Ma komwi aleda kisinlikou sang FEMA me ketihtihki me komwi sohte pahn alahl sawas sang FEMA, dehr saloh. Menlau patohla FEMA oh mangitikihada omwi anahn. Ma komwi sohte kupurki koasoandi en FEMA, komw kak wia repenpwun sapahl pwe en kupwurehda ma komwi kak en alahl sawas sang FEMA. Repenpwung sapahl iei pwung en koaruhsie.
FEMA sawaskihda mwohni en apwalihla aramas de tehnpas, de peneinei me sohte ahnki insurens oh pil sawas oang aramas me neirail insurens sohte itar en pereh sang katoutou. Sang ni koasoandi en kosoned en wei, FEMA sohte mweimwei en katingih aramas me ahnkier, de alehier sawas sang insurens, de sawas sang ohpis en koapwoarment.
Ma omwi insurens sohte itar en wia men poadoarepe, de ma sawas en mwoni pwand, komw kak en diar sawas oang kahpwal pwukat.
Ma e sansalda ma komwi sohte kak alehda sawas sang FEMA, ohpis en FEMA pahn kaunopada kisin likou en kawehweda ia kahrepen omwi pan sohte alehda sawas. Murin kisin likou wet, komwi pahn kak en wia repenpwung sapahl.
Repenpwung Sapahl
- Repenpwung sapahl pahn wiawi ni mwomwen kisin likou sang komwi oang FEMA pwe en pwureng mahlenge de kadehde omwi pekipek en sawas. Nan kisin likou wet, komwi pahn kasalehda sou itar en insurens, de sou itar in sawas alahldier sang insurens de ohpis en koapwoarment. Koaros mweimwei en repenpwung sapahl pwe en kadirlapiada koasoandi en FEMA. Komwi kak en wia repenpwung sapahl ong aplikeisin me pwand, aplikeisin en mwoni me anahn ong sawas, o repenpwung sapahl ong sawas en wasahn kouson.
- Kisin likou en repenpwung sapahl konehng en lel FEMA mwohn kaimseklahn rahn 60 sang ni keieuen koasoandi en FEMA. Nan kisin likou wet komwi anahn en kasalehda karepen oamw uhweng en FEMA koasoandi en sohte kihda sawas. Kisin likou wet pahn anahne sain menginpeh, or kalelepe rahn me kisin likou wet ntingdi. Kisin likou en repenpwung sapahl pahn anahne me pwukat:
- Mwaren aramas me wia aplikeisin, address en wasahn kouson, de wasahn kouson me lulida de ohla.
- Tehn daropwe koaros pan wa omwi nempe en aplikeisen en FEMA me komwi kak diar sang kisin likou en FEMA.
- Nempe en kalohk en FEMA ong kapwal wet nan wei en Hawaii: DR-4724-HI
- Sain en menginpehn aramas me wie aplikeisin wet oh kalelepen rahn me kisin likou wet ntingdi.
- Ma komwi pilada emen tohror en welian komwi oh wia repenpwung sapahl, kisin likou wet pahn wa sain en menginpehn weliepemw. Nan kisin likou wet komwi pan iang sain pwe en kasalehda nsenemw en kamana emen en welian komwi nan palien repenpwung sapahl.
- Kadarala kisin likou ni address wet:
FEMA Individuals & Households Program
National Processing Service Center
P.O. Box 10055
Hyattsville, MD 20782-8055
- Komwi pil kak wiahda account nan disasterassistance.gov o wia kisin likou en repenpwung sapahl o kisin likou me pahn kasalehda anahn en sawas, de sou itar en insurens. Kisin likou en repenpwung sapahl pil kak fax ong nempe: 800-827-8112.
Ma komwi sohte apply ong sawas ahpw pil iang alehdi kisin likou en sawas sang FEMA, menlau call Disaster Assistance Helpline nempe 800-621-3362. Ma komwi anahne sawas en lokaiahn wai, de anahn sawas en soun kawehwe ni ansoun delepwon call wet, menlau padik nempe 3 oh FEMA pahn sawaseki en soun kawehwe. Wasahn Disaster Assistance Helpline open rahn koaros, nan awa koaros.
Ma komwi kamehlele me komwi alahldi delepwon call sang aramas mwalaun, de aramas sosong in widing, komwi en menlau call Maui Police Department nempe 808-244-6400. Komwi pil kak audehda kampilein ong Hawaii Department en Commerce oh Consumer Affairs nempe 808-587-4272 (pilada 7).
Ma komwi inengieng mengihtik de ire pen lulidahn Maui, oh sawas ong tohn kousapw Maui, menlau patohla nan internet mauicounty.gov oh fema.gov/disaster/4724. oh @FEMARegion9 nan Twitter oh pil facebook.com/fema.