FEMA, kaduana dagiti federal a kaasmangtayo, ket nakaipaay iti nasurok $3 bilionpara ti panagabrut iti uram iti kabakiran iti Maui. Mairaman ditoy ti ad-adu ngem $1.3 bilion kadagiti naidutok a mision tapno mapapartak ti panagabrut babaen ti panangikkat kadagiti wara ken panangibelleng, temporario a pabalay, panangaramid iti eskuwelaan, ken panagtarimaan kadagiti kamarin.
Dagiti programa a Tulong iti Indibidual ken Tulong iti Publiko ti FEMA ket mangsuporta kadagiti aramid iti komunidad a nakawanawan iti napaut a panagabrut. Kas paset ti agtultuloy a panagregget ti FEMA iti Maui, agabang ti ahensia ti ad-adu ngem 120 nga empleado tapno masuportaran ti barbaro a naaramid nga Opisina ti Napagtulungan a Panagabrut para ti County ti Maui tapno mangidaulo kadagiti aramid.
Tulong iti Indibidual
Ita, naaprubaran ti FEMA ti ad-adu ngem $56.1 milion tapno matulungan ti 7,141 a tattao a pumia babaen ti programa a Tulong iti Indibidual, a pakairamanan ti ad-adu ngem $33.8 milion para ti Tulong iti Pabalay ken ad-adu ngem $22.2 milion para kadagiti Tulong iti Sabali pay a Kasapulan a tarus a nabayadan kadagiti nakalasat.
Tulong iti Panagabang iti FEMA
Tarus a mangipapaay ti Tulong iti Panagabang iti FEMA ti kuarta kadagiti maikari a nakalasat tapno makasapul ti bukodda a temporario a pabalay. Ginasut a pamilia ti mangus-usar iti programa a tulong iti panagabang. Ad-adu ngem $37.3 milion ti naaprubaran para ti tulong iti panagabang manipud ti FEMA:
Tarus a Tulong iti Pabalay
Mangsapsapul ti programa a Tarus a Tulong iti Pabalay iti FEMA ti temporario a pabalay para kadagiti maikari a pamilia:
- Iti sidong ti programa ti Tarus a Panagabang, abangan ti FEMA dagiti residensial a sanikua manipud kadagiti makin-kua ti sanikua tapno mausar dagiti nakalasat. Baybayadan ti ahensia ti abang kadagiti makin-kua ti sanikua, ken dagiti yunit ket maidiaya agingga iti 18 a bulan, wenno inggana Pebrero 2025.
- Ad-adu ngem $295 milion ti naigaston para ti programa ti Tarus a Panagabang. Babaen iti daytoy a programa, timmulong ti FEMA ti ad-adu ngem 1,200 a sangkabalayan a makasapul ti temporario a pabalay.
- Ti maysa a site ti grupo a pabalay iti Kilohana idiay Maui ket naiyiskediul a makumpleto inton Oktubre 2024. Aglaon daytoy a site ti 169 a yunit para kadagiti maikari a nakalasat a mausar para ti temporario a pabalay.
- Madama ti panagplanon para kadagiti naaramiden a yunit ti pabalay kadagiti pribado a sanikua. Dagiti naaramiden a yunit ti pabalay ket mangpalubos kadagiti makin-kua ti balay nga agnaed iti sanikuada bayat a matartarimaan dagiti naperdi ti didigra a pagtaenganda.
Dagiti sabali pay a serbisio a naponduan ti FEMA para kadagiti residente ti Maui:
- Ad-adu ngem $5 milion ti naipaay para ti Pammagbaga iti Krisis.
- Ad-adu ngem $17 milion ti naipaay para ti Panangimaton iti Kaso ti Didigra.
- Ad-adu ngem $12 milion ti naipaay para ti Tulong iti Kinaawan ti Trabaho bayat ti Didigra.
- Ad-adu ngem $5,000 ti naipaay para kadagiti Legal a Serbisio iti Didigra.
Tulong iti Publiko ken Kritikal a Kamarin iti FEMA
- Mangipapaay ti programa a Tulong iti Publiko iti FEMA ti kuarta iti estado, tribo, teritorio ken lokal a gobierno ken dagiti naisalumina a kita dagiti pribado a non-profit tapno napartak a makasungbat dagiti komunidad iti ken pumia manipud kadagiti kangrunaan a didigra wenno emerhensia. Iti kadagupanna, naiyobliga ti FEMA ti ad-adu ngem $700 milion babaen ti programa a Tulong iti Publiko.
- Naiyobliga ti FEMA ti ad-adu ngem $473.5 milion babaen ti Programa a Tulong iti Publiko para ti Emerhensia a Trabaho. Daytoy a trabaho ket nakumpleto a dagus kalpasan ti didigra tapno makaisalakan kadagiti biag, makaisalaknib ti salun-at ken kinatalged ti publiko, makaisalaknib ti napapintas a sanikua wenno maikkat wenno makissayan ti naganat a pangta ti kanayonan a pannakaperdi.
- Naiyobilga ti FEMA ti ad-adu ngem $107 milion babaen ti Programa a Tulong iti Publiko para ti Permanente a Trabaho. Daytoy a tulong ket panangtarimaan iti naperdi ti didigra, publiko a sanikua a pasilidad ken dagiti pasilidad para kadagiti naisalumina a Pribado a Nonprofits.
- Nangipaay ti FEMA ti nasurok $78 milion babaen kadagiti Naidutok a Mision tapno makaaramid ti temporario a campus para ti Elementaria nga Eskuwelaan ti King Kamehameha. Naperdi ti eskuwelaan kadagiti uram iti kabakiran ti Lahaina ken saanen a matarimaan. Naidutok daytoy a proyekto iti USACE a nakumpleto iti las-ud ti 95 nga aldaw. Mairaman iti campus ti:
- 38 a kamarin.
- Air conditioning iti amin a siled ti klase.
- 30 a siled ti klase a makaanay ti 650 nga estudiante.
Panangikkat ti Wara
Idi Agosto 2023, indutok ti mision ti FEMA ti USACE a mangaramid ti panangikkat ti wara kadagiti maikari a sanikua. Sakbay dayta, nangpatta-patta ti USACE a dagiti operasion ti panangikkat ti wara ket agbayag iti maysa a tawen manipud idi nangrugi ti trabaho iti panangikkat ti wara; nalabsanda amin a namnama ta nasapa iti iskediul dagiti operasion. Ti kaaduan ti panangikkat ti wara ket makumpleto inton Disiembre 2024; dagiti operasion ti panangikkat ti wara ket manamnama a makumpleto inton Enero 2025.
- Nadalusan ti USACE ti 98% dagiti residensial a lote (1,374 iti 1,399), a nangpalubos kadagiti makin-kua ti sanikua nga irugi ti proseso iti panangipatakder manen.
- Nadalusan ti USACE ti 42% dagiti lote ti komersio (76 iti 159), a nangpalubos kadagiti negosio nga agplano para ti masakbayan.
Sabali pay a panangikkat ti wara:
- Naikkat ken naibelleng ti U.S. Coast Guard ti 98 vessel manipud ti harbor (nakumpleto ti mision idi Disiembre 2023).
- 3,080 a lugan a naperdi ti uram ket naikkaten manipud ti site a napuuran ken umno a naibellengen.
- Kas panangikoordinar iti Ahensia ti Panangsalaknib ti Lawlaw iti U.S., nakumpleto ti panangibelleng ti delikado a materiales ti sangkabalayan idi Disiembre 2023.
- Nakapartuat ti EPA kadagiti baro a pamay-an iti panangibelleng ti delikado a material ti bateria tapno maala ken maibelleng amin nga elektroniko a lugan ken dagiti Powerwall a bateria. Dagitoy a pamay-an ket maikkan ti patente para ti panagusar kadagiti pasamak iti uram inton masakbayan.
- Nakumpleto ti FEMA ti proseso iti panageksamen, panangkedngan, panagdalus, ken panagurnos kadagiti naperdi a sistema iti danum ken kanal idiay Lahaina idi Hulio 17, 2024, a nangiyusat ti dalan para ti County ti Maui tapno makaaramid kadagiti napateg a panagtarimaan kadagitoy a sistema.
Kanayonan a Federal a Suporta:
- Manipud idi Agosto 8, ad-adu ngem 350 a trabahador ti FEMA ti nangsuporta kadaytoy nga operasion ti didigra.
- Inaprubaran ti Administrasion ti Babassit a Negosio ti U.S. ti ad-adu ngem $396 milion kadagiti federal a pautang iti didigra para kadagiti negosio, nonprofits ken residente ti Hawai‘i a naapektaran dagiti uram iti kabarikan ti Maui. Mairaman dita ti ad-adu ngem $151.2 milion para kadagiti negosio ken ad-adu ngem $244.7 milion kadagiti makin-kua ti balay ken agab-abang tapno matulungan ida a mangipatakder ken makabangon manipud iti didigra.
Dagiti Inisial a Numero ti Sungbat:
- Idi umuna, nakaiyeg ti pagamangan ti FEMA ken American Red Cross iti ad-adu ngem 8,000 a nakalasat babaen ti emerhensia a pagamangan.
- Ad-adu ngem 1.5 milion a taraon ti naiserbi iti sidong ti programa ti taraon a naponduan ti FEMA kadagiti emerhensia a site ti hotel.
- Sinuportaran pay ti FEMA ti non-congregate a pagamangan kadagiti hotel iti ad-adu ngem 11 a bulan kas agbirbirok dagiti nakalasat iti didigra kadagiti pagpilian iti napapaut a pabalay.
- Naaddaan ti 52,132 a dagup a panagbisita, a pakairamanan dagiti naulit a panagbisita, kadagiti Sentro ti Panagabrut iti Didigra, a tarus a makitinnulong dagiti residente iti FEMA ken ti dadduma pay a federal nga empleado tapno kedngan dagiti kasapulanda, agrehistro para ti tulong, umawat ti personal a panangimaton iti kaso, ken makikonektar kadagiti boluntario nga ahensia para ti kanayonan a suporta.
Para iti kabaruan nga impormasion maipapan kadagiti panagregget nga agpaimbag kadagiti uram iti kabakiran ti Maui, bisitaen ti mauicounty.gov, mauirecovers.org, fema.gov/disaster/4724 ken Hawaii Wildfires - YouTube. I-follow ti FEMA iti social media: @FEMARegion9 ken facebook.com/fema. Mabalinmo met ti makaala iti impormasion maipapan iti tulong iti didigra ken i-download dagiti aplikasion iti sba.gov/hawaii-wildfires.