LITTLE ROCK, Ark. – Jipañ ko jen FEMA ewōr joñan ñan aikuj jidik ko. Eban kōkāāl aolep mweiuk ko rejako ak rejorrāān itok jen jorrāān eo elap ilo Arkansas ikkijien lañ ko rellap, kōto ko rekajoor, tonāto ko, im ibwijleplep eo. Bōk eddo jen injuran ej wāween eo emantata ñan kajeplaak jekjek ko ālikin jorrāān ko rekauwōtata. Bōtaab, jipañ ko jen FEMA ñan mweiuk ko maroñ bellok elaññe ejjelok injuran ak edik ijo injuran ej bōk eddoin.
Kain Jipañ Rōt
Men ko Rellap Rej Kōjerbal Jarom: Ekoba men ko rellap ilo kabijuknen rej kōjerbal jarom, āinwōt aijbook, injin in kwalkwol nuknuk, bar jet.
Nuknuk: Nuknuk ko raorōk eo kwōj aikuj itok jen aer jako, jorrāān ak ettoon.
Kōbwebweien moko: Kōbwebweien moko maroñ loi ilo ruum in kiki ko, jikin kōmman mōñā, jikin kabbojak ko, im ruum in etōnaak.
Menko Aikuj ñan Jikin Jerbal im Jikuul: Menko im kein jerbal ko aikuj ñan jerbal eo am im mweiuk ko aikuj ñan jikin jelālokjen. Jipañ kein rej bareinwōt etal ñan ro rej make-jerbal (self-employed).
Kein Bōk Melele ko Rej Kōjerbal Jarom: Menin ekoba juon am ak an baamle eo kamputōr. Kwōj maroñ kōiie ñan jāān in jipañ ko ñan bar jet kamputōr aikuj ñan jerbal ak jikuul eo rar jorrāān ālikin jorrāān eo elap.
Menko ñan Kapidodo an Utamwe Makūtkūt: FEMA ej lelok jipañ ñan mweiuk ko rejorāān eo aikuj ñan ro rej kanne im kōiie im wōr aer utamwe.
Jekjek ko ñan Maroñ Kōiie
Mweiuk ko rar aikuj pād ippam mokta jen lañ ko rellap ilo Arkansas eo ear jinoe Māe 24 im rar jorrāān itok jen lañ ko rellap.
- Mweiuk ko rar aikuj pād ippam im kōjerbali jen ro uwaan kabijuknen eo.
- FEMA ejjab maroñ kōmmane jorrāān ko ak kōkāāl i mweiuk ko rejorrāān jen lañ ko rellap elaññe ebar wōr mweiuk āinwōt im ej kabre jerbal.
- FEMA ejjab lelok jipañ ñan menko kōbwebweien moko im/ak men ko rellap rej kōjerbal jarom ñe lāānloot eo ear bōk eddoin bōki.
- Mweiuk ko kar kōjerbali jen rilotok ro ak ro nukum eo rarjab uwaan kabijuknen eo mokta jen jorrāān eo elap reban kōiie ñan jipañ ko.
Ro ewōr em iumwin etaer im ro rej reen em maroñ kanne etaer ñan FEMA ilo jejjo wāween ko:
- Etal ñan onlain ilo DisasterAssistance.gov.
- Taunloot i FEMA App eo ilo cellboon ko.
- Kall e FEMA helpline (lain in bōk jipañ) ilo 800-621-3362 kōtaan 6 awa jibboñ im 10 awa jota. Ewōr jipañ ilo enañin aolep kajin ko. Elaññe kwoj kōjerbal wāween jōrbej ko, āinwōt ilo bitio (video relay, VRS), kōnono ilo talboon eo ewōr jeje ie ak wāween ko jet, lelok nōmba eo am ñan FEMA ñan maroñ bōk jōrbej eo.
- Etal ñan jabdewōt Jikin Kajeplaak Jekjek ko Ālikin Jorrāān ko Rekauwōtata (Disaster Recovery Center). Ñan jikin ko im awa ko, etal ñan onlain ilo fema.gov/drc.
Ñan maroñ lale bitio eo ej kwalok wāween kanne etam etal ñan: Three Ways to Register for FEMA Disaster Assistance - YouTube.
Ñan melele ko rekāāl etal ñan fema.gov/disaster/4788. Loore FEMA Region 6 ilo X.com/FEMARegion6 ako ilo facebook.com/FEMARegion6/.