No nakaawatka iti dua a bulan a tulong iti panagabang ti FEMA kalpasan ti uram iti kabakiran ti Maui ken kasapulam ti ad-adu a panawen tapno maiplano ti panagpaimbagmo, mabalin a maikarika para iti Agtultuloy a Temporario a Tulong iti Pabalay. Iti sidong ti Programa iti Indibidual ken Balay, no ipaaymo dagiti kasapulan a dokumento, mabalin nga umawatka iti tulong iti panagabang iti sabali pay a tallo a bulan ken mabalin a napapaut pay, no kasapulan.
Ti tulong iti panagabang nga awatem ket mabalin nga usaren a pang-abang iti balay, apartment, naaramid a pagtaengan, paglinglingayan a lugan, wenno dadduma pay a pagtaengan.
- Sinno ti maikari?
- Tapno maikari iti tuloy a Temporario a Tulong iti Pabalay:
- Masapul a nakaawatka iti umuna a dua a bulan a tulong iti panagabang ken inusarmo dayta kas naibilin.
- Masapula saan kan a mabalin nga agsubli iti pagnanaedam sakbay ti didigra gapu ta naperdi, nadadael wenno saanen a mablin a pagnaedan gapu kadagiti uram iti kabakiran.
- Saanka a makabayad iti balay no awan ti tulong.
- Mabalinmo nga ipakita a ti pinansial a panagkasapulam ket gapu iti didigra.
- Saanka nga umaw-awat iti temporario a tulong iti pabalay manipud iti aniaman a sabali a gubuayan.
- Kabaelam nga ipakita nga agar-aramidka iti napapaut wenno permanente a plano ti pabalay wenno ipakitam ti panagrang-ay nga agturong iti dayta a plano.
- No Kasapulam ti Ad-adu pay a Tulong iti Panagabang
- Tapno makaawat iti agtultuloy a tulong iti panagabang, kompletuen ti Aplikasion para iti Agtultuloy a Temporario a Tulong iti Pabalay.
- Dagiti Makinkukua iti pagtaengan: No dagiti pannakalugi ti real property-yo a naberipika ti FEMA ket nalablabes ngem ti gatad ti umuna a naited nga Tulong iti Panagabang, ti maysa nga AAplikasion para iti Agtultuloy a Temporario a Tulong iti Pabalay ti maikoreo kenka. Automatiko a mapataud dayta agarup dua a lawas kalpasan a naaprobaran ti umuna a Rental Assistance award. No ti Pannakapukaw ti Real Property ket saan a lumbes iti gatad ti umuna a Tulong iti Panagabang, kasapulam nga tawagan ti FEMA Helpline iti 800-621-3362 tapno agkiddaw iti aplikasion. Nakalukat ti linya manipud 7 a.m. to 10 p.m. HST, pito nga aldaw iti makalawas.
- Dagiti Agab-abang: Masapul nga agkiddawka iti Agtultuloy a Temporario a Tulong iti Pabalay nga form babaen iti panangtawag iti FEMA Helpline.
- Tapno agkiddaw iti form, agsaludsod maipapan iti Agtultuloy a Temporario a Tulong iti Pabalay, wenno makagun-od iti tulong a mangkumpleto iti form, tawagan ti FEMA Helpline iti 800-621-3362.
- Amin nga aplikante ket masapul nga agisumite kadagiti sumaganad a dokumentasion a kadua ti nakompleto nga aplikasionmo:
- Kita sakbay ken kalpasan ti didigra para kadagiti kameng ti sangakabbalayan nga agtawen iti 18 ken natataengan.
- Pammaneknek ti gastos iti pabalay sakbay ti didigra (kopia ti panagabang ken babayadan nga utilidad, seguro ti agab-abang, mortgage statement, buis iti real estate, seguro ti balay, kdpy.).
- Pammaneknek ti gastos iti balay kalpasan ti didigra (kopia ti agdama a katulagan ti panagpaabang wenno panagabang a pinirmaan ti aplikante ken ti akinkukua iti balay).
- Panangisumite iti Aplikasion para iti Agtultuloy a Temporario a Tulong iti Pabalay
- Ti Agtultuloy a Temporario a Tulong iti Pabalay a form ti kiddaw ken dagiti mangsuporta a dokumento ket rumbeng nga isubli iti FEMA iti maysa kadagiti sumaganad a pamay-an:
- Ibati dagitoy kadagiti espesialista ti FEMA iti:
- Opisina iti Panagpalaing iti Lahaina Gateway, 325 Keawe St., Suite B102. Dagiti oras ket 7:45 a.m. to 4:30 p.m. Lunes agingga Biernes.
- Opisina ti Konseho para iti Panagrang-ay ti Katutubo a Hawaiian, Sentro ti Serbisio ti Relief ken Tulong ti Kāko'o Maui, 153 E. Kamehameha Ave., Suite 101, Kahului. Dagiti oras: 8 a.m. to 6 p.m. Lunes agingga Biernes.
- I-upload dagiti dokumento iti account-mo iti didigra iti DisasterAssistance.gov
- Ikoreo iti FEMA, P.O. Box 10055, Hyattsville, MD 20782-8055.
Para iti kabaruan nga impormasion maipapan kadagiti panagregget nga agpaimbag kadagiti uram iti kabakiran ti Maui, bisitaen ti mauicounty.gov, mauirecovers.org, fema.gov/disaster/4724 ken Hawaii Wildfires - YouTube. I-follow ti FEMA iti social media: @FEMARegion9 ken facebook.com/fema. Mabalinmo met ti makaala iti impormasion maipapan iti tulong iti didigra ken i-download dagiti aplikasion iti sba.gov/hawaii-wildfires.