LAHAINA, MAUI – Mangrugi nga agiyakar ti FEMA kadagiti yunit ti temporario a pabalay manipud iti temporario a lugar iti Lahaina iti pribado ken sekondaria a disso inton Hunyo 26, 2025. Mapasamak ti pannakaiyakar kadagiti sumarsaruno a lawas ken mangted ti kanayonan wenno ad-adu pay a pabalay para kadagiti nakalasat ti nakaro nga uram iti Lauden a paset ti Maui. Maiyakar ti umuna a yunit iti pribado a disso inton Hunyo 26, 2025, nga addaan dagiti sumarsauno a kanayunan a yunit.
Innem a temporario a yunit ti pabalay ti maipan iti pribado a disso iti Lahaina. Kasta pay a 40 wenno uppat a pulo a temporario a yunit ti pabalay ti maipan met iti tallo a sekondaria a disso iti Lahaina iti sumarsaruno a lawas.
Ti pannakaiyakar dagiti yunit ket kas panangsuportar ti mision ti FEMA a maisubli dagiti nakalasat ti uram iti Laud a paset ti Maui nu sadinno dagitoy ti nangibaga a ti temporario a pabalay nga asideg iti orihinal a pagtaenganda ket isu ti kayat or pilida. Mangitunda ti sangkabassit a trapiko ti pannakaiyakar dagiti yunit bayat a dagitoy ket maibiahe iti agarup 2 milia a distansia mapan iti pinal a destinasion dagitoy. Regular wenno adda dagiti naituding nga oras a maiyakar dagitoy iti las-ud iti sumagmamano a lawas ken target a malpas sakbay a mangrugi ti panaglulukat ti klase wenno baro a tawen ti eskuela tapnu iti kasta ket maakomodar dagiti pamilua nga addaan dagiti annak nga agbasbasa wenno estudiante.
Temporario ken agtalinaed a silulukat ti pabalay iti FEMA para kadagiti partisipante bayat nga agtultulpoy nga agsarsarak dagitoy ti solusion para ti permanente a pabalay.
Para kadagiti kabbaro nga impormasion seknan kadagiti wagas para iti ibabangon ti Maui kalpasan ti nakaro nga uram, bisitaen ti mauicounty.gov, mauirecovers.org, fema.gov/disaster/4724 ken Hawaii Wildfires - YouTube. Suroten ti FEMA iti midia sosial: @FEMARegion9 ken facebook.com/fema. Mabalin pay a makaala ti impormasion seknan ti pannakaasistir seknan ti pannakadidigra ken i-download dagiti applikasion iti sba.gov/hawaii-wildfires.
# # #
Mision ti FEMA ti makatulong kadagiti tao sakbay, bayat, ken kalpasan ti didigra.