ej bar juon armij ej jokwe ilo mweo.

 

K: Imaron ke boktok menninmour ko neju ñan mweo?

U: Aet. Jouj im ba ñan rijerbal eo an keij eo am jete im kain menninmour ko nejum rej koba ibben armij ro uwaan mweo imõm. FEMA enaj bukõte mweo ilo burokraam in Kaju Leij ej kõtlok menninmour.

 

K: Ewõr ke jabdewõt men eo imaron kõmmane ñan kõmõkajlok madmõd eo?

U: Ae. Burokraam in Kaju Leij eo ej aikuj am lelok melele ko ñan aer etale melele ko moktalok kin kwe. Jouj im jerbal ibben kombani ko rej menija ñan imõn jokwe ko ñan kadedelok ilo ien eo emokaj.

 

K: Ewõr ke jabdewõt men eo imaron kõmmane ñan kõmõkajlok madmõd eo?

U: Armij ro rekkar ioon jorrāān remaron kõmokajlok madmõd eo ilo aer uwaake kall ko aer ilo talebon. Ilo wāween in FEMA emaron bõke uwaak ko ñan kajjitõk ko ñe ejab lemaanlok melele eo enaj loloorjak aer emakūt ñan juon imõn jokwe ilo ien eo emokaj. 

 

Ñan am woñmaanlok am kebaak FEMA, lale DisasterAssistance.gov. Jibed batin kuriin eo ‘Lale Ebed Ia Peba ko’ ñan kõmmane juon akkoun online. Click on the green ‘Check Status’ button to create an online account. Kõjerbal ejjā email eo kwar lelok ilo ien eo kwar kanne am ablikajon ñan jibañ. Ñ kwar kanne am ablikajon in jibañ online ak kõjerbal app eo an FEMA, ewõr kadede am akkoun in jibañ ikijen jorrāān kauwõtata.

 

Kwõmaron kall ae Lain in Jibañ eo an FEMA ilo 800-621-3362. Ñe kwõj kõjerbal juon kein bideo in lemaanlok melele, talebon eo melele ko ro rej ilo jeje ak jibañ ko jet, kememej in lelok ñan FEMA nomba eo am ñan jibañ eo kwõj aikuji. Rijerbal ro rej jibañ im uwaak talebon rej kenono elõñ kajin ko im ebellok lain in kall ko jen 2 awa jibbon ñan 9 awa jota, jilimjuon raan ilo juon wiik. Jibed 2 ñan Kajin Spanish. Jibed 3 ñan juon riukok eo ej kenono kajin eo am.

 

Kwõmaron bar etal ñan Disaster Recovery Center (Jikin Jibañ kin Jorrāān Kauwõtata) ilo Lahaina Civic Center Gymnasium, 1840 Honoapi‘ilani Highway ilo Lahaina.

 

Ñan melele ko āliktata kin jerbal in jibañ ko ñan kijeek ko relab rekkar walok ilo Maui, lale mauicounty.gov, mauirecovers.org, fema.gov/disaster/4724 im Hawaii Wildfires - YouTube. Lale FEMA ilo social media: @FEMARegion9 im facebook.com/fema. Kwõmaron bar bõk melele kin jibañ ko kin jorrāān ko relab im download ae ablikajon ko ilo sba.gov/hawaii-wildfires.

Tags:
Last updated