HICKORY, N.C. – Lub asthiv no, FEMA tau pib hu rau cov neeg ua raug Tropical Storm Helene ua nyob cov tsev so them los ntawm FEMA kom paub tseeb hais tias lawv puas tseem yuav tau txais kev pab los ntawm Transitional Sheltering Assistance ntxiv mus.
Qhov kev pab no them tsev so rau cov tswv tsev thiab cov neeg xauj tsev nyob uas tab tom tsis muaj chaws nyob vim Helene thaum lawv tseem nrhiav tsev nyob los sis kho lawv lub tsev. Txog niaj hnub no, yuav luag muaj li ntawm 13,000 tus neeg nyob rau hauv Western North Carolina ua tau txhais qhov kev pab no. Ib feem tseem ceeb ntawm kev tswj hwm qhov kev pab no yog kev tshuam xyuas kev tsim nyog. Cov kev tshuam xyuas no tshwm sim txhua ob lub asthiv thiab xyuas kom meej tias cov tsev so no tsuas yog muab rau cov neeg uas tsim nyog tau txais kev pab.
"Kuv xav hais kom meej meej hais tias, qhov kev pab no tsis tau xaus rau Western North Carolina," tus Federal Coordinating Officer Brett Howard tau hais. "Peb nkag siab hais tias cov neeg ua raug kev txom nyem no tseem xav tau peb txoj kev pab. Qhov kev pab no yuav nyob kom ntev li ntev tau. Qhov uas txhais kev pab ntev os luv yog nyob ntawm tus neeg thiab nws qhov xwm txheej. Cov neeg ua huaj lwm rau FEMA yeej ua hauj lwm txhua hnub nrog cov neeg uas raug kev teeb meem no thiab lawv cov xwm txheej, pab lawv nrhiav kom tau tsev nyob."
Vim muaj qhov xwm txheej tshwm sim nyob rau Western North Carolina, cov neeg sawv cev ntawm FEMA yuav hu rau txhua tus neeg ua tej zaum yuav tsis tau txais kev pab ntxiv lawm, yuav muab sij hawm ntxiv rau lawv tawm ntawm cov tsev so. Tam sim no kuj hloov lawm thiab. Tiag tiag mas tsuas yog muab xya hnub uas ceem toom rau cov neeg ua yuav tsis tau txais kev pab lawm tawm ntawm cov tsev so. Tab sis, ziag no ces muab hloov mus ua peb lub asthiv ua kev ceeb toom rau lawv tawm.
Cov lus hauv qab no qhia hais tias tub neeg ua raug kev teeb meem no yuav tsis tau txhais kev pab ntxiv lawm:
- Kev tshuaj xyuas kuaj tsev pom tau hais tias lawv lub tsev los sis tsev xauj tsis yog raug kev puas tsuaj los ntawm Helene.
- Kev tshuaj xyuas kuaj tsev pom zoo hais tias kuj rov qab mus nyob lawv lub tsev tau lawm.
- FEMA thiab tus case worker los sis tus neej kuaj tsev kuj hu tsis tau tus neeg ua raug kev teeb meem los ntawm Helene.
- Cov neej ua tuaj kuaj tsev kuj kuaj tsis tau tsev ntau zaus lawm vim tus neeg raug teem meem los ntawm Helene tsis nyob los tsis tuaj raus sij hawm
- Tus neeg ua raug teeb meem los ntawm Helene tawm ntawm FEMA’s Individual Assistance program los sis FEMA lub koom haum pab neeg.
- Tus neeg ua raug teeb meem los ntawm Helene kuj tsis muaj tsev nyob ua ntej Helene tshwm sim lawm.
Tom qab kev tshuam xyuas ntawm FEMA qhov kev tsim nyog pab, ntawm 2,700 tsev neeg, kwv yees li 740 tsis tsim nyog tau txais kev pab los ntawm TSA lawm. FEMA kuj tau hais qhia rau lawv lawm hais tias lawv kuj yuav tsis tau txhais kev pab ntxiv lawm thiab yuav tau ntawm mus nrhiav lwm qhov chaws nyob. Yog hais tias ib tsev neeg twg xav hais tias lawv tseem tsim nyog tau txhais kev pab no ces, thov hais qhia rau peb paub kom sai li sai tau.
Cov neeg ua raug teeb meem los ntawm Helene ua tseem xav tau kev pab yuav tsum qhia FEMA yog hais tias lawv cov tsev nyob kho tau zoo li cas lawm thiab yog xov tooj pauv los yuav tsum qhia lawv thiaj tiv tauj tau. Txhua tus neeg uas tau txais kev ceeb toom hais tias yuav tsis tau txhais kev pab ntxiv lawm es tseem xav tau kev pab txog ntawm vaj tse nyob, yuav tsum hu rau tus xov tooj pab ntawm 800-621-FEMA (3362) los sis mus ntsib lub chaw pab cov neeg raug kev puas tsuaj los sis Disaster Recovery Center. Tsis teem sij hawm los tau, thiab nrhiav cov chaw pab no, mus rau fema.gov/drc los sis ntaus ntawv "DRC" thiab tus lej ZIP code rau 43362.
FEMA tau pab tsaj $316 lab nyiaj ntsuab rau cov neeg ua raug teeb meem los ntawm Helene cov rau Western North Carolina, xws li $6.2 lab nyiaj kev pab xauj tsev. US Small Business Administration kuj tau pom zoo qiv ntaus tshaj $213 lab ua tsis noj paj ntau los pab cov neeg raug teeb meem los ntawm Helene. Cov nyiaj qiv no yog 0% paj rau thawj lub xyoo. FEMA, lub xeev North Carolina, lwm lub koom haum tsoom fwv thiab cov koom haum ua huaj lwm dawb pab neeg yuav tuaj yeem pab cov tsev neeg ua raug teeb meem los pib lawv lub neej tsiab.