San Diego, Calif. -I inspeksion guma sa kritikat na pasu gi halom i kinalamtin aplikasion FEMA. Dinimalas yan inafakch'a i inspektot guma siempre mu empidi hinanao-na mo'na i aplikasion. Inspektot guma sina ma berifika dinueniu yan identifika kosas siha gi halom i guma nai sina ha na nombrayon hao para asistensia. Yanggen i man lalalaha' esta mana gasgas osino man mamatinas rinipeha siha, sina ma patte huyong dokumentasion yan litratu siha yan i inspektot para u berifika i yinamak ginen i Henero 21-23, 2024, atdit na pakyo yan dilubiu.
Dispues di man aplika para asistensian FEMA, i FEMA sina ha a'gang i man lalalaha' para u skeyo appointment para u inpekta i yinamak kontra i guma-niha. Esti na ina'gang sina matto ginen estrangheru osino ma prohibi na numerun tilifon - gof impottanti na i man lalalaha' uma oppe esti na ina'gang kosa ki u konsigi mo'na i aplikasion.
FEMA Inspektot Guma Siha
Inspektot FEMA siha ma kakatga ofisiat na sedulas FEMA. Yanggen i badge chataha a'annok, i man lalalaha' sina ma faisen i inspektot para u na annok.
Inspektot FEMA siha siempre esta ma gogotti iyon i lalalaha' nuebi-digit na numerun rehistrasion yan ningai'an na u fangagao salappi.
Cha'mu nana'e infotmasion bangko i petsona ni ha kleklema na inspektot guinahan guma FEMA gui: Inspektot FEMA siha ti man ma aturisa para uma rikohi infotmasion fanansiat osino man mamaisen para numerun Inaseguran Sosiat.
Yanggen i inspektot FEMA matto gi guma i lalalaha' ya i dueniu ti ha sapmiti i aplikasion FEMA, i infotmasion inannok petsonat i lalalaha' kasi ma usa para man aplika sin tiningo-niha. Yanggen hunggan, i man lalalaha' nisisita na uma infotma i inspektot na ti man manaplika kosa ki sina i inspektot ha sapmiti rikuesta para uma na para pinentsigin kinalamtin i aplikasion.
Yanggen i lalalaha' ha suspecha sinakkin inannok, sapmiti halom ripot gi IdentityTheft.gov.
Yanggen i man lalalaha' guaha kuestion-niha pot kao guaha hayi mu reprisesenta i FEMA, a'gang i FEMA Helpline gi 800-621-3362 gi 7 a.m. esta 10 p.m. PT, Lunes - Damengo. Yanggen un usa i relay na setbisiu, tat kumo bidiu na relay (VRS), ma kapsiona na tilifon osino otro setbisiu, na'e FEMA ni numerun ayu na setbisiu.
Trinansladan linguahi yan intetpreten ASL siempre gumuaha gi rikuestan i lalalaha' para u asegura efektibu na komunikasion yan man lalalaha' nai i prinsipat linguahi ti Ingles, yan i man lalalaha' ni man Tanga yan/osino Makkat man Hungok.
Para un egga hinalom bidiu pot FEMA na inspeksion guma siha, bisita FEMA Accessible: Home Inspections - YouTube.
Aplika para FEMA na Asistensian Desgrasia
Man lalalaha' sina man hanao guatu DisasterAssistance.gov, usa i FEMA mobile apposino a'gang 800-621-3362, gi 7 a.m. esta 10 p.m. PT. Mi'linguahi siha na man fafacho'cho man guaha durantin rehistrasion para asistensia gi tilifon. Yanggen un usa i relay na setbisiu, tat kumo bidiu na relay (VRS), ma kapsiona na tilifon osino otro setbisiu, na'e FEMA ni numerun ayu na setbisiu.
Para i mas alacha na infotmasion FEMA pot i Henero 21-23, 2024, Bariun San Diego atdit na pakyo siha yan dilubiu, bisita www.fema.gov/disaster/4758.
###
I achakin i FEM sa inayuda para taotao antes di, durantin, yan dispues i desgrasia siha.
Todu FEMA na asistensian desgrasia siempre man mapribeniyi sin diskriminasion sigun gi rasa, kulot, henero (inklukluso aminasun dalli), inayek dinalli, rilihon, orihin nasionat, idat, tinai setbi, limiten minenhalom gi Ingles, osino estadun ekonomia.
Yanggen un honggi na iyo-mu direchon kottesia siha man ma desbetga, sina un a'gang i kudet i Civil Rights Resource (Guinahan Direchon Kottesia Siha) gi 833-285-7448 (TTY 800-462-7585). Ayu siha i umu'usa i relay na setbisiu tat kumo i videophone, InnoCaption osino CapTel debi uma na tungo i FEMA sigun gi iyon-niha spesifikat na numeru ni mafatinas para ayu na setbisiu. Mi'linguahi na man fafacho'cho man guaha (yemmi 2 para Espaniot).