Դաշնային օգնության պահանջներին համապատասխանելու համար աղետից տուժած իրավունակ անձինք պետք է լինեն ԱՄՆ քաղաքացիներ, քաղաքացիություն չունեցող օտարերկրյա անձինք կամ պահանջներին համապատասխանող քաղաքացիություն չունեցող անձինք։ Դաշնային օգնության պահանջներին չհամապատասխանող աղետից տուժած անձինք կարող են ամեն դեպքում զանգահարել FEMA-ի թեժ գծի 800-621-3362 հեռախոսահամարին՝ կամավոր կազմակերպությունների մասին տեղեկություններ ստանալու համար։
Պահանջներին համապատասխանող տուժածներին առաջարկվող օգնությունը ներառում է օգնություն ժամանակավոր կացարանի, տան վերանորոգման, անձնական գույքի ձեռքբերման, բժշկական կորուստների, թաղման ծախսերի հարցում, ինչպես նաև օգնություն աղետի հետևանքով առաջացած գործազրկության դեպքում և ցածր տոկոսադրույքով վարկերի տրամադրում։
Անհատներին և ընտանիքներին, անկախ քաղաքացիությունից, տրամադրվում է աղետի հետ կապված տարբեր տեսակի օգնություն, մասնավորապես՝ հոգեբանական խորհրդատվություն ճգնաժամային իրավիճակներում, իրավաբանական ծառայություններ, գործի վարում, օգնություն Աղետի ժամանակ լրացուցիչ պարենային օգնության ծրագրի (D-SNAP) շրջանակում, կարճաժամկետ անկանխիկ օգնություն, օրինակ՝ որոնողական և փրկարարական ծառայություններ, բուժօգնություն, ապաստան, սնունդ և ջուր։
Պահանջներին համապատասխանող քաղաքացիություն չունեցող անձինք սահմանվում են որպես․
- Մշտական օրինական ռեզիդենտներ («կանաչ քարտ» ունեցողներ):
- Ապաստան ստացած քաղաքացիություն չունեցող անձինք:
- Փախստականներ:
- Ցանկացած անձ, որի վտարումը կասեցվել է առնվազն մեկ տարով:
- Ցանկացած անձ, որն ԱՄՆ-ում է մարդասիրական նպատակներով առնվազն մեկ տարի:
- Կուբայից/Հայիթիից եկած որոշակի անձինք:
- Ծեծի ենթարկված քաղաքացիություն չունեցող անձինք կամ նրանց ամուսինները/կանայք կամ երեխաները:
- Թրաֆիքինգի զոհ դարձած անձինք։
Եթե տուժածը չի համապատասխանում քաղաքացիության կամ ներգաղթյալի կարգավիճակի պարտադիր պահանջներին, նա ամեն դեպքում կարող է դիմել և դիտարկվել օգնության համար, եթե․
- ԱՄՆ քաղաքացի, քաղաքացիություն չունեցող օտարերկրացի կամ պահանջներին համապատասխանող քաղաքացիություն չունեցող անչափահաս երեխայի ծնողը կամ օրինական խնամակալը դիմում է անչափահաս երեխայի անունից այն ժամանակ, երբ նա ապրում է նույն տնային տնտեսությունում։ Աղետը տեղի ունենալու ժամանակ ծնողը կամ օրինական խնամակալը պետք է դիմեն որպես համատեղ դիմումատու, իսկ անչափահաս երեխան պետք է լինի մինչև 18 տարեկան։
ԱՄՆ-ում օրինական ձևով գտնվող քաղաքացիություն չունեցող անձանց մի քանի կատեգորիա կա, որոնք օգնության համար իրավունակ չեն, օրինակ՝ օտարերկրացի ուսանողները և ժամանակավոր մուտքի թույլտվություն կամ աշխատանքի թույլտվություն ունեցողները։
- Օգնության որոշակի տեսակների համար պահանջվում է ներկայացնել վնասված բնակավայրում բնակվելու կամ այն սեփականության իրավունքով տնօրինելու ապացույց, իսկ դիմումատուն պետք է համապատասխանի քաղաքացիության վերաբերյալ FEMA-ի պահանջներին։ Եթե դիմումը անչափահաս երեխայի իրավունակության հիման վրա է, գործում են հետևյալ պահանջները․
- Բնակավայրի զբաղեցում․ համատեղ դիմումատուն պետք է լինի երեխայի ծնողը կամ օրինական խնամակալը և ապացուցի, որ աղետի ժամանակ բնակվել է աղետից վնասված բնակավայրում։
- Սեփականություն․ համատեղ դիմումատուն պետք է լինի երեխայի ծնողը կամ օրինական խնամակալը և ապացուցի, որ աղետից վնասված բնակավայրի սեփականատերն է։
Աղետի դեպքում հասանելի ամբողջ օգնությունը տրամադրվում է առանց ռասայի, մաշկի գույնի, սեռի (այդ թվում՝ սեռական կողմնորոշման), կրոնի, ազգային պատկանելության, տարիքի, հաշմանդամության, անգլերենի սահմանափակ իմացության կամ տնտեսական կարգավիճակի հիմքով խտրականության։ Եթե տուժածը կարծում է, որ իր քաղաքացիական իրավունքները խախտվել են, կարող է զանգահարել FEMA-ի թեժ գծին։ Լսողության կամ տեսողության խնդիրների պատճառով տեսակապ, ենթագրերով հեռախոսային ծառայություն կամ հաղորդակցման այլ միջոցներ օգտագործելու դեպքում տուժածը պետք է FEMA-ին տրամադրի տվյալ ծառայության համար հատկացված հատուկ համարը։