Ewõr Jibañ ñan Kajojo Armij jen FEMA ñan ro rej reene moko mweer, ekoba rijikuul im armij ro rekkar wia em ilo bukon ko ilo Baxter, Benton, Boone, Fulton, Greene, Madison, Marion im Randolph. FEMA emaron jibañ kwe kolla wonnen imõn jokwe ilo kōtaan ien, kōmmane jorrāān ko ilo mweo imōm im aikuj ko jet rekkar walok jen jorrāān in mejatoto, ekoba wonnen reen, elañe ejellok imõn am jokwe jen an kar lukkun nana mejatoto ilo Mae 24-27.
TA JIBAÑ EO ÑAN WONNEN REEN?
Jibañ in Reen eo jen FEMA ej jāān eo rej lewaj ńan jibañ armij ro rekkar ioon jorrrāān kin jibañ in imõn jokwe ilo kōtaan ien ilo aer kõmmane jorrāān ko ak bar ekāl em. Ñe kwõj reene mweo imõm, emaron lewaj juon wāween jibañ ilo ien aer kõmmane jorrāān eo ilo mweo ak ilo ien am kattar in bar reene juon jikin am jokwe.
TA EO EKOBA ILO JIBAÑ EO ÑAN WONNEN REEN?
- Jibañ eo ñan wonnen reen ej kolla wonnen jikin jokwe ilo kōtaan ien eo kwõjab maron jokwe mweo imōm.
- Mweo kwõj reene emaron em, apartment, hotel, ak wa ko kwõmaron kiki ae ñan am kebaak jerbal eo am, mweo imōn, jikuul, im imõn jar eo am.
- Jāān in Jibañ eo ñan Reen ej ñan wonnen security deposit ko, reen im wonnen jarom (kiaj, aeboj, im jarom).
- Jibañ eo ñan Reen emaron jerbal ñan bed ilo hotel ko iomwin jidik ien ilo am kabõk imõn reen.
- Jibañ eo ñan Reen ejab maron kolla wonnen cable ak internet.
EWI TOON AÕ MARON BÕK JIBAÑ EO ÑAN REEN?
- Jāān in jibañ eo kein kajuon ej ñan juon ñan ruo allõñ ekkar ñan kajojo wāween ko.
- Innem tokelik kwõmaron kajjitõk an aitoklok, jilu allõñ ilo juon ien, lok ñan aoleben joñan eo ej 18 allōñ ilo am kall ae Lain in jibañ eo an FEMA ilo 800- 621-3362.
TA EO IMARON KÕMMANE ÑE EKAUWÕTATA, EJAB ERREO IM IJAB MARON JOKWE MWEO IMŌ AK IJ AIKUJ JIKIN AÕ JOKWE?
- Ñe ewõr am injuran, bael ae juon claim.
- Kombani in injuran eo am enaj lewaj joñan claim eo rej lewaj ñe ejab juon peba ej kwalok am jab tōbrak im kwõnaj aikuj lelok peba in ñan FEMA.
- Emaron bõk ien ñan am loe peba in, innem bael ae claim eo am ilo ien eo emokajtata.
- Lale ibben rijerbal in injuran eo am ñan lale elañe kakien eo am ej kolla wonnen am mour, im emaron kolla wonnen am emakūt ñan juon jikin jokwe ilo kõtaan ien.
- Kanne am peba ñan jibañ eo jen FEMA ilo ien eo wōt. Raan eo āliktata ñan lelok ablikajon ej Okwoj 28, 2024.
- Kwõmaron kanne am peba ilo emen wāween ko: etal ñan DisasterAssistance.gov; download ilo talebon eo nejum FEMA App; kall ae Lain in Jibañ eo an FEMA ilo 800-621-3362 jen 6 awa jibbon ñan 11 awa jota, awa in CT. Ewõr jibañ ilo elõñ kajin ko. Ñe kwõj kõjerbal juon kain bõk melele einwõt VRS, kein jibañ bõk melele ilo talebon ak bar jet kain, lelok nomba in kein jibañ eo ñan FEMA; ñe ejab bõk juon laajrakin etan Jikin Jibañ ko jen Jorrāān ilo fema.gov/drc ñe kwõnaan itok im kenono ibbemim.
- Lelok peba eo ej kwalok joñan claim eo injuran eo am ej lewaj ñe ejab peba ko rej kwalok am jab tõbrak ñan FEMA ilo ien eo wõt kwõnaj loi.
- Ñe kakien eo ilo injuran eo am ejab kolla wonnen jokwe ko jet, ak ñe kwõnaj kõjerbal aoleben injuran eo im kwõj wõt jab maron jokwe mweo imõm, kwõmaron tõbrak ñan Jibañ eo ñan Reen jen FEMA.
- Jeiki ta eo kwõj kõjerbal ñan jibañ eo rej lewaj.
- Kejbarok aoleb rijit iomwin jilu iiõ ñan kwalok ta ko kwar wiaiki kin jāān in jibañ ko FEMA ear lewaj.
- Ñe kwar jab kõjerbal jāān in jibañ eo einwõt ilo wāween eo emõj kalikar ilo leta in tõbrak eo am jen FEMA, remaron kajjitõk am karoollok jāān in jibañ ko im kwõmaron jab bar tõbrak ñan am bar ebōk jibañ ko jen kien eo an federal.
Emo an FEMA bar lelok jibañ ñan mweiuk ak men ko rejorrāān im jikin ko jet rej lewaj wonnen.
Ñe kwõj aikuji juon kein jibañ eo kim maron lewaj ak juon riukok an kajin kakõlle, jouj im kall ae Lain in Jibañ eo an FEMA ej Kejbarok Maron ko an Armij iomwin Kakien: 833-285-7448 (jibed 2 ñan Kajin Spanish). Ebellok lain in kall eo jen Mande ñan Bolaide 6 awa jibbon ñan 4:30 awa raelap, awa in CT.
Ñan melele ko āliktata etal ñan fema.gov/disaster/4788. Lale akkoun eo an FEMA Region 6 X ilo twitter.com/FEMARegion6 ñe ejab Facebook ilo facebook.com/FEMARegion6/.